ارۋجان ساين پرەزيدەنتكە ناۋقاس سابيلەر پروبلەماسىن ايتتى

پرەزيدەنت قاسىم-جومارت توقاەۆ بالا قۇقىقتارى جونىندەگى ۋاكىل ارۋجان سايندى قابىلدادى &ndash؛ دەپ qamshy.kz اقپارات اگەنتتىگى حابارلايدى, اقوردانىڭ ؛باسپاسوز قىزمەتىنە سىلتەمە جاساپ.

كەزدەسۋ بارىسىندا بالالاردىڭ دەنساۋلىعىن ساقتاۋ مەن الەۋمەتتىك قورعاۋ, كامەلەت جاسىنا تولماعان جاسوسپىرىمدەرگە زورلىق-زومبىلىق كورسەتۋگە قارسى كۇرەس سەكىلدى قوعامداعى وزەكتى ماسەلەلەر تالقىلاندى.

باياندامادا "ارۋجان ساين شالا تۋعان ءارى رەتينوپاتيا اۋرۋىنا شالدىعۋ سالدارىنان زاعيپتىققا ۇشىراعان سابيلەردىڭ پروبلەماسىن كوتەردى. رەسپۋبليكا بويىنشا ورتا ەسەپپەن 20 مىڭعا جۋىق بالا شالا تۋادى. ونىڭ ىشىندە 4 مىڭ بالانىڭ سالماعى جەتىلمەي دۇنيەگە كەلەدى", &ndash؛ دەلىنگەن.

بالا قۇقىقتارى جونىندەگى ۋاكىلدىڭ ايتۋىنشا, اتالعان ماسەلەنى شەشۋ ءۇشىن وڭىرلەردەگى پەريناتالدى ورتالىقتار مەن پەرزەنتحانالار بازاسىندا ءتيىمدى وفتالمولوگيالىق جاردەم بەرۋ جۇمىسىن ۇيىمداستىرۋ قاجەت.

ودان وزگە جەرگىلىكتى اتقارۋشى ورگاندارمەن ساپالى بايلانىس ورناتىپ, دياگنوستيكالىق قۇرالدارمەن جابدىقتاپ, مەديسينا قىزمەتكەرلەرىنىڭ بىلىكتىلىگىن ارتتىرۋ كەرەك.

سونداي-اق ارۋجان ساين قازاقستاندا اعزانىڭ فۋنكسيونالدىق مۇمكىندىكتەرى تۇزىلەتىن حالىقارالىق كلاسسيفيكاسيانى جەدەل ەنگىزۋدىڭ ماڭىزدى ەكەنىن اتاپ ءوتىپ, ونىڭ بسپ-عا شالدىققان, ەستۋ, كورۋ جانە باسقا دا اۋرۋ بەلگىلەرى بار بالالاردىڭ پروبلەمالارىن جۇيەلى شەشۋگە ىقپال ەتەتىنىن ايتتى.

ال مەملەكەت باسشىسى بالالاردىڭ قۇقىقتارى مەن دەنساۋلىعىن ساقتاۋ ءىسى اسا ماڭىزدى ەكەنىنە توقتالىپ, بۇل ماسەلەنى ءاردايىم ءوزى ءجىتى باقىلاپ وتىراتىنىن اتاپ ءوتتى.

 ؛

 ؛