ساپارباەۆ: ەشقانداي اقتالۋ, سىلتاۋلار بولماۋ كەرەك!

ۇكىمەت ۇيىندە قر پرەمەر-مينيسترىنىڭ ورىنباسارى بەردىبەك ساپارباەۆ انا مەن بالا ءولىمىن ازايتۋ ماسەلەلەرىنە ارنالعان سەلەكتورلىق كەڭەس وتكىزدى, &ndash؛ دەپ ؛qamshy.kz اقپارات اگەنتتىگى حابارلايدى.

 ؛كەڭەس بارىسىندا دەنساۋلىق ساقتاۋ ۆيسە-مينيسترى كامالجان نادىروۆ اعىمداعى جاعداي مەن قابىلدانىپ جاتقان شارالار تۋرالى باياندادى. ونىڭ مالىمدەۋىنشە, سوڭعى ءۇش جىلداعى ديناميكانى تالداۋ ەلىمىزدە انا ءولىمىن تومەندەتۋ ءۇردىسىنىڭ جوقتىعىن كورسەتەدى. كورسەتكىشتەردىڭ ءوسۋى الماتى, قاراعاندى جانە شىعىس قازاقستان وبلىستارىندا بايقالادى. ودان وزگە سوڭعى ءۇش جىل ىشىندە نارەستەلەر ءولىمى 4 پايىزعا ارتقانى بەلگىلەنگەن. وڭىرلەر تۇرعىسىنان ديناميكانىڭ اسا ءوسۋى اتىراۋ, ماڭعىستاۋ جانە اقتوبە وبلىستارىندا بايقالادى. جۇكتى ايەلدەر مەن بالالارعا مەديسينالىق كومەكتىڭ ساپاسىن ارتتىرۋ ماقساتىندا انا مەن بالا ءولىمىن ازايتۋ بويىنشا جوسپارلار جۇزەگە اسىرىلۋدا, ولاردىڭ نەگىزگى باعىتتارى &ndash؛ كادرلارمەن قامتاماسىز ەتۋ, ماتەريالدىق-تەحنيكالىق جاراقتاندىرۋ, مەديسينالىق كومەكتى ستاندارتتاۋ, سيفرلاندىرۋ جانە حالىقپەن اقپاراتتىق جۇمىس جۇرگىزۋ.

"الايدا, مونيتورينگ اتالعان شارالاردى وڭىرلەردىڭ جەتكىلىكسىز ورىنداعانىن كورسەتەدى. ماسەلەن, الماتى وبلىسىندا مالىمدەلگەن 34 انەستەزيولوگ-رەانيمالوگ دارىگەردىڭ تەك 10 مامانى, قاراعاندى وبلىسىندا 29 ماماننان تەك 1, اقمولا وبلىسىندا 30 ماماننىڭ تەك ء4-ى, ماڭعىستاۋ وبلىسىندا 15 ماماننىڭ تەك 1-ەۋى تارتىلعان. تۇركىستان مەن شىعىس قازاقستان وبلىستارىندا قاجەتتىلىك بولعاننىڭ وزىندە نەوناتولوگ دارىگەرلەر تارتىلماعان. ال قوستاناي وبلىسىندا 9-دان ء2-ى عانا", &ndash؛ دەدى نادىروۆ.

ۆيسە-مينيستردىڭ ايتۋىنشا, ءبىرقاتار وڭىردە بالالار ۇيىمدارىن مەديسينالىق جابدىقتارمەن قامتاماسىز ەتۋدىڭ تومەن دەڭگەيى بايقالادى. اتاپ ايتقاندا, ولار &ndash؛ قىزىلوردا, جامبىل, باتىس قازاقستان وبلىستارى جانە الماتى قالاسى. ودان وزگە كەڭەستە تەگىن مەديسينالىق كومەكتىڭ كەپىلدەندىرىلگەن كولەمى اياسىندا مەديسينالىق مەكەمەلەردىڭ دارى-دارمەكتەر بويىنشا قارىزىن وتەۋ ماسەلەلەرى تالقىلاندى.

"سك-فارماسيا" جشس باسقارما ءتوراعاسىنىڭ مىندەتىن اتقارۋشى بەرىك ءشارىپتىڭ ايتۋىنشا, ەلىمىزدىڭ مەديسينالىق مەكەمەلەرىنىڭ ءبىرىڭعاي ديستريبيۋتور الدىنداعى جالپى قارىزى 19,5 ميلليارد تەڭگەنى قۇرادى, ونىڭ 17 ميلليارد تەڭگەسى &ndash؛ بيىلعى كەلىسىمشارت بويىنشا. ؛

سونداي-اق, اتىراۋ, قوستاناي, الماتى, قاراعاندى, تۇركىستان وبلىستارى, نۇر-سۇلتان, الماتى جانە شىمكەنت قالالارى اكىمدەرىنىڭ ورىنباسارلارى بەينەكونفەرەنسيا بايلانىسى ارقىلى كەڭەسكە قاتىسىپ, ءسوز سويلەدى. ؛

باياندامالاردى تىڭداعاننان كەيىن بەردىبەك ساپارباەۆ ءبىرقاتار ناقتى تاپسىرمالار بەردى.

ۆيسە-پرەمەر مەديسينالىق قىزمەتتەر سالاسىنداعى ازاماتتاردىڭ شاعىمدارىنا ۋاقىتىلى جاۋاپ بەرۋدىڭ, بىلىكتى كادرلاردى دايارلاۋ جانە مەديسينا قىزمەتكەرلەرىنىڭ بىلىكتىلىكتەرىن ۇزدىكسىز ارتتىرۋدىڭ, ماتەريالدىق-تەحنيكالىق جاراقتاندىرۋدىڭ, جۇكتى ايەلدەردىڭ ءتىزىلىمىن جۇرگىزۋدىڭ, انا مەن بالا ءولىمىن ازايتۋدىڭ ماڭىزدىلىعىن اتاپ ءوتتى.

"بىزدىڭ مىندەتىمىز &ndash؛ ازاماتتاردى قاجەتتى دارى-دارمەكتەرمەن ۋاقىتىلى قامتاماسىز ەتۋ. ەشقانداي اقتالۋ, سىلتاۋلار بولماۋى كەرەك! دەنساۋلىق ساقتاۋ مينيسترلىگى اكىمدىكتەرمەن بىرگە وسى جىلدىڭ 1 جەلتوقسانىنا دەيىن جيناقتالعان قارىزداردى وتەپ, ءتيىستى كەستەنى جاساۋى كەرەك. "سك-فارماسيا" كەلەسى جىلى دارى-دارمەكتەردىڭ ۇزدىكسىز جەتكىزىلۋىن قامتاماسىز ەتۋى كەرەك. وتكەن جىلدارداعى بارلىق جىبەرىلگەن قاتەلىكتەر 2020 جىلى قايتالانباۋى كەرەك. وسى ماسەلەنى پىسىقتاپ, تۇبەگەيلى توقتاتىڭىزدار!", &ndash؛  ؛دەپ ء ؛سوزىن تۇيىندەدى ساپارباەۆ.

 ؛