جامبىلدا قۇرىلىس كولەمى ارتتى

وڭىرلەردى دامىتۋعا ارنالعان مەملەكەتتىك باعدارلامالاردىڭ ناتيجەسىندە جابىل وبلىسى رەسپۋبليكا دەڭگەيىندە الدىڭعى قاتاردان كورىنىپ كەلەدى. ايماقتا قاي سالادا بولماسىن ءوسىم بار. اسىرەسە, قۇرىلىس سالاسىندا قارقىندى جۇمىستار جۇرگىزىلىپ كەلەدى.

بيىلعى قاڭتار-تامىز ايلارى ارالىعىندا جالپى قۇرىلىس جۇمىستارىنىڭ كولەمى 62,8 ملرد.تەڭگەنى قۇراپ, 2,5 پايىزعا ارتعان.

جىل باسىنان 333,9 مىڭ شارشى مەتر تۇرعىن ءۇي پايدالانۋعا تاپسىرىلىپ, كورسەتكىش 7,3 پايىزعا ءوستى.

تارقاتا ايتقاندا بيىل 260 پاتەر كوپبالالى جانە از قامسىزداندىرىلعان وتباسىلارىنا بەرىلدى.

باسپاناعا مۇقتاج از قامتىلعان جانە كوپبالالى وتباسىن تۇرعىن ۇيمەن قامتاماسىز ەتۋ ماقساتىندا وبلىستا جوسپارلانعان 12 جاتاقحانانىڭ ء8-ىنىڭ قۇرىلىسى باستالدى.

جالپى, تۇرعىن ءۇي كەزەگىندەگى 2661 كوپ بالالى وتباسىنىڭ ء924-ى باسپانامەن قامتىلادى.

جەكە تۇرعىن ءۇي قۇرىلىسىنا 2877 جەر تەلىمى بەرىلەدى. بۇدان بولەك, تەك ەلەكتر قۋاتىن تارتا وتىرىپ 3722 جەر تەلىمىن بەرۋ قاراستىرىلۋدا.

«؛7-20-25»؛ باعدارلاماسى اياسىندا 419 ادام ءوتىنىش بەرىپ, ء231-ى قولداۋ تاپتى. 207 ازاماتقا 1,4 ملرد. تەڭگەگە نەسيە راسىمدەلدى.

«؛نۇرلى جەر»؛ باعدارلاماسى اياسىندا قارالعان 17,6 ملرد. تەڭگە ەسەبىنەن 30 كوپپاتەرلى تۇرعىن ءۇيدىڭ قۇرىلىسى جۇرگىزىلۋدە. 28 ءۇي - 2019 جىلى تاپسىرىلۋى ءتيىس, ال 2 ارەندالىق ءۇي &ndash؛ 2020 جىلعا وتپەلى. سونىمەن قاتار 38 ينجەنەرلىك ينفراقۇرىلىم جوبالارىنىڭ قۇرىلىسى جۇرگىزىلىپ, 31 جوبا ىسكە اسىرىلدى.

ناتيجەسىندە, 1673 پاتەر پايدالانۋعا بەرىلىپ, 4654 جەر ۋچاسكەلەرىنە ينجەنەرلىك-كوممۋنيكاسيالىق ينفراقۇرىلىم تارتىلدى.

«؛نۇرلى جول»؛ باعدارلاماسى بويىنشا 48 جوبا ىسكە اسىرىلۋدا, ونىڭ ءبىرى, كوپتەن وزەكتى بولىپ كەلگەن «؛مەركى-شۋ-بۋرىلبايتال»؛ كولىك جولىنىڭ قۇرىلىسى جۇرگىزىلۋدە.

جول سالاسىندا 602 شاقىرىمدىق جەرگىلىكتى اۆتوجولدار مەن كوشەلەرگە جوندەۋ جۇرگىزىلۋدە. ياعني 16,2 شاقىرىمدىق جاڭا جول سالىنىپ, 6,2 شاقىرىم قايتا جاڭعىرتىلىپ, 30 شاقىرىم كۇردەلى جانە 550 شاقىرىم ورتا جوندەۋدەن وتەدى. ناتيجەسىندە «؛جاقسى جانە قاناعاتتانارلىق جاعدايداعى وبلىستىق جانە اۋداندىق ماڭىزى بار اۆتوجولداردىڭ ۇلەسى»؛ 85 پايىزعا جەتەدى دەپ كۇتىلۋدە.

وبلىستا «؛اۋىل - ەل بەسىگى»؛ ارنايى جوباسى اياسىندا 108 جوبا ىسكە اسىرىلۋدا. ونىڭ 4 جوباسى الەۋمەتتىك نىساندار قۇرىلىسى, ء104-ى -الەۋمەتتىك, ءتۇرعىن-ۇي كوممۋنالدىق شارۋاشىلىعى, كولىك ينفراقۇرىلىمدارى نىساندارىن جوندەۋگە باعىتتالعان.