26 قازان, 2019 ەكونوميكا
ەلىمىزدە زەينەتاقى قورى قانشا قاراجات جيناعانى مەن ول اقشانى ۇلتتىق بانك قايدا جۇمساعانى بەلگىلى بولدى.
ۇلتتىق بانك ءبىرىڭعاي جيناقتاۋشى زەينەتاقى قورىنداعى 20 ميلليارد تەڭگەنى "قازاقستان تەمىر جولى" ۇلتتىق كومپانياسىنىڭ وبليگاسياسىن ساتىپ الۋعا جۇمساعان. ونىڭ تابىستىلىعى &ndash؛ جىلىنا 11,5%.
بيىلعى جىلدىڭ 1 قازانىنا دەيىن ءبىرىڭعاي جيناقتاۋشى زەينەتاقى قورىنىڭ زەينەتاقى اكتيۆى پورتفەلىنىڭ كولەمى 10 426,3 ميلليارد تەڭگە بولدى. اقشا مەن ۇلتتىق ۆاليۋتاداعى قارجى تەتىگى 6 850,6 ميلليارد تەڭگە نەمەسە 65,7%. شەتەلدىك ۆاليۋتادا - 3 575,7 ميلليارد تەڭگە نەمەسە 34,3%.
ەسكە سالساق, وتكەن جىلدىڭ قىركۇيەك ايىندا زەينەتاقى اكتيۆتەرىن ينۆەستيسيالاۋ كولەمى 55,3 ميلليارد تەڭگەگە جەتتى.
ال 2019 جىلدىڭ قىركۇيەك ايىندا ۇلتتىق بانك بجزق ەسەبىنەن قارجى مينيسترلىگىنىڭ مەملەكەتتىك قۇندى قاعازدارىنىڭ نەگىزگى قارىزىن وتەدى. جالپى سوماسى - 16,9 ميلليارد تەڭگە.
ودان وزگە قازاقستاننىڭ ەكىنشى دەڭگەيلى بانك دەپوزيتتەرىنىڭ نەگىزگى قارىزىنىڭ 1,4 ميلليارد تەڭگەسى وتەلدى. سالىمشىلاردىڭ ەسەبىنە تۇسكەن زەينەتاقى اكتيۆتەرىنىڭ تابىسى 2019 جىلدىڭ باسىنان بەرى 4,98% بولدى.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر