اقتاۋدا «كورپە fest» مەگا فەستيۆالى ءوتتى

اقتاۋدا العاش رەت قر ەڭبەك جانە حالىقتى الەۋمەتتىك قورعاۋ مينيسترلىگى مەن ماڭعىستاۋ وبلىسى اكىمدىگىنىڭ ۇيىمداستىرۋىمەن «؛كورپە fest»؛ مەگا-فەستيۆالى ءوتتى. ءىس-شاراعا قر پرەمەر-مينيسترىنىڭ ورىنباسارى بەردىبەك ساپارباەۆ قاتىستى.

فەستيۆال اياسىندا وقىتۋ سەمينارلارى, تىگىن جانە قولدانبالى ونەر بويىنشا ساباقتار وتكىزىلدى, الەۋمەتتىك جەلىلەردە بيزنەس جۇرگىزۋ بويىنشا شەبەرلىك سىنىپتارى مەن كورمەلەر ۇيىمداستىرىلدى.

بۇل الەۋمەتتىك جوبا كوپ بالالى انالار مەن از قامتىلعان ايەلدەردىڭ جەكە ءىسىن جۇرگىزۋگە, ءوز مۇمكىندىكتەرىن دامىتۋعا, سونداي-اق ۇلتتىق قولونەردى ودان ءارى تانىمال ەتۋگە كومەكتەسەدى.

شارا اياسىندا تانىمال ەتنوديزاينەر, «؛التىن ساپا»؛ سىيلىعىنىڭ لاۋرەاتى ىرزا تۇرسىنزادانىڭ قولونەرشى ءىزباسارلارى دايىنداعان بۇيىمدارىنىڭ جارمەڭكەسى وتتى.

سونىمەن قاتار, «؛انالار اماناتى»؛ دەرەكتى سەريالىنان فيلم كورسەتىلىپ, وندا «؛مادەني مۇرالار مەن ۇلتتىق قولونەردى جاڭعىرتۋ»؛ الەۋمەتتىك جوباسى تۋرالى ايتىلدى.

ىرزا تۇرسىنزادا مەن ونىڭ شاكىرتتەرى ماڭعىستاۋ وبلىسىنىڭ تاريحي ورىندارى بويىنشا ەكسپەديسيا ۇيىمداستىرىپ, ولار «؛بەكەت اتا»؛ مەشىتىنە ءوز قولدارىمەن تىگىلگەن جاستىقتار, كورپەلەر, ۇلتتىق ناقىشتاعى جامىلعىلار سىيلادى.

سونداي-اق, ەلىمىزدىڭ ءتول مادەنيەتىنىڭ دامۋىنا زور ۇلەس قوسىپ جۇرگەن باتىر انالارعا «؛امانات»؛ قوعامدىق قورى اتىنان پرەميا, ەڭ وزىق تىگىنشىلەرگە ماڭعىستاۋ وبلىسى اكىمدىگى مەن «؛تىگىن ماشينالار ءۇيى»؛ اتىنان بارلىعى 30 تىگىن ماشيناسى, قارجىلاي سەرتيفيكاتتار مەن العىس حاتتار تابىستالدى. ال, قىز-كەلىنشەككە ارنالعان ەڭ ادەمى كويلەك تىككەن قاتىسۋشىعا ارناپ اۆتورلىق ديزايندا جاسالىنعان ماتالار سىيلىققا تاپسىرىلدى.

 ؛