ومبىدا سۋرەتشى امانگەلدى شاكەنوۆكە ەسكەرتكىش قويىلدى (فوتو)

ەسكەرتكىشتىڭ اشىلۋىندا رەسەيدەگى قازاقستان ەلشىسى يمانعالي تاسماعامبەتوۆ امانگەلدى شاكەنوۆتىڭ قازاقستان سۋرەتشىلەر وداعىنىڭ اكادەميگى بولعانىن جانە ەكى ەل اراسىنداعى رۋحاني بايلانىستى دامىتۋعا ولشەۋسىز ۇلەس قوسقانىن اتاپ ءوتتى.

"امانگەلدى ءابدىراحمانۇلىنىڭ سۋرەتشى رەتىندە رەسەيدە قالىپتاسقانى ءسوزسىز, ءبىراق ۇلكەن اتاق-داڭقتى قازاقستاننان تاپتى. ونىڭ تۋىندىلارى ءار ۋاقىتتا دا رەسەيلىكتەر مەن قازاقستاندىقتاردىڭ جۇرەگىنەن ويىپ ورىن الارىنا, سۋرەتشىنىڭ باۋىرلاس قوس حالىقتىڭ جادىندا ماڭگىگە قالارىنا سەنىمدىمىن", ؛&ndash؛ دەدى ەلشى.

ەسكەرتكىشتى سانكت-پەتەربۋرگتەن كەلگەن ءمۇسىنشى مەيرام بايمۇحانوۆ قولا مەن گرانيتتەن جاساعان. ورىندىقتا ويعا شومىپ وتىرعان امانگەلدى شاكەنوۆتىڭ ءمۇسىنى مەن ونىڭ ارتىنا مولبەرت تۇر. تۇعىرعا "امانگەلدى شاكەنوۆكە ؛&ndash؛ سۋرەتشى جانە ۇستازعا" دەپ جازىلعان.

"ەكى مەملەكەتتىڭ مادەنيەتىندە جارقىن ءىز قالدىرعان ادامنىڭ ەسكەرتكىشى رەسەي مەن قازاقستان اراسىنداعى ايماقارالىق ىنتىماقتاستىق فورۋمىندا اشىلۋى تەگىن ەمەس. ءبىزدىڭ ەلدەرىمىزدى تەك گەوگرافيالىق ورىن مەن تىعىز ەكونوميكالىق بايلانىس قانا ەمەس, وسى ەسكەرتكىشتە بەينەلەنگەن ورتاق مادەني داستۇرلەر دە بىرىكتىرەدى", ؛&ndash؛ دەدى ومبى وبلىسى ۇكىمەتى ءتوراعاسىنىڭ ءبىرىنشى ورىنباسارى ۆالەريي بويكو ءوزىنىڭ قۇتتىقتاۋ سوزىندە.

رەسەيدىڭ ەڭبەك سىڭىرگەن مادەني قايراتكەرى جانە قازاقستان ونەر اكادەمياسىنىڭ اكادەميگى امانگەلدى شاكەنوۆ 2018 جىلدىڭ 1 مامىرىندا 74 جاسىندا قايتىس بولدى. شىعارماشىلىق ومىرىندە سۋرەتشى كوپتەگەن تۋىندىلار سالدى. ونىڭ ەڭبەكتەرى الماتىداعى ا.قاستەەۆ مۋزەيىندە, پرەزيدەنتتىك مادەنيەت ورتالىعىندا, نۇر-سۇلتان قالاسىنداعى قر ونەر اكادەمياسى قورىندا جانە جەكە توپتامالاردا ساقتاۋلى.