مۇراتبەكتىڭ مۇراتى ايقىن

بۇگىندە جۇمىسسىزدىق ونىڭ ىشىندە جاستار جۇمىسسىزدىعى وزەكتى ماسەلە بولىپ تۇرعانى جاسىرىن ەمەس. دەسە دە, مەملەكەت تاراپىنان بۇل باعىتقا قۇيىلىپ جاتقان قارجى دا, باعىتتالعان باعدارلامالار دا جەتەرلىك. مۇنداي قارقىن شارالار جامبىل وبلىسىندا قاي جىلدارى بولسا دا باسەڭدەگەن ەمەس, ؛دەپ جازادى qamshy.kz اقپارات اگەنتتىگى. ؛

ماسەلەن جامبىل اۋدانى اكىمدىگىنىڭ جۇمىسپەن قامتۋ جانە الەۋمەتتىك باعدارلامالار ءبولىمى بىرەر جىلدىڭ بەدەرىندە جۇيەلى جۇمىستار جۇرگىزۋدە.

اتاپ ايتساق, كەشەندى جوسپار بويىنشا الدىڭعى جىلى 1592 ادامدى جۇمىسپەن قامتۋ جوسپارلانسا, جىل ىشىندە 1208 ازامات تۇراقتى جۇمىسقا ورنالاستىرىلىپ, ونىڭ ىشىندە ء378-ى 29 جاسقا دەيىنگى جاستاردى قۇراعان. سونداي-اق, الەۋمەتتىك جۇمىس ورىندارىنا 92 ازامات جولدانسا, 103 تۇلەك «؛جاستار پراكتيكاسىمەن»؛ بوس جۇمىس ورنىنا تارتىلعان. بۇدان بولەك, اقىلى قوعامدىق جۇمىستارعا 224 ادام باعىتتالسا, ونىڭ ء77-ى جاستار. ءدال سونداي, 40 اۋدان تۇرعىنى كاسىپتىك دايارلاۋ جانە قايتا دايارلاۋ كۋرستارىنا جولداما السا, ونىڭ ء17-ى جاستارعا تيەسىلى بولىپ وتىر.

ال «؛كاسىپكەرلىك باستامانى ىنتالاندىرۋ جانە تىرەك اۋىلداردى كەشەندى دامىتۋ»؛ باعىتى ارقىلى 43 ازامات شاعىن نەسيە الىپ, ءوز تىرلىگىن دوڭگەلەتۋدە.

ودان كەيىنگى جىلدارىدا بۇل جۇمىستار جاڭاشا قارقىن الىپ, تىنىسى كەڭەيۋدە. ول ءۇشىن «؛جۇمىسپەن قامتۋ 2020 جول كارتاسى»؛ باعدارلاماسىنىڭ بارلىق باعىتتارى بويىنشا 490 ميلليون 180 مىڭ تەڭگە بولىنگەن. بۇل قارجى 1910 ادامدى قوسىمشا جۇمىسپەن قامتۋعا مۇمكىندىك تۋعىزعان.

ال بيىلدان باستاپ جۇمىسپەن قامتۋ جۇمىستارى جاڭاشا قارقىن العانىن ەل جاقسى بىلەدى. جانە مەملەكەتتىك باعدارلاما اتاۋىن وزگەرتىپ, «؛ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋدىڭ 2017-2021 جىلدارعا ارنالعان «؛ەڭبەك»؛ مەملەكەتتىك جوباسى رەتىندە جاڭاردى. مىنە وسى باعدارلامانىڭ مۇمكىندىگىن ءتيىمدى پايدالانىپ جۇرگەندەردىڭ ءبىرى &ndash؛ جۋالى اۋدانىنىڭ تۇرعىنى مۇراتبەك نىسانوۆ.

مۇراتبەك قوس كاسىپتى قاتار جۇرگىزىپ كەلەدى. باعدارلاما ارقىلى العان 3 ميلليون نەسيەسىنە اۋداندا تەحنيكالىق جوندەۋ ورتالىعىن اشتى. ودان بولەك, ءسۇت قابىلداۋ بەكەتى دە بار. اۋدان تۇرعىندارىنان 110 تەڭگەگە ءسۇت قابىلداپ, توننالاپ تارازداعى «؛لەسنياك»؛ جك-گە جەتكىزەدى. قاراماعىندا 16 جۇمىسشىسى بار, ونىڭ تورتەۋى الەۋمەتتىك جۇمىس ورنىندا ەڭبەك ەتۋدە. ىسكەر كاسىپكەر تەحنيكالىق قىزمەت كورسەتۋ سەحتارىن كوبەيتىپ, بيزنەسىن كەڭەيتۋدى ماقسات ەتۋدە.