"؛قارا تىزىمگە"؛ ىلىنگەندەرگە 2,5 پايىزدىق نەسيە بەرىلە مە؟

وسى اپتادا پرەزيدەنت رەسپۋبليكالىق بيۋدجەتكە وزگەرىستەر ەنگىزۋ تۋرالى زاڭعا قول قويعان بولاتىن. وعان سايكەس, جاڭا پيلوتتىق جوبانى جۇزەگە اسىرۋ جوسپارلانىپ وتىر دەپ حابارلايدى ؛qamshy.kz اقپارات اگەنتتىگى ؛sputniknews.kz ؛ سايتىنا سىلتەمە جاساپ.

جامبىل وبلىسىندا ىسكە اساتىن بولاتىن بولادى. ايماق حالقىنىڭ تابىسىن ارتتىرۋ ءۇشىن 2,5 پروسەنتتىك كرەديت بەرۋ قاراستىرىلعان. وبلىستىق اۋىل شارۋاشىلىعى باسقارماسى باسشىسىنىڭ ورىنباسارى قايرات امانوۆ پيلوتتىق جوبانىڭ تيىمدىلىگى جايىندا ايتىپ بەردى.

ول نەسيەنىڭ قانداي كاسىپكە بەرىلەتىنى ايتتى. ؛پيلوتتىق جوباعا رەسپۋبليكالىق بيۋدجەتتەن جالپى سوماسى 7,2 ميلليارد تەڭگە بولىنەدى. وسى اقشانىڭ ەسەبىنەن حالىققا جەڭىلدەتىلگەن كرەديت بەرىلەدى. سونىڭ ارقاسىندا اۋىل حالقىنىڭ تابىسى ارتادى دەگەن جوسپار بار.

"بىز پيلوتتىق جوبا بويىنشا ون اۋداندا 10 اۋىلدىق وكرۋگتى بەكىتتىك. ءدال وسى وكرۋگتاردا جاڭا جوبا سىناقتان وتەتىن بولادى. بۇل دەگەنىمىز, جوباعا قاتىساتىن اۋىل تۇرعىندارى ناقتى بەس باعىت بويىنشا 2,5 پروسەنتتىك كرەديت الىپ, ءوز تابىسىن ارتتىرا الادى. سونىڭ ىشىندە مال شارۋاشىلىعى, اۋىل شارۋاشىلىعى جەرلەرىن ءتيىمدى پايدالانۋ, كووپەراسيانى قۇرۋ, سونداي-اق, جەكە كاسىپتى اشۋ مەن كەڭەيتۋگە ارنالعان جوبالار بار", - دەيدى امانوۆ.

ونىڭ ايتۋىنشا, اۋىل شارۋاشىلىعى سالاسىنداعى بارلىق جوبالارعا كرەديتتەر 2,5 پروسەنتپەن بەرىلسە, شاشتاراز, دۇكەن جانە تاعى باسقا وسى سىەدى كاسىپتى اشۋ ءۇشىن اقشانى 5 پروسەنتپەن الۋعا بولادى.

شارۋا قوجالىقتارى قاتىسا المايتىنان دا اتاپ ءوتتى. پيلوتتىق جوباعا بولىنەتىن بيۋدجەت قارجىسى "تاراز" الەۋمەتتىك-كاسىپكەرلىك كورپوراسياسى ارقىلى يگەرىلەتىن بولادى. ول ءۇشىن كورپوراسيانىڭ جانىنان نەسيە بەرۋ ۇيىمى اشىلادى.

"بىز ۇيلەردى ارالاپ, ءاربىر تۇرعىنعا پيلوتتىق جوبانىڭ تيىمدىلىگىن تۇسىندىردىك. ەندى, ولار مال الا ما, ەگىنمەن اينالىسا ما, سول بويىنشا ءوتىنىم بەرىپ جاتىر. بۇل جەردە ءبىر نارسەنى ەسكەرۋ كەرەك, پيلوتتىق جوباعا قوسالقى شارۋاشالىقپەن اينالىساتىن اۋىل تۇرعىندارى عانا قاتىسا الادى. شارۋا قوجالىقتارى ءوتىنىم بەرە المايدى. ويتكەنى ولار ءۇشىن اۋىل شارۋاشىلىقتى قولداۋ قورى, اگرارلىق نەسيە كورپوراسياسى سياقتى ۇيىمدار مەن باعدارلامالار بار", - دەپ اتاپ كورسەتتى امانوۆ.

بۇدان بولەك, پيلوتتىق جوباعا كووپەراتيۆ مۇشەلەرى دە قاتىسا الادى. ءبىراق ءاربىر ادام كرەديتتى ءوز اتىنا راسىمدەيدى.

"ساۋىن سيىر &ndash؛ 5 باس, قوي 50-گە دەيىن, جىلقى -10, ال بورداقىلاۋعا بايلاناتىن بۇقا 15 باسقا دەيىن دەپ, شەكتەۋ قويدىق. بۇل &ndash؛ ءاربىر اۋىلدىڭ تۇرعىنى الاتىن كولەم. ايتپەسە, اۋىلدا ءاربىر ءۇي قوراعا اينالىپ كەتەدى", - دەيدى امانوۆ.

"قارا تىزىمدە" بولسا دا, نەسيە الا الادى. ؛كرەديتتى وتەۋ مەرزىمى &ndash؛ 5-7 جىل. ال كەپىلدىككە ءۇيدى جانە تاعى باسقا مۇلىكتى قويۋعا بولادى.

"پيلوتتىق جوبا اياسىندا باعالاۋ كوەففيسەنتى &ndash؛ 0,7. بۇل استانا مەن الماتىنىڭ ورتاسىنداعى ۇيلەرگە عانا بەرىلەتىن كوەففيسەنت قوي. نەگىزى, بۇگىندە اۋىلداردا ءۇي قۇنىنىڭ 30 پروسەنتىن عانا بەرەدى", - دەدى امانوۆ.

ونىڭ ايتۋىنشا, قازىرگى كوەففيسەنتپەن پيلوتتىق جوباعا قاتىساتىن اۋىلداردا جاقسى ۇيلەردىڭ باعاسى 10 ميلليون تەڭگەگە دەيىن بارادى. ال مال شارۋاشىلىعى بويىنشا ءبىر كرەديتتىڭ ورتاشا سوماسى 5 ميلليون تەڭگە بولادى دەگەن جوسپار بار."كرەديت الۋشى كەپىلگە ءۇيىن, يا بولماسا, ەلدە تىركەلگەن اعايىن-تۋىستىڭ كەز كەلگەن مۇلكىن قويا الادى. ەندى, ءبىزدىڭ بايقاعانىمىز, اۋىلدا كوبىسىنىڭ قۇجاتى دۇرىس ەمەس. بىرەۋدىڭ جاعدايى بولمادى, ەندى بىرەۋ ۋاقىتىندا جاسامادى. سوندىقتان ءقازىر پيلوتتىق جوباعا قاتىساتىن ءاربىر اۋىلدا ارنايى ماماندار ءجۇر. ولار قاجەتتى قۇجاتتاردى راسىمدەپ بەرەدى", - دەدى امانوۆ.

پيلوتتىق جوباعا قاتىسۋ ءۇشىن بىرنەشە قۇجات قاجەت. ولار &ndash؛ جەكە كۋالىك, كەپىلگە قويىلاتىن مۇلىكتىڭ قۇجاتى, تۇرعىلىقتى جەرى تۋرالى انىقتاما جانە بانكتە قارىزدىڭ بار-جوعىن راستايتىن تۇبىرتەك. ؛قايرات امانوۆ جوبانىڭ تاعى ءبىر ەرەكشەلىگىن اتاپ ءوتتى. ؛

"كرەديتىن جاپسا دا, تولەمدى ۋاقىتىندا جاساماعانى ءۇشىن "قارا تىزىمگە" ءىلىنىپ كەتكەندەرگە بانكتەر كرەديت بەرمەيدى عوي. ال پيلوتتىق جوبا اياسىندا كرەديت الۋعا بولادى. قارىزى بولماسا بولدى. تولەم جاساۋ جاعىنان دا جەڭىلدىك بار. كرەديت العان ادام جارتى جىلدان كەيىن پروسەنتىن تولەيدى, ال جىلدىڭ سوڭىندا نەگىزگى تولەمدى جاسايدى. بۇل - وتە ءتيىمدى جۇيە", - دەيدى امانوۆ.

بۇل جوبانىڭ اياسىندا ءاربىر وتباسىنىڭ تابىسى ارتادى. ؛پيلوتتىق جوبانىڭ ارقاسىندا كەلەسى جىلى جامبىل وبلىسىندا 7 مىڭنان استام وتباسىنىڭ تابىسى 104 000 مىڭ تەڭگەگە دەيىن وسەدى دەگەن بولجام بار. 2021 جىلدا &ndash؛ 156 000 تەڭگە, ال 2022 جىلى جوباعا قاتىساتىن ءاربىر وتباسىنىڭ تابىسى 200 000 تەڭگەگە دەيىن ارتادى.

ايتا كەتەيىك, بۇگىندە جامبىل وبلىسىندا 1,1 ميلليون ادام تۇرادى. ولاردىڭ ىشىندە 680 مىڭ ادام &ndash؛ اۋىل تۇرعىندارى. جالپى, ايماقتا حالىقتىڭ جارتىسى &ndash؛ 506 مىڭ ادام جۇمىس ىستەيدى. ءبىراق 35 پروسەنتى &ndash؛ ءوزىن-وزى جۇمىسپەن قامتىعان ازاماتتار. سولاردىڭ ىشىندە 8,3 مىڭ ادام ناتيجەسىز جۇمىسپەن قامتىلىپ وتىر. بۇل &ndash؛ رەسپۋبليكا بويىنشا ەڭ جوعارى كورسەتكىش.

پيلوتتىق جوبا ءساتتى ىسكە اسسا, ونى وبلىس بويىنشا تاراتۋ جوسپارلانعان.

 ؛