340 مىڭ كوپبالالى وتباسى جاڭا جاردەماقى الادى

قازاقستان رەسپۋبليكاسى ەڭبەك جانە حالىقتى الەۋمەتتىك قورعاۋ مينيسترلىگى ماماندارىنىڭ بولجامى بويىنشا 4 نەمەسە ودان كوپ بالاسى بار 340,3 مىڭ وتباسى كوپبالالى بولۋىنا بايلانىستى مەملەكەتتىك جاردەماقىعا ۇمىتكەر بولا الادى. ايتا كەتەرلىگى, اتالعان جاردەماقى ەنگىزىلگەننەن باستاپ قازاقستانداعى كوپبالالى وتباسىلار سانىنىڭ ارتۋىنا بايلانىستى الۋشىلار سانى دا ارتۋى مۇمكىن.

اتالعان مەملەكەتتىك جاردەماقىنى ەنگىزۋ مەملەكەت باسشىسىنىڭ اعىمداعى جىلعى 2 قىركۇيەكتەگى قازاقستان حالقىنا جولداۋىندا ايتىلعان تاپسىرماسى بويىنشا قر ەڭبەكمينى ازىرلەگەن اتاۋلى الەۋمەتتىك كومەك كورسەتۋدىڭ جاڭا تەتىكتەرىندە كوزدەلگەن تابىسى از جانە كوپبالالى وتباسىلاردى قولداۋدىڭ نەگىزگى ءۇش باعىتىنىڭ ءبىرى. تاياۋدا قر ەڭبەكمينى ءتيىستى زاڭ جوباسىن قازاقستان رەسپۋبليكاسى پارلامەنتىنىڭ قاراۋىنا ەنگىزۋدى جوسپارلاپ وتىر.

جوعارىدا اتالعان مەملەكەتتىك جاردەماقى 4 نەمەسە ودان دا كوپ كامەلەتكە تولماعان نەمەسە 23 جاسقا دەيىنگى كۇندىزگى بولىمدە وقيتىن بالالارى بار بارلىق كوپبالالى وتباسىلارعا تابىسىنا قاراماستان تولەنەدى دەپ جوسپارلانۋدا. مەملەكەتتىك جاردەماقىنىڭ مولشەرى بالا سانىنا قاراي سارالانادى. ياعني, 4 بالاسى بار وتباسىلارعا 42 500 تەڭگە, 5 بالاعا &ndash؛ 53 125 تەڭگە, 6 بالاعا &ndash؛ 63 750 تەڭگە, 7 جانە ودان دا كوپ بالالارعا 74 375 تەڭگە تولەنەدى.

ورتا ەسەپپەن العاندا, جاردەماقى مولشەرى ءار بالاعا 10-11 مىڭ تەڭگەنى قۇرايدى, بۇل 2018 جىلدان باستاپ تاعايىندالمايتىن وسىعان ۇقساس جاردەماقىدان 4-7 ەسەگە كوپ.

ايتا كەتەرلىگى, قازاقستاندا بۇگىندە بالا سانى 7-دەن اساتىن 3151 وتباسى بار. «؛التىن القا»؛, «؛كۇمىس القا»؛ القالارىمەن ماراپاتتالعان نەمەسە بۇرىن «؛باتىر انا»؛ اتاعىن العان جانە «؛انا داڭقى»؛ وردەنىمەن ماراپاتتالعان كوپبالالى انالارعا جەكە مەملەكەتتىك جاردەماقى تولەنەدى, ولاردىڭ ورتاشا مولشەرى 16 160 تەڭگەنى قۇرايدى. اعىمداعى جىلعى 1 قازانداعى جاعداي بويىنشا ونى 235 مىڭعا جۋىق ادام الادى. بۇل مەملەكەتتىك جاردەماقىنىڭ تولەنۋى ساقتالا بەرمەك.

بۇدان بۇرىن حابارلانعانداي, اعىمداعى جىلعى 7 قازاندا قر ۇكىمەتى وتىرىسىندا ەڭبەك جانە حالىقتى الەۋمەتتىك قورعاۋ ءمينيسترى ءبىرجان نۇرىمبەتوۆ قازاقستاندا 2020 جىلعى 1 قاڭتاردان باستاپ ەنگىزۋ جوسپارلانىپ وتىرعان ااك كورسەتۋدىڭ جاڭا تەتىكتەرىن تانىستىرعان بولاتىن.

«؛ەڭ باستى پرينسيپ ­؛&ndash؛ مەملەكەت كومەككە مۇقتاج ادامدارعا, اسىرەسە بالالار مەن كوپبالالى وتباسىلارعا كومەكتەسەدى! ەڭبەككە قابىلەتتى ازاماتتار جۇمىس ىستەۋى كەرەك. مەملەكەت جۇمىسقا ورنالاسۋعا نەمەسە شاعىن بيزنەسپەن اينالىسۋعا كومەكتەسەدى. مەملەكەتتىك كومەككە &ndash؛ كوپ بالالى وتباسىلاردى قولداۋ, تابىسى تومەن وتباسىلارعا اتاۋلى الەۋمەتتىك كومەك كورسەتۋ, تابىسى از وتباسىلارداعى بالالارعا بەرىلەتىن كەپىلدەندىرىلگەن الەۋمەتتىك پاكەت كىرەدى»؛, &ndash؛ دەدى ءبىرجان نۇرىمبەتوۆ.

مينيستردىڭ ايتۋىنشا, كوپبالالى وتباسىلارعا قولداۋ كورسەتۋ رەسپۋبليكالىق بيۋدجەتتەن مەملەكەتتىك جاردەماقىلار ەنگىزۋ ارقىلى قامتاماسىز ەتىلەتىن بولادى. بۇل مەملەكەتتىك جاردەماقى بارلىق كوپبالالى وتباسىلارعا (4 نەمەسە ودان دا كوپ كامەلەتكە تولماعان بالاسى بار) تابىسىنا قاراماستان تولەنەدى.

ااك تابىسى از وتباسىلارعا, سونىڭ ىشىندە كوپبالالى وتباسىلارعا تولەنەتىن بولادى. ەڭ تومەن كۇنكورىس دەڭگەيىنىڭ 70%-ى تاعايىنداۋدىڭ شەكتى كريتەرييى بولىپ قالا بەرەدى. ەگەر ەڭبەككە قابىلەتتى وتباسى مۇشەسى ۇسىنىلعان جۇمىستان جانە جۇمىسپەن قامتۋعا جاردەمدەسۋ شارالارىنان باس تارتسا, وندا ااك تولەمى تەك وعان عانا ەمەس, بۇكىل وتباسىنا دا توقتاتىلادى

تابىسى از وتباسىلاردان شىققان بالالار ءۇشىن كەپىلدەندىرىلگەن الەۋمەتتىك پاكەتتى ەنگىزۋ ۇسىنىلادى. 1 جاستان 6 جاسقا دەيىنگى بالالاردى ازىق-تۇلىك جيىنتىعىمەن جانە گيگيەنالىق قۇرالدارمەن, 6 جاستان 18 جاسقا دەيىنگى بالالاردى مەكتەپتەردە ىستىق تاماقپەن, وقۋ قۇرالدارىمەن جانە مەكتەپ كيىمىمەن قامتاماسىز ەتەدى, سونداي-اق ولارعا مەكتەپكە دەيىنگى جول ءجۇرۋ شىعىندارى وتەلەدى. مەديسينالىق, ونىڭ ىشىندە ستوماتولوگيالىق كومەك 18 جاسقا دەيىنگى بالالارعا تەگىن مەديسينالىق كومەكتىڭ كەپىلدىك بەرىلگەن كولەمى جانە مىندەتتى الەۋمەتتىك مەديسينالىق ساقتاندىرۋ شەڭبەرىندە كورسەتىلەتىن بولادى.

 ؛