• usd 468.56

  • eur 497.56

  • rub 7.3

  • cny 67.18

29 ناۋرىز, 02:37:41
الماتى
+35°

بۇگىن, 23 قازاندا الماتىداعى ادام قۇقىقتارىن قورعاۋ جونىندەگى بيۋرودا الماتى وبلىسى اقسۋ اۋدانىنىندا بولعان قىتاي-قازاق جۇمىسشىلارىنىڭ اراسىنداعى توبەلەسكە قاتىسى بار دەپ كۇدىككە ءىلىنىپ, تالدىقورعان قالاسىنداعى ۋاقىتشا ۇستاۋ يزولياتورىندا قاماۋدا وتىرعان بەس قازاقستان ازاماتىنىڭ ىسىنە قاتىستى ءباسپاسوز جيىنى وتتى. ؛"تاۋەلسىز باقىلاۋشىلار" قوعامدىق ۇيىمىنىڭ ۇيىمداستىرۋىمەن وتكەن ءباسپاسوز ءماسليحاتىندا وپپوزيسيالىق ساياساتكەر رىسبەك سارسەنبايۇلى, بەلسەندى ىرىسبەك توقتاسىن, ادۆوكات ءلاززات احاتوۆا, "تاۋەلسىز باقىلاۋشىلار" قوعامدىق ۇيىمىنىڭ مۇشەسى اسەت وڭالباەۆ ءسوز سويلەدى.

قاماۋدا وتىرعان بەس ازاماتتىڭ تورتەۋىنىڭ زاڭدى قورعاۋشىسى ءلاززات احاتوۆانىڭ ايتۋىنشا, قىزىلاعاش (قىتاي جۇمىسشىلارى مەن قازاقستان ازاماتتارى اراسىندا توبەلەس بولعان الماتى وبلىسى اقسۋ اۋدانىنداعى اۋىل) اۋىلىنىڭ بەس جىگىتىنە اسا اۋىر ايىپتار تاعىلىپ وتىر. ولاردى ەكى اي مەرزىمگە تالدىقورعان قالاسىنداعى ۋاقىتشا ۇستاۋ يزولياتورىنا قاماۋعا العان, تاعىلعان ايىپتار دالەلدەنگە جاعدايدا ولار 7 جىلدان 14 جىلعا دەيىن تۇرمەگە قامالۋى مۇمكىن. ؛

&ndash؛ جىگىتتەردىڭ ۇستىنەن قىلمىستىق كودەكستىڭ 293 بابىنىڭ 3-تارماعى مەن 2-بولىگى جانە 106, 107 باپتار بويىنشا ءىس قوزعالدى. بۇل ؛&ndash؛ وتە اۋىر باپتار. جابىرلەنۋشىلەرگە اۋىر دەنە جاراقاتىن سالدى, قارۋ قولداندى دەگەن ءسوز. مەن جىگىتتەرمەن ۋاقىتشا تەرگەۋ اباقتىسىندا سويلەستىم. ولار قارۋ قولدانباعاندارىن ايتادى. كەرىسىنشە ارماتۋرا قىتايلىق جۇمىسشىلار وتىرعان اۆتوبۋستان تابىلعان. الايدا «؛سالقانوۆ سارقىتتىڭ ماشيناسىنان ارماتۋرالار تابىلدى»؛ دەپ پوليسيا ءىس ماتەريالدارىنا تىركەپ قويعان. سونداي-اق جابىرلەنۋشىلەردىڭ دەپورتاسيالانىپ كەتكەنى ءقازىر انىقتالدى. ويتكەنى قۇجاتتارى زاڭسىز بولعان ەكەن, ؛&ndash؛ دەدى ادۆوكات.

احاتوۆا جابىرلەنۋشى تاراپ ؛&ndash؛ قىتايلىق جۇمىسشىلار قازاقستان ازماتتارىنىڭ ۇستىنەن ارىز جازباعانىن دا ايتتى. ونىڭ ايتۋىنشا, جابىرلەنۋشى تاراپتان رەسمي ارىز تۇسپەگەن, ىشكى ىستەر قىزمەتكەرلەرى كۇدىكتىلەردى "قىلمىس ۇستىندە ۇستاعاندارىن" العا تارتقان. ؛

ادۆوكات ءقازىر قاماۋدا وتىرعان ازاماتتاردى كەپىلدىكپەن شىعارۋ ءۇشىن ارىز جازىپ جاتقانىن ايتتى.

ال وسى وقيعاعا بايلانىستى تالدىقورعانعا ارنايى بارعان وپپوزيسيالىق ساياساتكەر رىسبەك سارسەنبايۇلى قاماۋدا وتىرعان بەس جىگىتتىڭ ءبىرى ؛&ndash؛ بەرىك رىسالدينوۆتى كەپىلمەن بوساتۋ ءۇشىن ءوزىنىڭ پاتەرى مەن كولىگىن كەپىلگە قوياتىنىن ايتتى. سارسەنبايۇلى بۇل ءىستىڭ كۇماندى تۇستارى كوپ ەكەنىن ايتىپ, بيلىك وكىلدەرىنە بىرنەشە تالاپ قويعاندارىن جەتكىزدى. ؛

