«قازاقستاننىڭ ۇزدىك تاۋارى-2019» كورمە-بايقاۋىنا ماڭعىستاۋلىق اسەم وتەپوۆا قاتىستى

26 جاستاعى جاس ديزاينەر, شەبەر اسەم وتەپوۆا «؛asem andrei»؛ برەندىنىڭ جەتەكشىسى. جەكە كاسىبىن وتكەن جىلى باستادى. از ۋاقىت ىشىندە ءبىرقاتار بايقاۋلارعا قاتىسىپ, ءوزىنىڭ قايتالانباس تۋىندىلارىمەن كوپشىلىكتىڭ كوز قۋانىشىنا اينالىپ ۇلگەردى. ءسويتىپ تامىز ايىندا اقتاۋ قالاسىندا وتكەن «؛قازاقستاننىڭ ۇزدىك تاۋارى»؛ وڭىرلىك كورمە-بايقاۋىنا ءوز جۇمىستارىن قويدى. وندا «؛حالىق تۇتىناتىن ۇزدىك تاۋارلار»؛ اتالىمىندا ؛ جك «؛asem andrei»؛ توپ جارىپ, نۇر-سۇلتان قالاسىنداعى رەسپۋبليكالىق دوداعا جولداما العان ەدى.

نۇر-سۇلتانعا جاس شەبەر ماڭعىستاۋلىق 8 كومپانيانىڭ ءبىرى رەتىندە, ۇلكەن دايىندىقپەن باردى. قىز جاساۋى, ۇلتتىق كيىمدەر توپتاماسىن قازىلار القاسىنىڭ الدىنا ۇسىندى. جۇلدەگەرلەر جەلتوقسان ايىندا مەملەكەت باسشىسىنىڭ قولىنان ماراپات الادى دەپ جوسپارلانعان.

اسەمنىڭ جۇمىستارىنىڭ باسقالاردان ەرەكشەلىگى- ەسكى جادىگەرلەردەگى ويۋ-ورنەك, تاڭبالاردى زاماناۋي باعىتتا پايدالانۋ. ماسەلەن, ەجەلگى تاستاعى تاڭبالاردى كاجەكەي, كامزول سىندى ۇلتتىق كيىمدەرگە سالۋدى قازاقستاندا العاش بوپ اسەم باستاعان.

-«؛تاستاعى تاڭبالى جازۋلاردى كيىمگە سالۋ ءادىسىن ويلاپ تاپقان ەدى. كەيىن الماتىلىق ديزاينەرلەر پالتوعا كوشىرىپ باسقانىن بايقاپ ءجۇرمىز. ارناي قۇجاتتارمەن زاڭداستىرىپ الماعان سوڭ, الا بەرسىن دەيمىز. اسەمنىڭ يدەياسىمەن العاش جاسالعان دۇنيەلەردى كەيبىرەۋلەر رۇقسات سۇراپ, پايدالانىپ جاتاتىندار دا كەزدەسەدى. سوندىقتان دا بىلگەنىن ۇيرەتۋ ءۇشىن شەبەرلىك ساعاتتارىن جۇرگىزە باستادى»؛,- دەيدى جەكە كاسىپكەردىڭ اكىمشىسى ءارى تۋىسى سۆەتلانااندرەيقىزى.

اسەمنىڭبويىنا قولونەر, تىگىن ءىسى اجەسى مەن اناسىنان دارىعان. بالا كەزدە وسى ەكى اقىلشىسىنا ەلىكتەپ, ىنە-جىبىن قولىنان تاستامادى. ءبىراق ونى قوسىمشا كاسىبىم دەپ قابىلداپ, ءىت ماماندىعى بويىنشا جوعارعى وقۋ ورنىن, سونان سوڭ ماگيستراتۋرانى ءبىتىردى. ءبىراق بالا كەزگى سۇيىكتى ىسىنە اڭسارى اۋدى دا تۇردى. ءسويتىپ بىلتىر قاراعاندىلىق شەبەردەن قىز جاساۋىن تىگۋدى جەتىك مەڭگەرىپ, ءوز كاسىبىن اشتى. تاپسىرىس كۇن ساناپ ارتا ءتۇستى. ءقازىر شەبەر 5 ادامدى جۇمىسپەن قامتىپ وتىر. ايىنا ورتا ەسەپپەن 20 شاقتى تاپسىرىس قابىلدايدى. ءوز قولدارىنان شىققان كورپەلەر, جاستىقتار, قىزدىڭ تۇگەل جاساۋى, شىمىلدىق, كامزول, كاجەكەي, كويلەكتەر, سىرعا سالۋ جابدىعى, بەسىك جاساۋلارىنا تاپسىرىس تولاستاعان ەمەس. ولارعا ساپالى ماتالار تاڭداپ الىنادى. نەگىزىنەن ماقپال, بارقىت, جىبەك سياقتى قۇندى ماتالارمەن تىگىلەدى. سونان سوڭ, سىرىلىپ تىگىلىپ, مونشاق, ويۋلارمەن كومكەرىلەدى. ءقازىر كەۋدەگە تاعاتىن مونشاقتالىپ, ۇكىلەنگەن بروشتار ۇلكەن قىزىعۋشىلىق تۋدىرىپ وتىر.

-«؛بروشتاردى ۇساق مونشاقتار, ۇكى, اشەكەيمەن بەزەندىرىپ كيىمگە تاعۋدى ءوزىم ويلاپ تاپتىم. سونداي-اق, سىرعا سالۋ سالتى كەزىندە ارۋعا توسەلەتىن ادەمى كورپە مەن سىرعا سالۋعا ارنالعان ساۋكەلە پىشىندەس قوبديشانى قوسارلى جابدىق رەتىندە شىعارۋ يدەياسى تۋىپ, ۇلكەن سۇرانىسقا يە بولدى. تاستاعى تاڭبالاردى جاڭعىرتىپ, سانگە اينالدىرىپ, نەگە كيىمگە سالماسقا دەگەن وي كەلدى. بۇل دا ءساتتى شىققان دۇنيە بولدى»؛,- دەيدى «؛asem andrei»؛ برەندىنىڭ يەسى اسەم وتەپوۆا.

جاس شەبەردىڭ قولىنان شىققان بۇيىمدار ماڭعىستاۋ وبلىسىن ايتپاعاننىڭ وزىندە, اتىراۋ, الماتى, تاراز, بالقاش وڭىرلەرىنەن سۇرانىسقا يە. ؛ كوپتەگەن ايماقتاردان قولونەردى ۇيرەنگىسى كەلەتىندەر قاتارى ارتقان سوڭ شەبەرلىك ساعاتىن وتكىزۋدى باستادى. ءقازىردىڭ وزىندە نۇر-سۇلتان, الماتى, اتىراۋ, اقتوبە قالالارىن بارىپ شەبەرلىگىمەن ءبولىسىپ, جاڭا شەبەرلەردىڭ شىعۋىنا ات سالىسىپ ءجۇر. ولاردىڭ كوبىسى ءوز اۋىلدارىندا جەكە كاسىبىن باستاپ كەتكەن.

الدا حاس شەبەردە جوسپار كوپ. ەجەلگى ۇلتتىق بۇيىمداردى زاماناۋي ۇردىسپەن ۇيلەستىرىپ, جاستارعا ناسيحاتتاۋ جولىندا ايانباي تەر توگە بەرمەك. الماتى مەن اتىراۋ قالالارىنىڭ ءىرى ساۋدا ۇيلەرى «؛asem andrei»؛ برەندىن كوتەرمە تاپسىرىسپەن الىپ, ساۋدالاۋعا دايىن.

 ؛