تامنىڭ ىرگەسىنەن تابىس تاۋىپ وتىر

«؛قاراپايىم زاتتار ەكونوميكاسىن»؛ دامىتىپ, جۇرتشىلىقتىڭ تابىسىن ارتتىرۋعا باعىتتالعان جامبىلدىق جوبانى جۇرتشىلىق جىلى قابىلداعانى انىق. قارا حالىق قورانى قازىناعا, اۋلانى تابىسقا تولتىرۋعا بولاتىندىعىنا كوزى جەتتى. بۇنى پيلوتتىق ون وكرۋگتى ارالاپ شىققان وبلىس اكىمى اسقار مىرزاحمەتوۆ تە بۇقاراعا ءجىتى ءتۇسىندىردى. وسىدان ساباق شىعارعان اۋىلداعى اعايىن ءقازىر جوباعا جان ۇرلەۋگە جەڭ تۇرە كىرىسكەن, ؛دەپ جازادى qamshy.kz اقپارات اگەنتتىگى. ؛ راس, اۋىلداعى اعايىننىڭ باسىم بولىگى تابىستىڭ كوزىن ءوز اۋلاسىنان تابۋعا بولاتىندىعىن باستاپقى دا تۇسىنبەدى. سوندا عانا اۋىل داميدى, ەلدىڭ ەڭسەسى كوتەرىلىپ, جاعدايى جاقساراتىنىن دا سەزىنبەدى. الايدا بيىلعى جىل باسىنان بەرى وبلىس اكىمى باستاعان جۇمىس توبى وڭىردەگى بارلىق اۋىلدىق ەلدى مەكەندەرگە ارنايى بارىپ, 138 مىڭ اۋلانى تولىق زەردەلەپ شىقتى.

جۇرتشىلىقتىڭ 60 پايىزى اۋىلدا تۇراتىن جامبىل وبلىسى ءۇشىن قاراپايىم زاتتار ەكونوميكاسىن دامىتۋدىڭ ناقتى قاجەتتىلىگى تۋىنداپ وتىرعانى دا اقيقات. وسى ماسەلە كوتەرىلگەلى وعان ات سالىسىپ, مەملەكەتتىك ساياساتتى قولداپ وتىرعان جاندار ەلدى مەكەندەردە بۇگىندە اسىپ جىعىلادى.

ماسەلەن جۋالى اۋدانىندا تۇراتىن توقتاربەك سپاتاەۆتىڭ وتباسى ءوز ءۇيى ماڭىن قوسالقى شارۋاشىلىققا اينالدىرىپ, تابىسىن تامنىڭ ىرگەسىنەن تاۋىپ وتىر.

جۋالى اۋدانى بيلىكول اۋىلدىق وكرۋگىنىڭدە تۇراتىن سپاتاەۆتار وتباسى ءوز ءۇيىنىڭ اۋلاسىن ءتيىمدى پايدالانىپ وتىرعانىمەن كوپكە ۇلگى. وتكەن جىلدان باستاپ, مال جانە قۇس شارۋاشىلىعى باعىتىنداعى جۇمىستاردى قولعا العان ەڭبەك ادامى قاراپايىم زاتتار ەكونوميكاسى بويىنشا 2,5 پايىزبەن نەسيە الۋ اۋىل حالقى ءۇشىن وراسان پايدا دەيدى. بيلىكول تۇرعىنى ءوز اۋلاسىندا 200 قۇس پەن 100 دەن استام قوي ءوسىرىپ وتىرعان ەڭبەك ادامى.

اۋىل تۇرعىنى كول ماڭىندا تۇراتىن بولعاندىقتان مۇندا مال وسىرۋگە, بالىق شارۋاشىلىعىن دامىتۋعا قولايلى جەر كوپ. سۋلى ايماقتىڭ جەرى دە نۋلى كەلەتىنىن بيلىكولدىكتەر ءجىتى تۇسىنەدى. بيىل 120 باس مال بورداقىلاۋ كەشەنىن سالعان توقتاربەك سپاتاەۆ بۇل جەردىڭ تابيعي جاعدايىن ەسكەرىپ, قورانى دا ەرەكشە تۇرعىزۋعا كۇش سالعان.

سپاتاەۆتار وتباسى الداعى ۋاقىتتا مۇندا ءسۇت جانە ەت باعىتىنداعى جۇمىستاردى جانداندىراتىندىعىن العا تارتىپ وتىر. ول ءۇشىن قورا قوپسى دايىن, ءنندى اكىمدىك تاراپىنان جەڭىلدەتىلگەن نەسيە بەرىلسە شارۋاشىلىقتى بۇدان دا شيراتۋ ماقساتى تۇر. ءۇيىنىڭ اينالاسىنا گۇل وتىرعىزىپ, جاسىل &ndash؛جەلەكپەن كومكەرىپ وتىرعان وتباسى كەلەر كوكتەمدە اۋلاسىنداعى بوس جاتقان جەرگە كوكونىس ەگۋدى دە جوسپارلاۋدا.

يا, وسىلايشا قوسالقى شارۋاشىلىقتى دامىتۋ جۇمىستارى بۇگىندە جامبىل وبلىسىندا قارقىن الۋدا. بۇل ءتاسىل ءوڭىردىڭ بارلىق اۋداندارى مەن اۋىلدارىندا جۇزەگە اسىپ, بيلىك پەن حالىق اراسىندا ناقتى تۇسىنىك قالىپتاسادى دەگەن ءۇمىت زور. ءبىز باستامانىڭ جەمىستى بولارىنا بەك سەنىمدىمىز.