06 قاراشا, 2019 ەكونوميكا
ۇكىمەتتىڭ بۇگىنگى وتىرىسىندا "بيزنەستىڭ جول كارتاسى - 2020" باعدارلاماسىن تاعى بەس جىلعا ۇزارتۋ ماسەلەسى قارالدى دەپ حابارلايدى ؛qamshy.kz اقپارات اگەنتتىگى ؛sputnik قازاقستان ؛سايتىنا سىلتەمە جاساپ. ؛
ۇلتتىق ەكونوميكا ءمينيسترى رۋسلان دالەنوۆتىڭ ايتۋىنشا, بۇگىندە باعدارلامانىڭ بەس جىلدىق جاڭا جوباسى ازىرلەندى. وعان 421 ميلليارد تەڭگە قاراستىرىلىپ وتىر. ول بۇعان دەيىنگى بەس جىلدىق كەزەڭمەن سالىستىرعاندا 1,5 ەسەگە ارتىق. بۇدان بولەك, باعدارلامانىڭ ءبىرقاتار تۇسى وزگەرەدى.
"بىرىنشى, اينالىم قاراجاتتى كرەديتتەۋ كولەمى 60-تان 360 ميلليون تەڭگەگە دەيىن ۇلعايادى. ەكىنشى, كرەديتتەۋ بارىنشا قولجەتىمدى بولادى. ول ءۇشىن ميكروقارجىلاندىرۋ ۇيىمدارىنىڭ كرەديتتەرىن سۋبسيديالاۋ جانە كەپىلدەندىرۋ ەنگىزىلەدى", - دەيدى دالەنوۆ.
ونىڭ سوزىنە قاراعاندا, جۇمىسپەن قامتۋ جانە سالىق جاعىنان ءبىرقاتار وزگەرىس بولادى. سوسىن وقىتۋ, قۇجات دايىنداۋ جانە تاۋارلاردى وتكىزۋ بويىنشا كاسىپكەرلەرگە جان-جاقتى قولداۋ جاسالادى.
ۇكىمەت باسشىسى اسقار مامين باعدارلامانىڭ جاڭا جوباسىن قاراشانىڭ سوڭىنا دەيىن قابىلداۋدى تاپسىردى.
"ەكىنشى, مۇددەلى مەملەكەتتىك ورگاندارمەن بىرگە وسى جىلدىڭ سوڭىنا دەيىن باعدارلامانى ىسكە اسىرۋ ءۇشىن قاجەتتى نورماتيۆتىك اكتىلەردى قابىلداۋ قاجەت. ءۇشىنشى, اكىمدىكتەرمەن, "اتامەكەن" پالاتاسىمەن جانە "دامۋ" اكسيونەرلىك قوعامىمەن جاڭا باعدارلامانىڭ تاسىلدەرى مەن مۇمكىندىكتەرى تۋرالى كاسىپكەرلەر اراسىندا ءاقپاراتتىق-تۇسىندىرۋ جۇمىستارىن جۇرگىزىڭىزدەر", - دەپ اتاپ كورسەتتى مامين.
؛
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر