"؛ۇكىمەتكە قانداي ەسەپ بەرەسىڭ؟"؛

سەناتور دانا نۇرجىگىت حالىقتىڭ قارجىلىق ساۋاتتىلىعىن كوتەرمەي, كرەديت بەرۋگە بولمايتىن ايتتى, دەپ حابارلايدى ؛qamshy.kz اقپارات اگەنتتىگى ؛sputnik قازاقستان ؛سايتىنىڭ دەرەگىن نەگىزگە الىپ. ؛

سەناتتىڭ بۇگىنگى وتىرىسىندا دەپۋتات اۋىل شارۋاشىلىعى سالاسىندا كرەديت بەرۋ ماسەلەسىنە توقتالدى. وسى ورايدا نۇرجىگىت جاقىندا "دامۋ" قورىندا جۇمىس ىستەيتىن جۋرناليست ارىپتەسىمەن كەزدەسىپ, سويلەسكەنىن جەتكىزدى. ول كىسى "دامۋ" قورىنا تۇسەتىن سۇراقتارمەن اينالىسادى. ءسويتىپ, تىكەلەي حالىقپەن جۇمىc ىستەيدى. وسى ماماننىڭ سوزىنە قاراعاندا, حالىقتىڭ قارجىلىق ساۋاتتىلىعى وتە تومەن. ال سۇراقتاردىڭ باسىم بولىگى جەكە باستىڭ شارۋاسىنان اسپاي جاتادى.

"تەك "مەن نەسيە الا الامىن با؟", "مەن وسىعان دەيىنگى نەسيەلەردى سىزدەر ارقىلى جابا الامىن با؟" دەگەن سياقتى سۇراقتاردىڭ اياسىنان شىقپايدى ەكەن. سوسىن "ورلەۋ", "باستاۋ" سياقتى باعدارلامالار بويىنشا قارجى الدىم, بيزنەس باستايتىن بولدىم دەپ اقشانى الادى, ال كەيىن ۇيىنە جوندەۋ جۇمىستارىن جۇرگىزىپ, يا بولماسا, قۇدايى بەرىپ, قۇدا شاقىرىپ, سونداي ءوزىنىڭ جەكە باسىنىڭ شارۋالارىنا اقشانى جۇمساپ جىبەرەدى ەكەن. "ال ۇكىمەتكە قانداي ەسەپ بەرەسىڭ؟ قالاي ەسەپ بەرەسىڭ؟ "دەسە, كورشىنىڭ بۇزاۋىن اكەلىپ, كورسەتە سالامىن دەپ, اقشانى دالاعا شاشقان بولىپ شىعادى. ", - دەيدى نۇرجىگىت.

دەپۋتاتتىڭ ويىنشا, حالىقتىڭ قارجىلىق ساۋاتتىلىعىن كوتەرمەي, اقشانى ءبولۋدىڭ قاجەتى جوق.

"قارجىلىق ساۋاتتىلىقتى كوتەرمەي, اۋىل شارۋاشىلىعىنداعى بيزنەس باستاۋ جوبالارىن ءجىتى باقىلاماي, ناقتى سۇراقتاردى قويا بىلەتىن ادامدار الدىنا كەلمەي, اقشانى ءبولۋدىڭ قاجەتى جوق دەپ ويلايمىن. مىنە, وسىعان ءجىتى نازار اۋدارىلسا ەكەن دەيمىن", - دەپ اتاپ كورسەتتى نۇرجىگىت.