• usd 389.52
  • eur 429.21
  • rub 6.07
  • cny 54.94
13 قاراشا، 03:58:56
قازاقستان ۋكراينانىڭ ساۋدا نارىعىنا الاڭداۋلى

04 قاراشا، 2019 news

جاڭا زاڭ ەنگىزىلدى: جاردەماقى كىمدەرگە بەرىلمەيدى؟

اتاۋلى الەۋمەتتىك كومەك بەرۋ كەزىندە الاياقتىققا جول بەرمەۋ ماقساتىندا زاڭ جوباسى ازىرلەندى دەپ حابارلايدى ؛qamshy.kz اقپارات اگەنتتىگى ؛sputnik قازاقستان ؛سايتىنا سىلتەمە جاساپ.

ەڭبەك جانە حالىقتى الەۋمەتتىك قورعاۋ ءمينيسترى ءبىرجان نۇرىمبەتوۆتىڭ ايتۋىنشا، بيىل اتاۋلى الەۋمەتتىك كومەكتى تولەۋ جۇيەسى وزگەرىپ، ونى الاتىن ازاماتتاردىڭ سانى ارتقاننان كەيىن جاردەماقىنى تاعايىنداۋ جاعىنان ءبىرقاتار كەمشىلىك جىبەرىلگەن. وسىنى پايدالانعان كوپتەگەن ادام ءوز تابىسىن جاسىرىپ، الەۋمەتتىك كومەكتى الىپ كەلگەن.

"قازىرگى كەزدە ازامات اتاۋلى الەۋمەتتىك كومەككە ءوتىنىش قانا بەرەدى. قالعان انىقتامانىڭ بارلىعى اقپاراتتىق جۇيە ارقىلى رەتتەلەدى. ءيا، بۇعان دەيىن ءوز تابىسىن جاسىرعان 74 000 وتباسىنى انىقتادىق. سوسىن جاقسى ۇيدە تۇراتىن جانە كولىك مىنەتىن ادامدار دا "اسپ" الىپ كەلگەن. تابىسىمىز جوق دەيدى. قالاي جوق؟ ەكىقاباتتى كوتتەدجىڭ بولسا، الەۋمەتتىك كومەككە مۇقتاج ادامداردان ايىرماشىلىعىڭ بار عوي"، - دەدى نۇرىمبەتوۆ "nur otan-نىڭ" قوعامدىق قابىلداۋىندا.

مينيستردىڭ مالىمەتىنشە، قازىرگى تاڭدا ۋچاسكەلىك كوميسسيالاردىڭ جۇمىسى كۇشەيتىلىپ جاتىر. كوميسسيا مۇشەلەرى ءوتىنىش بەرگەن ادامعا بارىپ، ونىڭ جاعدايىن انىقتاۋى قاجەت.

"بىز ۋچاسكەلىك كوميسسيالارعا زاڭناما تۇرعىسىنان ءتيىستى جاعدايدى جاساپ جاتىرمىز. ولار "اسپ-عا" ءوتىنىش بەرگەن ادامداردىڭ جاعدايىن تەكسەرىپ ۇلگەرۋى كەرەك. سوندىقتان زاڭعا ءتيىستى تالاپتاردى ەنگىزىپ وتىرمىز. ول ادامنىڭ ۇلكەن ءۇيى بولسا، وعان "اسپ-نى" بەرمەگەن دۇرىس شىعار"، - دەپ اتاپ كورسەتتى نۇرىمبەتوۆ.

ونىڭ پىكىرىنشە، مۇنداي كومەكتى تابىسى كەدەيشىلىك شەگىنەن تومەن ازاماتتار عانا الۋى قاجەت.

"2002 جىلدان بەرى اتاۋلى الەۋمەتتىك كومەك وسى ساناتتاعى ادامدارعا عانا ۇستەماقى رەتىندە تولەنىپ كەلدى. سوندىقتان ءبىز سول جۇيەنى قايتارىپ جاتىرمىز. ماجىلىسكە جاڭا زاڭ جوباسىن ەنگىزدىك. قۇداي قالاسا، جاڭا جالدان باستاپ "اسپ-نى" تولەۋ جۇيەسىن رەتكە كەلتىرەمىز"، - دەپ تۇيىندەدى مينيستر.

 ؛

 ؛

قاتە تاپساڭىز، قاجەتتى بولىكتى تاڭداپ ctrl+enter باسىڭىز.

باننەر

پىكىر قالدىرۋ

پىكىر