تاتتى ءتۇبىردى تاراز قانت زاۋىتى قابىلداۋدى باستادى

كەيىنگى جىلدارى جامبىل وبلىسىندا قىزىلشا شارۋاشىلىعى مىقتاپ قولعا الىنا باستاعانى بەلگىلى. ءتىپتى, اعىمداعى جىلى ءتاتتى ءتۇبىردىڭ جوعارى سۇرىپتى تۇقىمىن الۋ ءۇشىن ارنايى قارجى قارالىپ, شارۋاشىلىقتاردى جاڭا تەحنيكامەن قامتۋ باعىتىندا دا كوپ جۇمىستار جاسالدى. نايجەسىندە بيىل جالپى مول ءونىم الىنادى دەپ كوزدەلگەن. بۇل جوسپاردى جامبىلدىق شارۋالار ءجۇز پايىز ورىنداۋعا شاق, دەپ جازادى qamshy.kz اقپارات اگەنتتىگى. ؛جىلپى بىلتىرعى جىلدارى ءتاتتى ءتۇبىردىڭ كولەمى 100 مىڭ تونناعا دەيىن جەتكەن. بيىل كورسەتكىش بۇل ناتيجەدەن اسىپ جىعىلادى دەپ كۇتىلۋدە.

يا, بۇل ءسوز جوق باس بارماقپەن باعالاۋعا تۇرارلىق. نەگىزى وتكەن جىلدارى وبلىس بويىنشا جينالعان 17 مىڭ توننا قىزىلشانى ءبىر عانا بايزاق اۋدانى وتكەرگەنىن ەسكەرسەك, ۇستىمىزدەگى جىلى دا اتالمىش ەلدى مەكەننىڭ شارۋالارى قىزىلشا شارۋاشىلىعىنا جەڭ تۇرە كىرىسىپ, قانت زاۋىتىنان قاپ-قابىمەن, توننا-تونناسىمەن وتكىزۋدە.

ماسەلەن بيىل بايزاق اۋدانىندا 1207 گەكتار جەرگە ءتاتتى ءتۇبىر ەگىلسە, اۋدان ديحانشىلارى ناۋقان باستالعالى گەكتارىنا 416 سەنتنەردەن ءونىم الۋعا قول جەتكىزىپ وتىر. بۇل وتكەن جىلمەن سالىستىرعاندا 151 سەنتنەرگە ارتىق.

قازىر بايزاقتىقتار قانت قىزىلشاسىن تاراز قانت زاۋىتىنا وتكىزۋدى باستادى. وتكىزىلگەن جالپى ءونىم كولەمى 220 توننا. بۇل جۇمىستار ءالى دە جالعاسىپ, كورسەتكىن ەسەلەپ وسەتىنى داۋسىز.

يا, ءتاتتى ءتۇبىردىڭ پايداسىن جامبىلدىق شارۋالار مولىنان كورۋدە. باستاپقىدا شىعىنى شاش ەتەكتەن بولعان قىزىلشا شارۋاشىلىعىنىڭ قازىعى ەندى دۇرىس قاعىلىپ, تىرلىگى تىكتەلە باستاعانداي. ونى ءبىز ەمەس شارۋالاردىڭ ءوزى ايتىپ, كەلەر جىلى ەگىستىك القابىن كوبەيتۋگە نيەتتى ەكەندەرىن بىلدىرۋدە.

ال, قازانى قايتا قايناپ, بويىنا قان جۇگىرگەن قانت زاۋىتتارى شيكىزات باردا, ءوندىرىس كولەمىن ارتتىرۋعا مىقتاپ كىرەسكەن. ماسەلەن, مەركى قانت زاۋىتىنىڭ ءوزى بىلتىرلارى 25 مىڭ توننا وڭدەلگەن ءونىم ازىرلەدى. ال, بيىل بۇيىرتسا 100 مىڭنان اسا توننا قىزىلشا وڭدەلگەندە ءوندىرىس ورنىنىڭ ءورىسى كەڭەيە تۇسەتىنى انىق. سوندىقتان قىزىلشا شارۋاشىلىعىنىڭ قاناتى كەڭگە جايىلىپ, جىلداعى ءتۇسىم ەسەلەنە ءتۇسسىن دەپ تىلەيىك. ودان قارا حالىققا پايدا كەلمەسە, زيان كەلمەسى ايقىن.

ەندەشە ناۋقانعا اسىق اعايىن. دالا توسىندەگى قازىنانى دەر كەزىندە جيناپ, ءتاتتى ءتۇبىردىڭ بال قاينارىنان سۋسىنداڭىزدار. سىزدەردى ەسىگىن ايقارا اشىپ, كۇتىپ وتىرعان قانت زاۋىتتارى از ەمەس. ءبىرى اۋدانداردىڭ بەل ورتاسىندا ورنالاسسا, ەكىنشىسى تاراز ماڭىنداعى ەلدى مەكەندەرگە قىزمەت كورسەتۋدە. سوندىقتان قازىرگى مىندەت تەك ءونىمدى تولىقتاي جيناپ الۋ.