• usd 468.56

  • eur 497.56

  • rub 7.3

  • cny 67.18

28 ناۋرىز, 15:35:18
الماتى
+35°

04 قاراشا, 2019 ءدىن

100 رەت قاجىلىققا بارىپ, دۇركىرەتىپ توي جاساۋ دۇرىس پا؟ قمدب وكىلى جاۋاپ بەردى

الەۋمەتتىك جەلىدە 100 رەت قاجىلىققا بارعان امانگەلدى ەرەنعايىپۇلىنىڭ كەشىنىڭ ۆيدەوسى تاراپ, قىزۋ تالقىعا ءتۇستى.

الەۋمەتتىك جەلىدە امانگەلدى ەرەنعايىپۇلىنىڭ ؛100 رەت قاجىلىققا بارىپ, توي جاساعان ۆيدەوسى تاراپ, قىزۋ تالقىعا ءتۇستى. "نۇر-قازاقستان" قاجىلىق كومپانياسىنىڭ پرەزيدەنتى 22 رەت ۇلكەن قاجىلىققا جانە 78 رەت ۋمرا قاجىلىعىنا بارعان. ؛

ينتەرنەتتە تاراعان ۆيدەودا تويدى جۇرگىزگەن اسابا امانگەلدى ەرەنعايىپۇلىنىڭ جەتىستىكتەرى تۋرالى ايتقان. ؛

"1992-1994 جىلدارى مەركى قالاسىنداعى مەدرەسەدە ءدىني ساۋاتىن اشقان, 1994 جىلى ەگيپەت استاناسى كاير قالاسىنىڭ ايگىلى ءال-ازحار ۋنيۆەرسيتەتىنە وقۋعا قابىلدانىپ, 1999 جىلى بىتىرگەن. 2002 جىلدان باستاپ "سپۋتنيك قازاقستان" تۋريستىك كومپانياسىندا قاجىلىق ءبولىمىنىڭ مەڭگەرۋشىسى بولىپ قىزمەت اتقارعان", - دەپ توي يەسىن ورتاعا شاقىردى اسابا.

بەيرەسمي دەرەكتەرگە سۇيەنسەك, اتالمىش تويعا ساۋديا مەن ەگيپەتتەن ارنايى قوناقتار كەلىپ قاتىسقان. سونداي-اق ۆيدەودان تانىمال ءانشى ساكەن مايعازيەۆتى دە كورۋگە بولادى. ؛

بۇعان قاتىستى ؛qamshy.kz اقپارات اگەنتتىگىنىڭ ءتىلشىسى قمدب وكىلىنە حابارلاسىپ پىكىرىن ءبىلدى.

قمدب وكىلى حاسان امانقۇلوۆتىڭ ايتۋىنشا, جاعدايى بار ادامعا ومىرىندە ءبىر رەت قاجىلىق جاساۋ پارىز بولادى ەكەن. ؛

"جالپى مۇسىلمان ادام جاعدايى بولسا ومىرىندە ءبىر رەت قاجىلىق جاساۋ پارىز بولادى. ال جاعدايى جوق ادامعا قاجىلىق جاساۋ پارىز بولمايدى, اللا تاعالانىڭ الدىندا كۇناحار بولىپ ەسەپتەلمەيدى. ال ەكىنشى, ءۇشىنشى رەت جاسالعان قاجىلىق ءناپىل بولىپ ەسەپتەلەدى. ياعني بارسا ساۋابىن الادى, بارماسا كۇنا بولىپ ەسەپتەلمەيدى. دەگەنمەن قوسىمشا ورازا ۇستاۋدى, ناماز وقۋدى, ۋمرا جانە ۇلكەن قاجىلىققا بارۋدى, ياعني پارىز ەمەس, ءناپىل امالداردى بارىنشا جاسىرىن جاساعان دۇرىس",- دەيدى شاريعات جانە ءپاتۋا ءبولىمى مەڭگەرۋشىسىنىڭ ورىنباسارى. ؛

سونداي-اق قمدب وكىلى قاجىلىق جاساعاننان كەيىن دۇركىرەتىپ توي جاساۋعا قاتىستى دا ءوز پىكىرىن ءبىلدىردى. ؛

"ريا (كوزبوياۋشىلىق &ndash؛ رەد.) دەگەن سەكىلدى جامان قاسيەتتەر بار. ادامدار كورسىن, ەستىسىن, تاڭعالسىن دەگەن نيەت بولسا, جاساعان امالىنان ەشقانداي ساۋاپ بولمايدى. ءبىراق مۇنداي نيەت بولماسا دا, ريا جاساعان سەكىلدى كورىنەتىن نارسەدەن دە بارىنشا ساقتانعان ابزال", - دەيدى حاسان امانقۇلوۆ.

وسىدان 5 جىل بۇرىنعى ؛kazislam.kz سايتىنا بەرگەن سۇحباتىندا امانگەلدى ەرەنعايىپۇلى العاشقى 2 قاجىلىعى ءوزى ءۇشىن, ال قالعانى مەككە مەن مەديناعا بارۋشىلارعا جەتەكشىلىك ەتۋ ءۇشىن ەكەنىن ايتقان. ؛qamshy.kz اقپارات اگەنتتىگى امانگەلدى ەرەنعايىپۇلىنا دا حابارلاسىپ, نە سەبەپتى ۇلان-اسىر توي جاساعانىن بىلمەك بولدى. الايدا ول قوڭىراۋعا جاۋاپ بەرمەدى.

اسەل بولاتقىزى

اۆتورمەن ونىڭ facebook پاراقشاسى ارقىلى حابارلاسۋعا بولادى.

جازىلىڭىز

"قامشى" سىلتەيدى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر