بۇقتىرمادا قىسقارتۋعا ۇشىراعان بىردە-بىر ادام جۇمىسسىز قالمايدى

شىعىس قازاقستان وبلىسى التاي اۋدانىنداعى بۇقتىرما سەمەنت زاۋىتى باسشىلىعى قاراشانىڭ 1-نەن باستاپ 79 ادامدى جۇمىستان قىسقارتۋعا جىبەرگەن بولاتىن. شقو ايماقتىق كوممۋنيكاسيالار قىزمەتىندە وتكەن ءباسپاسوز ماسليحاتىندا اۋدان اكىمى نۇرجان توقسەيتوۆ وسى ماسەلەگە قاتىستى مالىمدەمە جاسادى.

اۋدان اكىمىنىڭ ايتۋىنا قاراعاندا, ماسەلە وبلىس باسشىلىعىنىڭ قاتاڭ باقىلاۋىندا. اۋدان اكىمدىگى مەن جۇمىسشىلاردى قىسقارتۋعا جىبەرگەن كومپانيا باسشىلىعى اراسىندا كەلىسسوزدەر جۇرگىزىلگەن. ناتيجەسىندە قىسقارتۋعا ۇشىراعان بىردە-بىر ادام جۇمىسسىز قالمايدى. ءقازىردىڭ وزىندە 11 ادام جۇمىسپەن قامتىلعان. ولاردىڭ التاۋى زەينەتكەر. قىرىق ادام ءۇش مەردىگەرلىك ؛&ndash؛ «؛ۆگس»؛ جشس, «؛بس»؛ جشس جانە «؛vك اتلانت»؛ جشس كومپانيالارىنا جۇمىسقا ورنالاستىرىلادى. ال قالعان 22 جۇمىسشىنى جۇمىسپەن قامتاماسىز ەتۋ ءۇشىن كومپانيا 2 كۇن ۋاقىت سۇراپ وتىر.

&ndash؛ ءقازىر وسى ماسەلەنى شەشۋ جولدارىن قاراستىرىپ جاتىرمىز. بارلىق جاعداي جاعداي وبلىس اكىمى دانيال احمەتوۆتىڭ باستى نازارىندا. قالعان 22 ادام بۇقتىرما سەمەنت زاۋىتىندا جۇمىسىن جالعاستىرادى. ەگەر ولارعا ۇسىنىلعان جۇمىس كوڭىلدەرىنەن شىقپاي جاتسا, باسقا جۇمىس تاۋىپ بەرەمىز, ؛&ndash؛ دەدى التاي اۋدانىنىڭ اكىمى نۇرجان توقسەيتوۆ.

ايتا كەتۋ كەرەك, شقو اكىمى دانيال احمەتوۆ فەيسبۋك جەلىسىندەگى ءوز پاراقشاسىندا ورىن العان جاعدايعا قاتىستى, ءتيىستى ورگاندار قىسقارتۋدىڭ زاڭ نورمالارىنا سايكەستىگىن تەكسەرەتىنى جايلى جازعان بولاتىن. اپتا سوڭىنا دەيىن بارلىق ازاماتتار جۇمىسقا ورنالاستىرىلادى.

&ndash؛ ءبىرىنشى كەزەكتە ءبىز ادامداردىڭ جاعدايىن ويلاۋىمىز كەرەك. ەشكىم جۇمىسسىز قالمايتىنىنا ءسوز بەرەمىن. اۋداننىڭ ءار تۇرعىنى اتقارۋشى بيلىك تاراپىنان جاسالاتىن قامقورلىقتى سەزىنۋى كەرەك. ءبىزدىڭ ساياسات وسى, &ndash؛ دەپ تۇيىندەدى ن. توقسەيتوۆ.