تۋريزم سالاسى دامۋدا

ەلباسى ن.نازارباەۆ «؛بولاشاققا باعدار: رۋحاني جاڭعىرۋ»؛ اتتى باعدارلامالىق ماقالاسىندا ولكەتانۋ باعىتىنداعى جۇمىستاردىڭ جانداندىرۋ, سول ارقىلى تۋريزم سالاسىن دامىتۋ تۇرعىسىندا وي قوزعاعان بولاتىن. بۇل تۇرعىدا قازاق حاندىنىڭى نەگىزى قالانعان قاسيەتتى اۋليەاتا ءوڭىرىنىڭ, تاريحي تاراز جەرىنىڭ الەۋەتى مول ەكەندىگى ايتپاسا دا تۇسىنىكتى. وسى ورايدا جامبىل وبلىسىنىڭ اكىمى اسقار مىرزاحمەتوۆتىڭ تىكەلەي تاپسىرماسىمەن ايماقتا تۋريزم سالاسىنىڭ تىنىسىن كەڭەيتۋگە باعىتتالعان تىڭ باستامالار كوتەرىلۋدە.

بۇگىندە وبلىستا 3 365 تاريحي-مادەني مۇرا ەسكەرتكىشتەرى ورنالاسقان, ونىڭ ىشىندە 2 934 ارحەولوگيالىق, 111- تاريحي, 97 ارحيتەكتۋرالى جانە تاعى سول سياقتى اتاپ ايتقاندا قۇندى جادىگەرلەر بار. ۇلى جىبەك جولىنىڭ بويىندا ورنالاسقان 5 نىسان, اقتوبە (بالاساعۇن), قۇلان, ورنەك, اقىرتاس جانە قوستوبە قالاشىقتارى يۋنەسكو-نىڭ دۇنيەجۇزىلىك مۇرالار تىزىمىنە ەنگىزىلدى. سول سياقتى 2 نىسان, دالىرەك ايتقاندا اقىرتاس»؛ ساراي كەشەنى جانە «؛ايشا ءبيبى»؛ ماۆزولەيى ەۋرازيا ەكونوميكالىق ىنتىماقتاستىق ۇيىمىنىڭ «؛ەرەكشە تارتىمدى تۋريستىك نىساندار»؛ ءتىزىلىمى قاتارىنان كورىندى. بۇدان بولەك وبلىستا «؛بەرىكقارا»؛, «؛مەركى»؛, «؛اڭدىساي»؛, «؛ۇمبەت, «؛قاراقوڭىز»؛ قورىقشا-زاكازنيك, 6 ساناتورلىق-ساۋىقتىرۋ مەكەمەلەرى, 10 بالالار لاگەرلەرى ورنالاسقان.

بۇگىندە جامبىل وبلىسى اكىمدىگى تۋريزم باسقارماسىنىڭ ۇيىمداستىرۋىمەن ءتۇرلى شارالار دا وتكىزىلۋدە. سول قاتاردا قازاقستاننىڭ الماتى, تۇركىستان, شىمكەنت قالاسىنىڭ 9 تۋريستىك كومپانيالارى ارقىلى كەلۋشىلەر «؛ورتاعاسىرلىق تورتكول»؛ كەرۋەن سارايىندا ورنالاسقان «؛كونە تاراز شەبەرلەرى»؛ قالاشىعىمەن تانىستى. ءىس-شاراعا بارلىعى 5 565 ادام تارتىلعان. ولاردىڭ 500-دەن استامى گەرمانيا, يتاليا, جاڭا زەلانديا, جاپونيا, بولگاريا, قىرعىستان, تاجىكستان, وزبەكستان جانە رەسەي مەملەكەتتەرىنەن كەلگەن شەتەلدىك تۋريستەر. ال ەلىمىزدىڭ باسقا وبلىستارىنان 1800 تۋريست قامتىلدى.

جامبىل وبلىسى بويىنشا جالپى ۇزىندىعى 495 شاقىرىمدى قۇرايتىن ارا قاشىقتىقتا 9 جول بويعى سەرۆيس كەشەندەرىنىڭ قۇرىلىسىن جۇرگىزۋ ورىندارى ايقىندالدى. قۇرىلىس جۇمىستارى 5 اۋداندىق ەلدى مەكەندەردى قامتيتىن بولادى.

تالاس الاتاۋىنىڭ 3200 مەتر بيىكتىگىندە ورنالاسقان, جوبالىق قۇنى 3 ملرد. 355 ملن. تەڭگەنى قۇرايتىن, «؛قارالما»؛ تاۋ-شاڭعى بازاسى»؛ جوباسى جۇزەگە اسىرىلۋدا. بۇگىنگى تاڭدا قۇرىلىسقا 274 گا جەر تەلىمى ءبولىنىپ, ەلەكتر قۋاتىمەن جابدىقتاۋ, گازوفيكاسيا مەن سۋ قۇبىرىن جۇرگىزۋ ينجەنەرلىك كوممۋنيكاسيالارى وتەتىن جەرلەرى انىقتالدى, اۆتوجول قۇرىلىسى اياقتالدى.

تەحنيكالىق سيپاتتامالارى بويىنشا ارقاندى جولدىڭ ۇزىندىعى 2050 مەتردى قۇرايدى. كەشەننىڭ قۇرامىنا 20 كوتتەدج, 100 ورىندىق 1 مەيمانحانا, ءارقايسىسى 70 ورىندىق 2 مەيرامحانا, 30 ورىندىق كافە, باقىلاۋ مۇناراسى, قىزمەت كورسەتۋ ورتالىعى, 100 اۆتوكولىككە ارنالعان اۆتوتۇراق, باسسەين جانە باسقا دا ساۋدا-ويىن-ساۋىق ورىندارى كىرەدى.