ساراپشىلار جولداۋدىڭ جۇزەگە اسىرىلۋىن تالقىلادى

شقو كوكپەكتى اۋدانىندا دوڭگەلەك ۇستەل ۇيىمداستىرىلىپ, مەملەكەت باسشىسى قاسىم-جومارت توقاەۆتىڭ جولداۋىندا ايتىلعان نەگىزگى باعىتتار تالقىلاندى.

قر پرەزيدەنتى جانىنداعى ۇلتتىق قوعامدىق سەنىم كەڭەسىنىڭ مۇشەسى, بەلگىلى ساياساتتانۋشى ەرلان سايروۆ جولداۋدا ايتىلعان باسىم باعىتتاردى اتاپ ءوتتى. ونىڭ ىشىندە شەكارالىق اۋدانداردىڭ دامۋى, كوپبالالى انالاردى باسپانامەن قامتاماسىز ەتۋ, جاستارعا ساپالى ءبىلىم بەرۋ, ادامي كاپيتالدى دامىتۋ بار.

&ndash؛ پرەزيدەنتتىڭ جولداۋى ايماقتاردى وركەندەتۋگە باعىتتالعان. قازاقستان تۇرعىندارىنىڭ 42 پايىزى اۋىل-ايماقتاردا تۇرادى. سوندىقتان اۋىلدارداعى الەۋمەتتىك جاعدايدى جاقسارتۋ ءۇشىن ەكونوميكالىق جانە قارجىلىق ينفراقۇرىلىمدى دامىتۋ ماقساتىندا اتقارىلاتىن جۇمىستار لەگى كوپ. بۇل &ndash؛ ؛قازاقستاندىق كاپيتال ءۇشىن اسا ماڭىزدى. سول سەبەپتەن ءبىز اۋىل تۇرعىندارىنىڭ جاعدايىن جالپىرەسپۋبليكالىق دەڭگەيگە جەتكىزۋىمىز قاجەت. سوندا اۋىلدا تۇرامىن دەۋشىلەردىڭ قاتارى ارتادى. بۇل سۇراقتار ۇلتتىق كەڭەستە قارالدى. اۋىل شارۋاشىلىعىن دامىتۋ ماقساتىندا ءارتۇرلى جۇمىستار قولعا الىنۋدا, ؛&ndash؛ دەي كەلە ؛&ndash؛ پرەزيدەنت جولداۋىندا پەداگوگتاردىڭ ستاتۋسىن كوتەرۋ تۋرالى ايتىلعان. ويتكەنى بولاشاق ۇرپاقتى تاربيەلەيتىن ۇستازدار قاۋىمىنا جاعداي جاسالۋى ءتيىس.

دوڭگەلەك ۇستەلگە قوعامداستىقتاردىڭ وكىلدەرى, مەملەكەتتىك ورگاندار, بيزنەسمەندەر قاتىسىپ, قاسىم-جومارت توقاەۆتىڭ جولداۋدى قوعامنىڭ تالابىنا سايكەس كەلەتىنىن, سونداي-اق ەل تۇرعىندارىنىڭ تۇرمىس-تىرشىلىگىن ساپالى ەتۋگە باعىتتالعانىن اتاپ ءوتتى.

ەرلان سايروۆ اۋىل تۇرعىندارىنا شاعىن جانە ورتا بيزنەستى دامىتۋ, اۋىلداعى ماسەلەلەردى شەشۋدىڭ جولدارى تۋرالى كەڭىنەن ءتۇسىندىرىپ بەردى. سونداي-اق ەرلان سايروۆ اۋىل تۇرعىندارىنا الەۋمەتتىك قولداۋ كورسەتىلەتىنىن اتاپ ءوتتى.