كەنشىلەر شاھارىنداعى كەلىستى ەڭبەك

تەمىرجول سالاسىن دامىتۋ-مەملەكەت باسشىسى ق.توقاەۆتىڭ «؛سىندارلى قوعامدىق ديالوگ-قازاقستان تۇراقتىلىعى مەن وركەندەۋىنىڭ نەگىزى»؛ اتتى جولداۋىندا ايقىندالعان مىندەتتىڭ ءبىرى. وسى ورايدا ىرگەتاسى قالانعانىنا 50 جىل تولعان جاڭاتاس قالاسىنداعى تەمىر جول ستانسياسىنىڭ ۇجىمى دا جولداۋ جۇكتەگەن مىندەتتەردى جۇيەلى جۇزەگە اسىرۋعا جۇدىرىقتاي جۇمىلۋدا. بۇل ماڭدا كەننىڭ مول قورى بارلانعان ساتتەن ونى يگەرۋ ىسىنە بىلەكتى سىبانىپ كىرىسكەن كەڭەس وداعى بيلىگى بۇل جۇمىستى ولكەگە تەمىر جول جەلىسىن تارتۋدان باستادى. وسىلايشا 1963 جىلى تاۋ شاتقالىنىڭ اراسىنا ورنالاسقان قازىرگى جاڭاتاس قالاسىنا الىپ باراتىن تەمىر جول رەلسى كوسىلىپ جاتتى. بۇل بىتكەن شارۋا ءوندىرىستى قالانىڭ قۇرىلىسىن جۇرگىزۋگە, ونداعى قيساپسىز كەندى يەگەرۋگە, كەرەك-جاراقتى تاسىمال ىسىنە تىڭنان تۇرەن سالدى.

ال ءقازىر جاڭاتاس تەمىر جول ستانسياسى جامبىل وبلىسىنداعى جۇك تاسىمالداۋ ىسىندەگى كوشباسشى مەكەمە سانالادى. ءارى ول وسى وڭىردەگى كەن ءوندىرۋ ىسىندەگى الپاۋىت كاسىپورىندارىنىڭ ونىمدەرىن تاسىمالداۋ ميسسياسىن ءمىنسىز ورىنداپ كەلەدى.

جاڭاتاسقا تەمىر جول جەلىسى 1963 جىلى كەلگەنىمەن, مۇنداعى ستانسيا 1964 جىلدىڭ 30 قازانىندا سالتاناتتى تۇردە اشىلدى. ال ارادا ەكى كۇن وتكەن سوڭ جاڭاتاس كەنىشى يەگەرىلە باستادى. سايكەسىنشە جۇك پويىزدارى دا وسى كۇننەن قاراتاۋ كەنىن قازىرگى تاراز قالاسىنا جەتكىزۋ مىندەتىنە كىرىستى. ستانسيانى ءار جىلدارى يۋريي پەرەپەلكين, ياكوۆ ءسابىنين,ابدۋالى داناەۆ, ەربول وسپانوۆ, مۇرات تۇياقوۆ, ۇمىتبەك رىسبەكوۆ, بەكەن نارباەۆ سىندى ارداگەر تەمىرجولشىلار باسقارىپ, ونىڭ ەل ەكونوميكاسىنداعى اسا ماڭىزدى مىندەتىن ءمىنسىز اتقارۋ ءىسىن ابىرويمەن ۇيىمداستىرا ءبىلدى. ءقازىر بۇل قىزمەتتى نۇربەك تولەگەنوۆ اتقارۋدا.

&ndash؛ جالپى جاڭاتاس تەمىر جول ستانسياسى ەكىنشى كلاستى ستانسيا سانالادى. بۇل مەكەمە تەمىر جولداعى جۇك تاسىلمالداۋ ىسىندە وبلىس بويىنشا كوش باسىندا كەلەدى. تاۋلىگىنە جاڭاتاستىق تەمىرجولشىلار 128 ۆاگون فوسفور رۋداسى مەن فوسفور ۇنىن جونەلتەدى. فوسفور رۋداسى تەمىر جولمەن اسا ستانسياسىنا, ال فوسفور ۇنى شايقورىق ستانسياسىنا دەيىن جەتكىزىلەدى. ودان بولەك, وسىنداعى سوزاق ستانسياسىنان تاۋلىگىنە 50 ۆاگونعا جۋىق حيميالىق قىشقىلدار مەن تابيعي ۋران جۇكتەلەدى. بۇل ونىمدەر وسى جەردەن رەسەي مەن قىتايعا قاراي جول تارتادى.

