مالدى اسىلداندىرۋ ماڭىزدى مىندەت

ەلباسى «؛100 ناقتى قادام»؛ ۇلت جوسپارىندا اسىراۋشى سالانىڭ ەل ەكونوميكاسىنىڭ نەگىزگى درايۆەرىنە اينالدىرۋدىڭ ماڭىزدىلىعىنا توقتالدى. جانە مال ەتىنىڭ ەكسپورتالۋىنا اسى كوڭىل ءبولدى. بۇگىندە بۇل باعىتتا جاسالىپ جاتقان جۇمىستار از ەمەس. قاسيەتتى اۋليەاتا توپىراعىندا ءىرى قارالاردى اسىلداندىرۋ ايرىقشا قارقىن الۋدا دەپ جازادى qamshy.kz اقپارات اگەنتتىگى. جاسىراتىنى جوق, جامبىلدىق شارۋالار ءمۇيىزدى ءىرى قارا تۇقىمىن اسىلداندىرۋ باعىتىن كەشەندى جوسپارلاردى جۇزەگە اسىرۋدا. قازىرگى تاڭدا مەملەكەت قولداۋىنا ارقا سۇيەگەن شارۋاشىلىقتار ەت جانە ءسۇت باعىتىندا مال باسىن كوبەيتۋدى مىقتاپ قولعا العان.

ماسەلەن جۋالى اۋدانى بيلىكول اۋىلىندا ء«؛سابيت»؛ شارۋا قوجالىعى اسىل تۇقىمدى شارۋاشىلىقتى دامىتۋعا نيەت ءبىلدىرىپ, باتىل قادامعا بارىپ وتىر. شارۋا قوجالىعى سوڭعى جىلدارى اسىل تۇقىمدى مال شارۋاشىلىعىن دامىتۋ جۇمىستارىمەن ەرەكشە كوزگە تۇسۋدە. بۇگىندە اۋىل ماڭىنداعى بوس جاتقان جەردەن شاعىن شارۋاشىلىعىن اشىپ, وندا ەت باعىتىنداعى سيىردى كۇتىپ, باپتاپ وتىر. وسىدان ەكى شارۋانىڭ قولىندا بار ءىرى قارالار قاراپايىم قازاقى تۇقىم بولعان. ءقازىر جاپپاي اسىلداندىرۋدىڭ ارقاسىندا مالدىڭ سالماعى ارتىپ, تۇقىمى ىرىلەنگەن. «؛جالپى, ەڭبەك ەتەمىن دەگەن ادامعا ءقازىر مۇمكىندىك تە, جاعداي دا جەتكىلىكتى»؛ دەيدى شارۋانىڭ ءوزى.

شارۋاشىلىقتا كوبىنە اۋىلدىڭ ازاماتتارى ەڭبەك ەتەدى. جۇمىستارىنا قاراي الاتىن ايلىقتارى دا قوماقتى. ونىڭ ءبىرى سيىر مالىن جايسا, ەندى ءبىرى قوي باعىپ ءجۇر. ال, وسىندا ەكى جىلدان استام جۇمىس ىستەيتىن رۋسلان قۋاتوۆتىڭ نەگىزگى ءىسى سيىر قاراۋ ەكەن. ول وسىندا جۇمىس ىستەۋ ارقىلى وزىندە دە مال جيناپ جاتقانىن ايتادى. سيىرشىنىڭ شارشاماي بەس- التى جىل ەڭبەك ەتسەم ءوز الدىما ءبولىنىپ شىعامىن دەگەن دە ويى بار.

شارۋاشىلىق الداعى ۋاقىتتا مال باسى سانىن بۇدان دا ارتتىرىپ, اۋىل ماڭىنان مال بورداقىلاۋ كەشەنىن اشۋدى جوسپارلاپ وتىر. ول ءۇشىن مەملەكەت تاراپىنان قولداۋ دا بارشىلىق. جالپى, بيلىكول اۋىلى جۋالى اۋدانىنداعى مال باسى سانى ەڭ كوپ ەلدى مەكەن ەكەنىن بۇگىندە بار ستاتيستيكا راستاپ وتىر.

مەملەكەت تاۋارلى ءسۇت فەرمالارىن قۇرىپ, ەت ونىمدەرىن ەسەلەۋگە باسىمدىق بەرىپ وتىرعانى وسىنداي شارۋالاردىڭ تىرلىگىنەن كورىنىس تابادى. سوندىقتان بۇل باعىتتاعى جۇمىستار جامبىل جەرىندە قوسالقى شارۋاشىلىق ارقىلى كەشەندى دامي ءتۇسىپ, ءوز جەمىسىن ەسەلەپ بەرەتىندىگىنە بەك سەنىمدىمىز.