شۋ اۋدانىندا مادەني-سپورتتىق كەشەن اشىلدى

بۇگىن, 2 قاراشادا جامبىل وبلىسى شۋ اۋدانىنداعى بەلباسار اۋىلىندا 400 ورىندىق مادەني-سپورتتىق كەشەن اشىلدى. سالتاناتتى شاراعا وبلىس اكىمى اپپاراتىنىڭ باسشىسى رۇستەم داۋلەت قاتىسىپ, وبلىس اكىمى اسقار مىرزاحمەتوۆتىڭ قۇتتىقتاۋىن جەتكىزدى. سونىمەن بىرگە بولات ساۋرانباەۆقا "وبلىسقا سىڭىرگەن ەڭبەگى ءۇشىن" ءتوس بەلگىسىن تابىس ەتتى.

قازاقستاننىڭ بۇرىنعى پرەزيدەنتى نۇرسۇلتان نازارباەۆتىڭ "بولاشاققا باعدار: رۋحاني جاڭعىرۋ" ماقالاسى اياسىندا ساۋرانباەۆتار اۋلەتىنىڭ دەمەۋشىلىگىمەن بوي كوتەرگەن ؛مادەني-سپورتتىق كەشەن - ؛جامبىل وبلىسىنىڭ 80 جىلدىعىنا وراي پايدالانۋعا بەرىلىپ وتىرعان العاشقى نىسان.

وتكەن جىلى ىرگەتاسى قالانىپ, قازىعى قاعىلعان كەشەننىڭ قۇرىلىس جۇمىستارىن مەردىگەر "شەبەر بيلد" جاۋاپكەرشىلىگى شەكتەۋلى سەرىكتەستىگى جۇرگىزگەن. جوبالىق قۇنى 500 ميلليون تەڭگەنى قۇراعان. جاڭا اشىلعان نىساندا 50 ادامدى تۇراقتى جۇمىسپەن قامتۋ كوزدەلۋدە.

ەل يگىلىگىنە بەرىلگەن زاماناۋي مادەني-سپورت كەشەنى الەمدىك ستاندارتتارعا ساي سالىنعان. ونىڭ جالپى اۋدانى 2600-دەن اسا شارشى مەتر اۋماقتى قۇرايدى. ەكى قاباتتى عيماراتتا شاعىن فۋتبول, باسكەتبول, ۆولەيبول, بوكس, كۇرەس جانە جاتتىعۋ سەكسيالارى ورنالاسقان. سونداي-اق, وندا سپورتشىلار مەن كەشەن قوناقتارى ءۇشىن بۋفەت-اسحانا دا قاراستىرىلعان. سپورت كەشەنىنىڭ ىشىندە ءتورت كابينەت, ءبىر ءماجىلىس زالى بولسا, سىرتىندا 100 اۆتوكولىككە ارنالعان كولىك تۇراعى بار.

جوبا جەتەكشىسى, دەمەۋشى بولات ساۋرانباەۆ بۇل نىسان بالالار مەن جاسوسپىرىمدەرگە سپورتپەن تولىققاندى اينالىسۋعا ارنالعانىن, سپورت &ndash؛ دەنساۋلىقتى نىعايتىپ قانا قويماي, مىنەزدى تاربيەلەۋ, ءتارتىپ پەن ءوزىن-وزى جەتىلدىرۋگە سەرپىن بەرەتىنىن جەتكىزدى. سونىمەن قاتار ول ء"اربىر ازامات ءوزىنىڭ تۋعان ەلى مەن جەرىنىڭ كوركەيۋۋىنە تامشىداي ۇلەس قوسىپ, دامۋىنا اتسالىسۋى ؛&ndash؛ پەرزەنتتىك پارىز" ەكەندىگىن ايتتى.

ەسكە سالايىق, جامبىل وبلىسىنىڭ 80 جىلدىق مەرەي تويىنا وراي 80 نىساندى ەل يگىلىگىنە بەرۋ جوسپارلانىپ وتىر. بۇل سپورت كەشەنى ؛&ndash؛ اشىلاتىن سەكسەن نىساننىڭ العاشقىسى. الداعى ۋاقىتتا, ءوڭىر مەرەيتويى قارساڭىندا ءبىرقاتار مادەني-تاريحي, الەۋمەتتىك نىسانداردى ەل يگىلىگىنە بەرۋ كوزدەلىپ وتىر.