سوڭعى جىلدارى بىزدەگى جۇك تاسىمالداۋ كولەمى 3 ەسەگە ارتقانىن ماقتانىشپەن ايتقىم كەلەدى. بۇل ءبىزدىڭ ەڭبەككەرلەرلىمىزدىڭ ەسەلى ءىسىنىڭ ناتيجەسى دەپ بىلەمىن. سوندىقتان, سايكەسىنشە ستانسيانىڭ كلاسس دەڭگەيىن ءبىرىنشى كلاسقا اۋىستىرۋعا نيەت ەتىپ وتىرمىز. سول ارقىلى تەمىرجولشىلاردىڭ جالاقىسىن كوبەيتۋ, شتات سانىن ۇلعايتۋعا قول جەتكىزەمىز.

بۇگىندە ستانسيادا 123 ادام جۇمىس جاسايدى. ,&ndash؛دەيدى ستانسيا باستىعى نۇربەك اسقانبايۇلى.

ستانسيا الەۋەتتى تاپسىرىس بەرۋشىلەرى قويعان تالاپتىڭ ۇدەسىنەن شىعۋدا ماتەريالدىق-تەحنيكالىق بازاسىن نىعايتۋعا يەك ارتقان. ءارى ولاردىڭ «؛قازفوسفات»؛, «؛ەۋروحيم قاراتاۋ»؛ جاۋاپكەرشىلىگى شەكتەۋلى سەرىكتەستىكتەرىمەن ارىپتەستىك ورناتۋى جاڭاتاس تەمىر جول ستانسياسىنىڭ حالىقارالىق جۇك تاسىمالى سالاسىنداعى الەۋەتىن تانىتا باستادى. ويتكەنى, ستانسيا ارقىلى «؛ەۋروحيم قاراتاۋ»؛ كومپانياسى ءوز ونىمدەرىن سولتۇستىك كاۆكاز تەمىر جول جەلىسىندەگى بەلورەچەنسك ستانسيسى مەن وزبەكستان تەمىر جول جەلىسىندەگى وزودليك ستانسياسىنا جونەلتۋدە.

كەلەر جىلدان باستاپ ستانسيانىڭ الەۋەتتى تاپسىرىس بەرۋشىلەرى ءونىم كولەمىن ارتتىرۋدى جوسپارلاپ وتىر. ءوز كەزەگىندە بۇل فاكتور جاڭاتاس تەمىر جول ستانسياسىنىڭ جۇك تاسىمالداۋ قابىلەتىن تاعى بىرنەشە ەسەگە ۇلعايتۋعا نەگىز بولماق. وڭىردەگى حيميا ونەركاسىبىنىڭ الپاۋىتتارىنان بولەك, جاڭاتاس ستانسياسى «؛جاراس»؛ مۇناي بازاسى, مۇناي وڭدەۋ زاۋىتى, «؛ايانات»؛ مۇناي ونىمدەرى, «؛اسىل تۇز»؛ سەكىلدى كومپانيالاردىڭ دا ونىمدەرىن تاسىمالداۋ بويىنشا تاپسىرىستارىن تالاپقا ساي ورىندايدى. قازىرگى تاڭدا ستانسيانىڭ 8 جۇك تيەۋ تۇيىعى بار. بۇگىندە ونىڭ ەكەۋىندە جامبىل وبلىسى اۋماعىنداعى سارىسۋ اۋدانى تۇرعىندارى ءۇشىن كومىر ساتىلىپ جاتىر.

ستانسيا باستىعىنىڭ ايتۋىنشا, جاقىندا, قىركۇيەك ايىنىڭ ورتا شەنىندە تەمىر جولدىڭ تەحنيكالىق الەۋەتىن باعامداۋ ماقساتىندا رەلستەرگە تولىق تەكسەرۋ جۇمىستارى جۇرگىزىلگەن. بۇل جۇك پويىزدارىنىڭ قىسقى ماۋسىمدا ەش كەدەرگىسىز قوزعالىسىن قامتاماسىز ەتۋ ماقساتىندا جاسالىپ وتىر. مۇنداي تەكسەرۋلەر جىلىنا ەكى رەت وتكىزىلىپ تۇرادى. ءارى بۇل تەكسەرۋلەر اسا جاۋاپتى كەزەڭ الدىنداعى تەمىر جول جەلىلەرىنىڭ تەحنيكالىق الەۋەتىن سارالاۋعا مۇمكىندىك بەرەدى.