17 قازان, 2019 news
قازاقستان بالا ءولىمى جونىنەن الدىڭعى ورىندا
الەمدە بالا ءولىمى بويىنشا ءۇندىستان (882 مىڭ بالا) العاشقى ورىندا تۇر. ۇشتىككە نيگەريا (866 مىڭ ) مەن پاكىستان (409 مىڭ) كىرگەن.
2018 جىلى ەلدە 5 جاسقا دەيىنگى ءتورت مىڭعا جۋىق بالا قايتىس بولعان, دەپ جازادى energyprom.kz.
ەاەو ەلدەرى اراسىندا 5 جاسقا دەيىنگى بالالار ءولىمى جونىنەن رەسەي (13 مىڭ) كوش باستاپ تۇر. ەكىنشى ساتىداعى قازاقستاندا بىلتىر 4 مىڭ بالا ءولىمى تىركەلگەن. ودان كەيىنگى ورىنداردا قىرعىزستان (3 مىڭ), ارمەنيا (1 مىڭ), بەلارۋس (1 مىڭعا جەجۋىق) ورنالاسقان.
قايتىس بولعاندار ىشىندەگى 3,2 مىڭ بالانىڭ جاسى 1-گە كەلمەگەن. بالا ءولىمى وقيعالارىنىڭ 51 پايىزى پەريناتالدىق كەزەڭدە ورىن الىپتى. 19,8 پايىزىنا ءتۋابىتتى كەمىستىكتەر, 6,2 پايىزىنا تىنىس مۇشەلەرىنىڭ سىرقاتى, 4,8 پايىزىنا باقىتسىز جاعدايلار, 4,7 پايىزىنا ينفەكسيالىق جانە پارازيتتىك سىرقاتتار, 1 پايىزىنا تاماق قورىتۋ ورگانى اۋرۋلارى سەبەپ.
سونداي-اق بالالار دەنساۋلىعىنا دۇرىس تاماقتانباۋ دا كوپ كەسىرىن تيگىزىپ وتىرعانى بايقالادى. ەلدەگى 5 جاسقا دەيىنگى ءار ون بالانىڭ بىرىندە ارتىق سالماق كەزدەسەدى. 2 جاسقا دەيىنگى بالالاردىڭ 21 پايىزىنا جەمىس-شيدەك پەن كوكەنىس جەتىسپەيدى.
الەمدە بالا ءولىمى بويىنشا ءۇندىستان (882 مىڭ بالا) العاشقى ورىندا تۇر. ۇشتىككە نيگەريا (866 مىڭ ) مەن پاكىستان (409 مىڭ) كىرگەن.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
ۇسىنىلعاندار
پىكىر قالدىرۋ
پىكىر