قانات يسلامنىڭ قارسىلاسى ءوز جەڭىلىسىن ادىلەتسىز دەپ ەسەپتەيدى (ۆيدەو)

ناميبيالىق سپورتشى ۋولتور كاۋتوندوكۆا (18-2, 17 كو) قانات يسلاممەن وتكىزگەن جەكپە-جەگىنەن كەيىن جۋرناليستەرگە سۇحبات بەرۋدەن باس تارتتى دەپ حابارلايدى qamshy.kz اقپارات اگەنتتىگى tengrinews.kz سايتىن سىلتەمە جاساپ.

شارشى الاڭنان شىعىپ بارا جاتىپ, ول تەك ناتيجەنىڭ ادىلەتسىز بولعانىن ايتتى. ؛ الماتىدا بالۋان شولاق اتىنداعى سپورت سارايىندا وتكەن بوكس كەشىندە ولار wbo international بەلبەۋى ءۇشىن جەكپە-جەككە شىقتى.

10 راۋندقا سوزىلعان جۇدىرىقتاسۋ قورىتىندىسى بويىنشا, تورەشىلەر جەڭىستى كانات يسلامعا بەردى.

ورتا سالماقتا ونەر كورسەتەتىن قازاقستاندىق قانات يسلام (26-0, 21 كو) ناميبيالىق سپورتشى ۋولتور كاۋتوندوكۆانى (18-1, 17 كو) جەڭدى. العاشقى راۋندتاردا قوس بوكسشى ءبىر-بىرىن زەرتتەسە, ءۇشىنشى, ءتورتىنشى راۋندتاردا شابۋىل جاساۋعا كىرىستى. بەسىنشى راۋندتا قانات يسلام جويقىن سوققى جۇمساپ, ۋولتور كاۋتوندوكۆانى نوكداۋنعا ءتۇسىردى. ءبىراق ناميبيالىق سپورتشى بىردەن ەسىن جيىپ, جەكپە-جەكتى جالعاستىردى.

التىنشى, جەتىنشى جانە سەگىزىنشى راۋندتا ناميبيالىق بوكسشى ايقىن باسىمدىق تانىتتى. سول ۋاقىتتا قانات يسلامدى قولداۋ ءۇشىن جانكۇيەرلەر قازاقستان ءانۇرانىن ايتتى. توعىزىنشى جانە سوڭعى راۋندتا وتانداسىمىز بار كۇش-جىگەرىن جيناپ جىلدامىراق قيمىلداي باستادى. دەسە دە, ەكى بوكسشىنىڭ دا شارشاعانى بايقالدى.

ەسكە سالساق, سالماق ولشەۋ راسىمىندە قانات يسلام قارسىلاسىنان جەڭىل بولىپ شىققان - 71,900 كەلى, ال كاۋتوندوكۆا تارازىدا 71,950 كەلىنى كورسەتكەن. ايتا كەتەلىك, 34 جاستاعى ۋولتور كاۋتوندوكۆانىڭ بويى 35 جاستاعى قانات يسلامنان 10 سانتيمەترگە ۇزىن بولدى. مۇنىڭ الدىندا قانات يسلامنىڭ (26-0, 21 كو) مەنەدجەرى نەلسون لوپەس مەكسيكالىق ساۋل "كانەلو" الۆارەسپەن (52-1-2, 35 كو) جەكپە-جەك ۇيىمداستىرۋ ماقساتى تۋرالى ايتقان ەدى. ء"قازىر سەگىزىنشى ورىندامىز, ءبىراق, ءبىرىنشى بولعىمىز كەلەدى. باستى ماقسات وسى. ءبارىن جەڭۋگە دايارمىز. بۇگىن ۋولتەرمەن, ال ەرتەڭ "كانەلومەن" جۇدىرىقتاسىپ, ونى جەڭەمىز. ونى قازاقستانعا الىپ كەلەمىز. گولوۆكيننىڭ قولىنان كەلمەگەندى جاسايمىز. "كانەلونىڭ" ارتىنان كەز كەلگەن سالماققا بارۋعا دايىنبىز. سۋپەر ورتادا بولسا, سول ديۆيزيونعا بارامىز. جەتەمىز دە, باسىم بولامىز. قازاق ەلىنە وسى جەكپە-جەكتى سىيلايمىز", - دەگەن لوپەس.