&ndash؛ قىتاي جۇمىسشىلارى مەن قىزىلاعاشتىق بەس ازامات اراسىنداعى توبەلەسكە ونىڭ الدىندا قىتايلىقتاردىڭ قازاق جىگىتتى جابىلىپ ۇرعاندارى سەبەپ بولدى. ول وقيعا 7 قازاندا بولعان. قىتايلىق ءۇش جۇمىسشى قىتايدان كەلىپ, قازاقستاندا تۇرىپ جاتقان ەتنيكالىق قازاقتى جابىلىپ ۇرعان, ولاردىڭ باستىقتارى قاراپ تۇرعان. وسى توبەلەستەن كەيىن نەگە قىتايلىق جۇمىسشىلار قاماۋعا الىنباعان؟! قۇزىرلى ورگاندار سوندا قايدا قارادى؟ قىتايلىقتاردىڭ وسىنداي ارەكەتىن ەستىگەن قىزىلاعاشتىڭ بەس جىگىتى ەرتەسى كۇنى, ياعني 8 قازاندا ولارمەن سويلەسۋگە بارعان. اقىراياعى توبەلەسىپ تىنعان. ەگەر ءبىرىنشى كۇنى توبەلەستى باستاعان قىتايلىقتار قاماۋعا الىنسا, قۇزىرلى ورگاندار ولارعا ءتيىستى شارا قولدانسا, ەرتەسى كۇنى توبەلەس بولمايتىن ەدى عوي. بۇل جەردە زاڭدى قۇزىرلى ورگانداردىڭ ءوزى بۇزىپ وتىر. سونداي-اق ءۇش قىتاي ءبىر قازاقتى جابىلىپ ۇرعانى ءۇشىن اكىمشىلىك جازاعا تارتىلدى, ال قىزىلاعاشتىق جىگىتتەرگە اۋىر ايىپتار تاعىلىپ جاتىر. ادىلدىك بولاتىن بولسا, قىتايلار دا قازاقتار سياقتى جازالانسىن, ؛&ndash؛ دەدى سارسەنبايۇلى.

رىسبەك سارسەنبايۇلى قازاقستانداعى جۇمىس ىستەپ جاتقان قىتاي كومپانيالارىندا بۇعان دەيىن دە جانجال بولىپ, اياعى ۇلكەن داۋلى وقيعالارعا ۇلاسقانىن ايتتى. ول ونىڭ سەبەبىن قازاقستان بيلىگىنىڭ شەتەلدىك ينۆەستورلاردى تىم ەركىنسىتىپ جىبەرگەنىمەن بايلانىستىردى. ؛

&ndash؛ ەڭ نەگىزگى ماسەلە ؛&ndash؛ بۇل جەردە مەملەكەت ءوز ازاماتتارىنىڭ مۇددەسىن قورعاي الماي وتىر. ءبىزدىڭ بيلىك ءقازىر ينۆەستورلاردى قۇدايىنداي كورەدى. توبەسىنە تايراڭداتىپ قويدى. قىتايمەن جاسالعان كەلىسىم-شارتتار جابىق. بۇل اشىق بولۋى كەرەك. 69 قىتاي ازاماتىنىڭ زاڭسىز جۇرۋىنە كىم جول بەردى؟ سونى انىقتاپ جازالاۋ كەرەك. ءجيى رەيد جاساۋ كەرەك. زاڭسىز جۇرگەن شەتەلدىكتەردى انىقتاۋعا قوعام بەلسەندىلەرى دە اتسالىسۋ كەرەك. مىنا توبەلەستە قىتاي ازاماتتارى "پەرىشتە" بولدى. قازاقتار &ndash؛ قىلىمسكەر. بۇلاي بولمايدى, ؛&ndash؛ دەدى ول.

باسپاسوز جيىنىندا ءسوز سويلەگەندەر جەرگىلىكتى تۇرعىندار مەن قىتايلىق جۇمىسشىلاردىڭ توبەلەسى بولار كۇننىڭ الدىندا قىتايلىق جۇمىسشىلار جابىلىپ ۇرعان ەتنيكالىق قازاقتىڭ ۇشتى-كۇيلى جوق بولىپ كەتكەنى كۇمان تۋدىراتىن ايتتى. ولاردىڭ ايتۋىنشا, ول ؛&ndash؛ قىتايدان كەلگەن قازاق, ءبىراق ءالى قازاقستان ازاماتتىعىن الماعان. ءقازىر تاراز جاقتا تۇرادى ەكەن. ءبىراق ادۆوكات تا, بەلسەندىلەر دە, قاماۋدا وتىرعان قىزىلاعاشتىقتاردىڭ تۋىستارى دا قىتايلىق جۇمىسشىلار جابىلىپ ۇرعان ەتنيكالىق قازاقپەن بايلانىسا الماعان. ؛

7 قازاندا الماتى وبلىسى اقسۋ اۋدانىندا جول سالىپ جاتقان "citic construction" كومپانياسىنداعى قىتايدىڭ ءتورت جۇمىسشىسى اراسىندا جانجال باستالىپ, كەيىن توبەلەسكە ۇلاسقان. توبەلەستەن قازاقستاندا تۇراقتى تۇرۋعا رۇقساتى بار قىتاي ازاماتى ؛&ndash؛ ەتنيكالىق قازاق جاراقاتتانعان. ؛ ؛كەلەسى كۇنى قىزىلاعاش اۋىلىنىڭ بەس تۇرعىنى قىتايلىق جۇمىسشىلاردى ۇرىپ-سوققان. پوليسيا وسى ىسكە كۇدىكتى رەتىندە قىزىلاعاش اۋىلىنىڭ بەس تۇرعىنىن قاماۋعا العان. ؛10 قازان كۇنى سۋديا قىزىلاعاش اۋىلىنىڭ بەس ازاماتىن ەكى ايعا قاماۋ تۋرالى شەشىم شىعاردى.

ميات كاشىباي

اۆتورمەن ونىڭ facebook پاراقشاسى ارقىلى حابارلاسۋعا بولادى.

جازىلىڭىز

"قامشى" سىلتەيدى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر