بۇۇ حاتشىسىنىڭ ورىنباسارى: يادرولىق سوعىستىڭ باستالۋىنا ەكى مينۋت جەتىپ جاتىر

عىلىم مەن جاڭا تەحنولوگيا دامىعان سايىن الەمدە يادرولىق سوعىستىڭ ءقاۋپى ارتا تۇسۋدە. بۇنىڭ سەبەبى مەن سالدارى جونىندە "كوممەرسانت" باسىلىمىنا بەرگەن سۇحباتىندا بۇۇ باس حاتشىسىنىڭ قارۋسىزدانۋ ماسەلەلەرى جونىندەگى ورىنباسارى يزۋمي ناكاميسۋ ءسوز قوزعادى. ؛

- مەملەكەتتەر اراسىندا, ونىڭ ىشىندە يادرولىق دەرجاۆالار اراسىنداعى سەنىم جوعالىپ بارادى. ءوزارا ديالوگتىڭ بولماۋى, الپاۋىت ەلدەر اراسىنداعى عىلىم مەن جاڭا تەحنولوگيانىڭ دامۋىنداعى قىزۋ باسەكەلەستىك ارتا تۇسكەندىكتەن دە الاڭداۋعا نەگىز بار, - دەدى.

- كوپتەگەن اناليتيكالىق ۇيىمدار, قارۋ-جاراقتى باقىلاۋ جونىندەگى ساراپشىلار يادرولىق قاراما-قايشىلىقتىڭ ءوسىپ كەلە جاتقان ءقاۋپى تۋرالى كوپ ايتىپ ءجۇر. يادرولىق سوعىستىڭ باستالۋىنا ەكى مينۋت جەتىپ جاتىر. قيامەت قايىم ورنايدى, - دەدى ناكاميسۋ. ؛

- جەتەكشى دەرجاۆالار ديپلوماتيا مەن كەلىسسوزگە قاراعاندا, اسكەري كۇشكە كوپ سەنىم ارتاتىن سياقتى, - دەدى بۇۇ حاتشىسىنىڭ ورىنباسارى.