• usd 389.52
  • eur 429.21
  • rub 6.07
  • cny 54.94
13 قاراشا، 02:39:23
قازاقستان ۋكراينانىڭ ساۋدا نارىعىنا الاڭداۋلى

05 قاراشا، 2019 news

نازارباەۆ: تۇركىستاندى استانا رەتىندە قاراستىرعانمىن

قازاقستاننىڭ تۇڭعىش پرەزيدەنتى تۇركىستان وبلىسىنىڭ تۇرعىندارىمەن كەزدەستى دەپ حابارلايدى qamshy.kz اقپارات اگەنتتىگى ەلباسى ءباسپاسوز قىزمەتىنە سىلتەمە جاساپ. ؛

ساپار بارىسىندا ەلباسى قالانىڭ رۋحاني-مادەني ورتالىعىندا وتكەن كونسەرتكە قاتىسىپ، تۇركىستان وبلىسىنىڭ تۇرعىندارىمەن جۇزدەستى.

سوز بارىسىندا نۇرسۇلتان نازارباەۆ وبلىس ورتالىعىن تۇركىستان قالاسىنا كوشىرۋ تۋرالى شەشىمىنىڭ تاريحي ماڭىزىنا توقتالدى. "تاۋەلسىزدىك العاننان سوڭ تۇركىستاندى استانا رەتىندە قاراستىردىم. ءبىراق، وزدەرىڭىز بىلەتىندەي، جاعداي بۇعان جول بەرمەدى. بۇگىن بۇل قالا وبلىس ورتالىعىنا اينالدى، شاھاردى جانداندىرۋ جۇمىستارى جۇرگىزىلۋدە. تۇركىستان - تۇركى الەمىنىڭ بەسىگى. باۋىرلاس تۇركى مەملەكەتتەرى دە بىزگە كومەكتەسەدى دەپ سەنەمىن"، - دەدى ەلباسى.

قازاقستاننىڭ تۇڭعىش پرەزيدەنتى بۇكىل قالا بويىنشا ءجۇرىپ جاتقان قۇرىلىس قارقىنىنىڭ جوعارى ەكەنىن اتاپ ءوتتى. ء"بىرىنشى كەزەڭدە 175 نىساننىڭ قۇرىلىسى جوسپارلانعان. ونىڭ ء102-cى بيىل ىسكە قوسىلادى. بۇل پروسەسكە ەلىمىزدىڭ بارلىق وڭىرلەرى قاتىسىپ جاتىر"، - دەدى نۇرسۇلتان نازارباەۆ.

ەلباسى وبلىس ورتالىعىنىڭ قۇرىلىسى مەن جاندانۋىنا ات سالىسىپ جاتقان بارشا جۇرتقا العىسىن ءبىلدىردى.

"بارلىق جوسپارلانعان نىسانداردىڭ قۇرىلىسى اياقتالعاننان كەيىن ءبىز تۋريستەردىڭ كوبەيۋىن كۇتەمىز. سونىمەن قاتار، قوسىمشا جۇمىس ورىندارى اشىلادى. مۇنىڭ ءبارى ءبىزدىڭ حالقىمىزدىڭ ءومىر ءسۇرۋ دەڭگەيىنە وڭ اسەر ەتەدى"، - دەپ تۇيىندەدى قازاقستاننىڭ تۇڭعىش پرەزيدەنتى.

كونسەرت سوڭىندا نۇرسۇلتان نازارباەۆ قولونەرشىلەردىڭ كورمەسىن ارالاپ كوردى. وندا الەمنىڭ 20 ەلىنەن كەلگەن شەبەرلەردىڭ جۇمىستارى ۇسىنىلعان.

قاتە تاپساڭىز، قاجەتتى بولىكتى تاڭداپ ctrl+enter باسىڭىز.

باننەر

پىكىر قالدىرۋ

پىكىر