25 قازان, 2019 تاريح
اقتوبە وبلىسىنان ءسۇيىنشى حابار جەتتى دەپ حابارلايدى ؛qamshy.kz اقپارات اگەنتتىگى. بۇل جاقسى جاڭالىق تۋرالى ؛kazmuseum.kz سايتىنىڭ ؛پاراقشاسىندا حابارلاندى. ؛
"تەمىر اۋدانىنىڭ تاسقوپا ەلدى-مەكەنىنىڭ ماڭىنان ب.ز.د. v عاسىردا التىن كيىممەن جەرلەنگەن سارمات كوسەمىنىڭ قورعانى تابىلدى.
كەزەكتى «؛التىن كيىمدى كونە ەسكەرتكىش»؛ - اقتوبە ءوڭىرىنىڭ عانا ەمەس, ءبۇتىن قازاق ەلىنىڭ تاريحىندا ەرەكشە ورىن الاتىن تاريحي قۇندىلىق.
كەشەگى ەسىك قالاسىنان, شىعىس پەن اتىراۋدان تابىلعان كونە ەسكەرتكىشتەردىڭ جالعاسى بۇگىن اقتوبە جەرىنەن دە كورىنىس بەردى. بۇل دەگەنىمىز سول زاماندا قازاق جەرىن مەكەندەگەن بابالارىمىز وركەنيەتتىڭ جوعارى ساتىسىندا ءومىر سۇرگەندىگىن كورسەتەدى.
بۇل قويناۋى قۇتتى, تاريحى تەرەڭدە جاتقان اقتوبە وڭىرىنەن تابىلعان قۇندىلىقتاردىڭ باستاماسى عانا دەپ بىلەمىز.
مۇنداي تاريحي جادىگەرلەر ءالى دە كوپتەپ تابىلىپ, دۇنيە ءجۇزىنىڭ الدىندا قازاق ەلىنىڭ مارتەبەسىن كوتەرەدى دەپ سەنەمىز" دەلىنگەن جازبادا. ؛
؛
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر