سەناتور دانا نۇرجىگىتكە ەسكەرتۋ جاسادى

سەناتتىڭ بۇگىنگى وتىرىسىندا دەپۋتات دانا نۇرجىگىت اۋىل شارۋاشىلىعى سالاسىنداعى كرەديتتەر جايىندا ايتا كەلە, حالىقتىڭ ول اقشانى "قۇدايى بەرىپ, قۇدا شاقىرۋعا" جۇمسايتىنىن ايتقان ەدى.

سەناتور ءالي بەكتاەۆ دانا نۇرجىگىتكە ەسكەرتۋ جاساپ, اۋىل حالقىنا باسقاشا قاراۋعا كەڭەس بەردى. بۇل تۋرالى ؛qamshy.kz اقپارات اگەنتتىگى حابارلايدى.

"نەگىزى, مەن سويلەيمىن دەگەن ويىم دا بولعان جوق ەدى. ءبىراق بۇگىن قويىلعان ءبىراز سۇراق پەن جاۋاپ تۇرتكى بولىپ وتىر. بىرىنشىدەن, ايتايىن دەگەنىم, اۋىلدىڭ تۇرعىندارىنا ساۋاتى تومەن, قارجىنى قالاي بولسا, سولاي جۇمسايتىن حالىقتىڭ ءبىر بولىگى دەپ قاراۋدى قويۋ كەرەك. قۇدايعا شۇكىر, قازىرگى ۋاقىتتا اۋىل تۇرعىندارىنىڭ ساۋاتى دا جاقسى, الىپ جاتقان قارجىسىن دا وندىرىسكە جۇمساپ جاتىر. اۋىلدىڭ مالى دا, جانى دا ءوسىپ جاتىر. الىپ جاتقان قارجىسى شەتكە كەتىپ جاتقان جوق", &ndash؛ دەدى بەكتاەۆ.

وسى ورايدا سەناتور ءوزىنىڭ ارىپتەسى دانا نۇرجىگىتتىڭ پىكىرىمەن كەلىسپەيتىنىن جەتكىزدى.

"مۇمكىن, جاڭاعىداي قۇدالىققا, بولماسا, قۇدايىعا جۇمسالىپ جاتقان جاعدايلار بار شىعار. ءبىراق ونداي جاعدايلار قالادا دا بار. قالانىڭ ادامدارى دا نەسيە الىپ, باسقا ماقساتقا جۇمساپ جاتىر. ونداي جاعدايلار وتە كوپ. ول ماسەلەلەرمەن قارجى ينستيتۋتتارى, بولماسا, قارجى ورگاندارى جۇمىس جاساۋى كەرەك. ونىڭ باسىن اشىپ, كەرەك ادامداردى جاۋاپقا تارتسىن. ال, ەندى, اۋىلدىڭ تۇرعىندارى وسىنداي دەپ, باعا بەرۋگە بولمايدى دەپ ەسەپتەيمىن",  ؛&ndash؛ دەدى بەكتاەۆ.

دەپۋتات اۋىل تۇرعىندارىن قولداۋدىڭ ەكى جولى بار ەكەنىن ايتتى. ءبىرىنشىسى, ول &ndash؛ سۋبسيديا, ەكىنشىسى &ndash؛ جەڭىلدەتىلگەن نەسيەلەر.

"جەڭىلدەتىلگەن نەسيە بەرۋ سالاسىندا دا شەشىلمەگەن پروبلەمالار كوپ. مىسالى, اۋىل تۇرعىندارىنىڭ الىپ جاتقان نەسيەسىنە قويىلاتىن پايىزدىق ستاۆكالار وتە جوعارى دەپ ەسەپتەيمىز. اۋىل تۇرعىندارى وسى قارجى ينستيتۋتتارى بيۋدجەتتەن ول قارجىنى 0,01 پايىزبەن الادى دا, نەگە بىزگە 7 پايىزبەن بەرەدى دەپ سۇرايدى. بۇگىندە بىزدە وسى سۇراقتارعا جاۋاپ جوق. بۇل ماسەلەنى بىرنەشە رەت كوتەردىك. ءبىراق قارجى ورگاندارى ءتۇرلى سەبەپتەرمەن الداۋسىراتىپ كەلەدى", &ndash؛ دەپ اتاپ كورسەتتى بەكتاەۆ.

 ؛

 ؛

 ؛

 ؛

 ؛