جۇمىس بەرۋشىلەر قاراماعىنداعى قىزمەتكەرلەرگە سكرينينگتەن ءوتۋ ءۇشىن بەس كۇن الەۋمەتتىك دەمالىس بەرۋگە مىندەتتەلەدى. بۇل تۋرالى بۇگىن دەنساۋلىق ساقتاۋ ءمينيسترى ەلجان ءبىرتانوۆ ايتتى دەپ حابارلايدى ؛qamshy.kz اقپارات اگەنتتىگى ؛sputnik قازاقستان ؛سايتىنا سىلتەمە جاساپ.
جۇمىس بەرۋشىلەردىڭ ادامداردىڭ دەنساۋلىعىن ساقتاۋداعى جاۋاپكەرشىلىگىن كۇشەيتۋ ماقساتىندا قول استىنداعى قىزمەتكەرلەرىنە سكرينينگتەن ءوتۋ ءۇشىن مىندەتتى الەۋمەتتىك دەمالىس بەرۋ كوزدەلىپ وتىر. جاڭا نورما "حالىق دەنساۋلىعى جانە دەنساۋلىق ساقتاۋ جۇيەسى تۋرالى" كودەكس جوباسىندا جازىلعان.
"بارلىق ازاماتتىڭ تەگىن سكرينينگتەن وتۋگە قۇقىعى بار. سوندىقتان جۇمىس بەرۋشىلەر ءوز جۇمىسشىلارىنا اقىسى تولەنەتىن دەمالىس بەرۋگە مىندەتتى. ەگەر الەۋمەتتىك دەمالىس بەرۋدەن باس تارتسا, وندا جۇمىس بەرۋشىگە ايىپپۇل سالىنادى", - دەدى ءبىرتانوۆ ءماجىلىس كۋلۋارىندا.
مينيستر الەۋمەتتىك دەمالىس بەس كۇندى قۇرايتىنىن جانە ول قازىرگى ەڭبەك دەمالىسىنان بولەك بەرىلەتىنىن ناقتىلادى.
ەگەر جۇمىس بەرۋشى الەۋمەتتىك دەمالىس بەرمەسە, قازاقستاندىقتار ەڭبەك جانە دەنساۋلىق ساقتاۋ مينيسترلىكتەرىندەگى قۇزىرلى ورگاندارعا شاعىمدانا الادى.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر