قازاقستان دەپۋتاتتارى مەن ولاردىڭ شەتەلدىك ارىپتەستەرى قانشا جالاقى الادى؟

بۇگىندە «؛حالىق قالاۋلىلارىنىڭ»؛ ورتاشا ەڭبەكاقىسى 700 مىڭ تەڭگە. جالاقى كولەمى ەڭبەك ءوتىلى مەن پارلامەنتتەگى قاندايدا ءبىر كوميتەتكە مۇشەلىگىنە بايلانىستى بەلگىلەنەدى. جالاقىعا قوسىمشا دەپۋتاتتار قىزمەتتىك پاتەر, قىزمەتتىك كولىك, ەلىشىلىك, شەتەلدىك ءىسساپارلاردىڭ بيۋدجەتتەن تولەنۋى, تەگىن مەديسينالىق كومەك, كومەكشىلەرىنىڭ شىعىندارىننىڭ وتەلۋى سىندى يگىلىكتەردى پايدالانادى. بۇلاردى قوسا ەسەپتەگەندە دەپۋتاتقا كەتەتىن شىعىن جالاقى سوماسىنان ەكى-ۇش ەسەگە كوبەيەدى, دەپ جازادى ؛forbes.kz.

ەلدەگى ورتاشا ايلىق جالاقى قازان ايىندا 189 مىڭ تەڭگەنى قۇراعانىن, ەڭ تومەنگى جالاقى 42 ؛500 تەڭگە ەكەنىن ەسكەرسەك, اق جاعالىلاردىڭ ايلىعى ورتاشا ەڭبەكاقىدان 3,7 ەسە, ەڭ تومەنگى جالاقىدان 16,5 ەسەگە كوپ.

قازاقستان جاعدايى ءۇشىن دەپۋتاتتار ايلىعى ءتىپتى دە جامان ەمەس. ال شەتەلدىك ارىپتەستەرىمەن سالىستىرعاندا بىرىنەن كوپ, ەندى بىرىنەن از. ماسەلەن, سولتۇستىك كورشى &ndash؛ رەسەيدە دەپۋتاتتار 400 مىڭ رۋبل (2,4 ملن تەڭگە) الادى. ونداعى ەڭ تومەنگى جالاقى 11 ؛280 رۋبلعا (68 مىڭ تەڭگە) تەڭ. دەمەك رەسەيلىك دەپۋتاتتارعا ەڭ تومەنگى جالاقى الاتىن ازاماتتان 35,5 ەسە كوپ جالاقى تولەنەدى. ءۇي, كولىك سىندى جايلى جاعدايلاردى قوسا ەسەپتەگەندە ءبىر دەپۋتاتقا كەتەتىن ايلىق شىعىن 1,5 ملن رۋبلعا (9 ملن تەڭگە) دەيىن ارتادى.

ۋكرايناداعى جوعارعى رادا دەپۋتاتتارى ايىنا 40 مىڭ گريۆەن (632 مىڭ تەڭگە) تابادى. بۇل تومەنگى جالاقى مولشەرىنەن (4173 گريۆەن &ndash؛ 66 مىڭ تەڭگە) 9,5 ەسەگە جوعارى.

بەلارۋستە دەپۋتاتتاردىڭ تابىسى 3687 بەلارۋس ءرۋبلى (701 مىڭ تەڭگە), تومەنگى جالاقى 33 رۋبل (66 مىڭ تگ).

قىرعىزستاندىق جوعارعى كەڭەس دەپۋتاتتارى تمد ەلدەرى اراسىنداعى ەڭ تومەنگى جالاقى الاتىنداردىڭ ءبىرى. قىرعىز پارلامەنتىندەگى ورتاشا جالاقى 30 مىڭ سوم (167 ؛100 تگ). ال ەلدەگى تومەنگى جالاقى مولشەرى 1200 سوم (6684 تگ).

ەۋروپا ەلدەرىنە كەلسەك, ليتۆادا دەپۋتاتتىڭ ورتاشا جالاقىسى 2963 ەۋرو (1 ملن 280 مىڭ تگ), تومەنگى جالاقى 550 ەۆرو (237 600 تگ). پولشادا دەپۋتاتتار 8017 زلوتا (809 مىڭ تگ) تاپسا, تومەنگى جالاقى 2250 زلوتاعا (227 250 تگ) تەڭ.

ەۋروپارلامەنت دەپۋتاتتارى ايىنا 6825 ەۋرو (2 ملن 950 مىڭ تگ) الادى. تەك ەۋروپارلامەنت مۇشەلەرى قاي ەلدىڭ وكىلى ەكەنىنە قاراي سالىق تولەيتىندىكتەن, جالاقىلارى ءارتۇرلى شامادا كەمي تۇسەدى.

گەرمانياداعى بۋندەستاگ دەپۋتاتتارى تاباتىن تابىس 10 ؛083 ەۋرو (4 ملن 356 مىڭ تگ), تومەنگى جالاقى 1584 ەۋرو (685 مىڭ تگ) شاماسىندا.

ۇلىبريتانيادا "حالىق قالاۋلىلارىنىڭ" ەڭبەكاقىسى 6622 فۋنت ستەرلينگ (3 ملن 318 مىڭ تگ). بۇل تومەنگى جالاقىدان (1698 فۋنت, 850 ؛700 تەنگە) 3,9 ەسەگە كوپ.

ەڭ جوعارى جالاقى الاتىن دەپۋتاتتار ساپىندا يتاليالىق پارلامەنت وكىلدەرى دە بار. ولار ايىنا 10 435 ەۋرو (4,5 ملن تەنگە) جالاقى الادى. بۇل ەلدە تومەنگى جالاقى دەگەن تۇسىنىك جوق, "ازاماتتىق تابىس" دەگەن ۇعىم بار. "ازاماتتىق تابىس" يتاليادا 780 ەۋرو (337 مىڭ). ايىرماشىلىق &ndash؛ 13,4 ەسە.

ال اقش-تا قوس پالاتا وكىلدەرىنە ايىنا 14,5 مىڭ دوللار (5 ملن 655 مىڭ تگ) تولەنەدى. امەريكادا تومەنگى جالاقى مولشەرى ءار شتاتتا ءارتۇرلى. شامامەن ايتقاندا ءبىر ساعاتتىڭ اقىسى 7,25 دوللار. جۇمىس اپتاسى 40 ساعاتتان تۇرادى دەپ ەسەپتەگەندە تومەنگى جالاقى ايىنا $1 160 نەمەسە 452 400 تەڭگەنى قۇرايدى. كەي شتاتتاردا كورسەتكىش بۇدان جوعارى.