ءتاتتى ءتۇبىر – ەل قازىناسى
  • usd 468.56

  • eur 497.56

  • rub 7.3

  • cny 67.18

29 ناۋرىز, 18:54:43
الماتى
+35°

بۇگىندە مەملەكەتىمىز اگرو سالاسىن الشاڭ باستىرۋ باعىتىندا از جۇمىستار جاساپ جاتقان جوق. ءتۇرلى مەملەكەتتىك باعدارلامالار كەڭەستىك كەزەڭنەن كەيىن ۇمىت قالعان تىرلىكتىڭ تىنىنە جان ۇرلەۋدە. سونىڭ ءبىرى &ndash؛ قانت قىزىلشاسى. وسىدان بىرەر جىل بۇرىن جامبىل وبلىسىندا قولعا الىنعان شارۋاشىلىقتىڭ قازىرگى قارقىنى كوز قۋانتادى, دەپ جازادى qamshy.kz اقپارات اگەنتتىگى. ؛جالپى بۇل باستاماعا بيىل بارلىق اۋداندار ءۇن قوسقان بولسا, مەركى اۋدانىنداعى قانت زاۋىتى قىزىلشا قابىلداۋدى باستادى. الا جاز بويى شارۋالار باپتاعان بالتامىر ەندى قابىلداۋ پۋنكتىنە جونەلتىلىپ, تارازىعا تارازىلانۋدا.

مەركى اۋدانىنىڭ قانت قىزىلشاسىن قابىلداۋ پۋنكتىنە جەرگىلىكتى جەرلەردەن باسقا, ت.رىسقۇلوۆ پەن شۋ اۋدانىنىڭ شارۋالارى دا ءوز ونىمدەرىن وتكىزىپ, ەڭبەكتىڭ ونبەگىن كورۋدە. وتاندىق ءونىمنىڭ ساپاسى بيىل جوعارى. ونى ەندى جاڭبىر مەن قار استىندا قالدىرماي, دەر كەزىندە سۇرىپتاپ, ءوندىرىس ورنىنا جىبەرۋ مىندەتىنە قوجالىقتار ءمىنسىز كىرىسكەن. سوندىقتاندا قابىلداۋ الاڭىنداعىلار تاڭەرتەڭنەن باستاپ, ءتۇننىڭ ءبىر ۋاعىنا دەيىن جۇمىس قارقىنىن باسەڭدەتپەۋدە. پۋنكت ءبىر كۇننىڭ ىشىندە 3 مىڭ تونناعا دەيىن قىزىلشا قابىلداۋعا قاۋقارلى بولسا, كاسىپورىن ءقازىر تولىق قۋاتتى كۇشىندە جۇمىس جاساپ تۇر.

قىزىلشامەن اينالسۋشىلارعا جىلداعىداي بيىل دا كومەكقارجى بەرىلەدى. زاۋىتپەن كەلىسىمشارت تا جاسالىپ, ەندى وتكەن جىلداعىداي ەمەس, كەشىكتىرمەي تولەۋ جاعى جولعا قويىلعان.

جالپى مەركى اۋدانى بويىنشا بيىل 1871 گەكتار جەرگە قىزىلشا ەگىلسە, ءقازىر بالتامىرداعى بارلىق القابىندا تىرشىلىكتىڭ تايقازانى قايناپ تۇر. ءونىمدى جيناپ الۋ ناۋقانى ايدىڭ سوڭىنا دەيىن جالعاسادى دەپ كۇتىلۋدە.

شىندىعى كەرەك, وسىدان بەس جىلداي بۇرىن قولعا الىنعان شارۋانىڭ شاپاعاتىن بارلىق شارۋالار كورىپ جاتىر. باستاپقى جىلدارى 6-7 مىڭ گەكتار جەرگە قىزىلشا وتىرعىزىلسا, بۇگىندە ەگىستىك كولەمى 10 مىڭ گەكتارعا دەيىن ۇلعايعان. ال وبلىس اكىمى اسقار مىرزاحمەتوۆتىڭ تىكەلەي باستاماسىمەن بيىل قىزىلشا تۇقىمى قوجالىقتارعا دەر كەزىندە جەتكىزىلىپ, قانت زاۋىتتارىمەن ءونىمدى جوعارى باعامەن قابىلداۋ جونىندە مامىلە بەكىتىلدى. سونىڭ ارقاسىندا اعىمداعى جىلى ديقانشىلار ءونىمدى قايدا وتكىزەمىز دەپ قينالماۋدا. تەك دالا توسەنىنەن دەر كەزىندە جيناپ الىپ, قانت زاۋىتىنا جەتكىزسە بولعانى. بۇل ۇدەدەن ءقازىر جامبىلدىق شارالار تولىقتاي شىعۋدا.

"قامشى" سىلتەيدى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر