اۋىلداردىڭ اجارى اشىلىپ كەلەدى

قارقىندى دامۋ جولىنا تۇسكەن ەلىمىزدىڭ ءار ايماعىندا الەۋمەتتىك ماسەلەلەر وڭ شەشىمىن تابۋدا. اسىرەسە, سوڭعى جىلدارى اۋىلدى جەرلەردە اتقارىلعان جۇمىستار كوڭىل قۋانتادى. اسىرەسە, ءتۇرلى مەملەكەتتىك باعدارلامالار ارقىلى اجارى اشىلعان اۋىلدار از ەمەس. سونداي ەلدى مەكەننىڭ ءبىرى &ndash؛ جامبىل وبلىسى, قورداي اۋدانى, وتار اۋىلى دەپ جازادى qamshy.kz اقپارات اگەنتتىگى. وتار اۋىلىنىڭ ىرگەسىنەن ورىن تەپكەن, ەل اۋزىندا «؛ۆوەنسوۆحوز»؛ اتاناتىن ەلدى مەكەن جەرى الماتى وبلىسىنان جامبىل وبلىسىنا وتكەلى كوپ ۋاقىت وتپەگەنىمەن, وسى مەكەن تۇرعىندارىنىڭ كوكەيىندە جۇرگەن كوپتەگەن ماسەلەلەر بىرتىندەپ شەشىمىن تاۋىپ كەلەدى. سوعان دالەل رەتىندە بيىل مۇنداعى اباي كوشەسىنە اسفالت توسەلىپ, جۇرتشىلىقتىڭ ءبىر تىلەگى ورىندالدى. جوندەۋ جۇمىستارىنا «؛وڭىرلەردى دامىتۋ»؛ باعدارلاماسى اياسىندا قوماقتى قارجى ءبولىنىپ, قۇرىلىس جۇمىستارىن مەردىگەر «؛اق جول سەرۆيس 2030»؛ جاۋاپكەرشىلىگى شەكتەۋلى سەرىكتەستىگى ۋاقىتىلى ورىنداپ شىققان. سونىمەن قاتار, №43 ورتا مەكتەپتەن ب.مومىشۇلى كوشەسىنە دەيىنگى ارالىققا دا اسفالت توسەلىپ, وقۋشىلاردىڭ مەكتەپكە قاتىناۋى جەڭىلدەي تۇسكەن. بۇل جۇمىستى جەرگىلىكتى بيۋدجەتتەن بولىنگەن قاراجاتقا «؛نۇر سەرۆيس-2050»؛ جاۋاپكەرشىلىگى شەكتەۋلى سەرىكتەستىگى اتقارىپ شىعىپتى.

وتار اۋىلىنىڭ گاگارين كوشەسى تۇنگى مەزگىلدە ەندىگارى سامالداي جارقىراپ تۇراتىن بولادى. كوشە بويىنا جارىقتاندىرۋ جۇمىستارى جۇرگىزىلىپ, ءتىپتى ارنايى ترانسفورماتور دا قويىلعان. سول ماڭدا ورنالاسقان كەيبىر ۇيلەرگە جارىق سىمدارى دا تارتىلىپ بەرىلىپتى. بۇل ماسەلە, اۋدان باسشىسى بولاتبەك بايتولەنىڭ حالىق الدىنداعى ەسەپتى كەزدەسۋى كەزىندە كوتەرىلگەنىن ايتا كەتكەن ءجون. تۇرعىنداردىڭ بۇل تىلەگى سول ساتتە باسشىلىقتىڭ نازارىنا الىنىپ, بۇگىنگى تاڭدا تولىقتاي شەشىمىن تاۋىپ وتىر. اتالمىش جۇمىستاردى جۇرگىزگەن «؛قورداي-ەلەكتروسەرۆيس»؛ جاۋاپكەرشىلىگى شەكتەۋلى سەرىكتەستىگى ول كوشەگە ەلەكتر قۋاتىن ۇنەمدەيتىن زاماناۋي شامدار ورناتىپتى.

اۋدانداعى ءىرى ەلدى مەكەن سانالاتىن وتار اۋىلدىق وكرۋگى ەلىمىز بويىنشا ۇلكەن اسكەري بازامەن ىرگەلەس جاتقانى بەلگىلى. وسىعان وراي مۇندا كولىك قارقىنى دا وتە جوعارى. سول سەبەپتى تۇرعىنداردىڭ قاۋىپسىزدىگىن قامتاماسىز ەتۋ ءۇشىن جالپى وكرۋگ اۋماعىنداعى جول بەلگىلەرى جاڭارتىلىپ, قاۋىپسىزدىك شارالارىنا اسا كوڭىل بولىنگەن. بەلگىلەردى ورناتۋ جۇمىستارىن مەردىگەر «؛kaz express stroy»؛ جشس ءوز موينىنا الىپ, بولىنگەن قارجىنى ءتيىمدى يگەرگەن.

اۋداندا سوڭعى جىلدارى اۋىز سۋ ماسەلەسىن شەشۋ جۇمىستارىنا اسا دەن قويىلۋدا. بىلتىر عانا اۋقاتتى اۋىلىنىڭ سۋ قۇبىر جۇيەسى جاڭارتىلىپ, جاڭا سۋ كەرنەۋىش مۇنارا ورناتىلسا, بيىل ءالجان انا اۋىلىنىڭ اۋىز سۋ ماسەلەسى تۇبەگەيلى شەشىمىن تاپپاق. اۋدان اكىمى وتار اۋىلدىق وكرۋگىنە بارعان جۇمىس ساپارى بارىسىندا جەرگىلىكتى تۇرعىندار اۋىز سۋ ماسەلەسىن كوتەرگەن ەدى. بولاتبەك بايتولە سول كەزدە «؛قورداي سۋ»؛ كمك ماماندارىنا اتالمىش ماسەلەنى قولعا الۋدى تاپسىرىپ, ءوز باقىلاۋىنا العان بولاتىن. كوپ كۇتتىرمەي كەڭەس زامانىندا سالىنعان كولەمى 25 تەكشە مەترلىك ەسكىرگەن سۋ مۇناراسىنىڭ جانىنان 50 تەكشە مەترلىك جاڭا مۇنارا ورناتىلدى. 23 مەتر بيىكتىكتەگى رەزەرۆۋار جوعارى قىسىممەن تۇتىنۋشىعا سۋدى ەركىن جەتكىزەدى. «؛قورداي سۋ»؛ مەكەمەسىنىڭ ماماندارىنىڭ ايتۋىنشا, تۇرعىندار سۋدى ءتيىمدى پايدالانىپ, تەك تۇرمىستىق قاجەتتىلىككە جاراتسا, ەلدى مەكەن تاۋلىك بويى سۋمەن قامتىلاتىن بولادى. ەندىگى كەزەكتە وتارلىقتار ەسەپتەگىش قۇرالىن ورناتىپ, جاقىن ارادا مۇنارا ىسكە قوسىلماق.