"؛وزدەرىڭ سورلى عىپ كورسەتەسىڭدەر دە, "؛قازاق تىلىندە بولاشاق جوق"؛ دەگىزەسىڭدەر"؛

نە دوەزجايا - جەتپەي جەر...

قازاق ءتىلى قازاق جۋرناليستەرىنە عانا كەرەك دەيىن دەسەڭ, ارتىڭدا قورمالى جۇرت بار... توپىراق شاشقىڭ كەلمەيدى. ءبىراق تەلەديداردى قوسىپ قالساڭ, ءبارى شوۋ ؛&ndash؛ قاي ارنادان دا قاباتوۆتىڭ كومانداسى شىعا كەلىپ, "پريكين", "تاك جە", "پريكول", "پرەدستاۆلياەش" دەپ شۇلدىرلەپ تۇرادى... قازاق تىلىندە جارگون ءسوز, قىزىق تىركەس, ويلى ورام جوق سەكىلدى قۇددى... مەكتەپ بارساڭ, كەشە عانا اۋىلدا سەنىمەن بىرگە وسكەن قىز پەرزەنتىنە ورىسشا شۇلدىرلەپ تۇرادى. كىمگە رەنجيسىڭ سوسىن... تابانىنىڭ ءبۇرى جوق, باقىت باسقادا دەپ بىلەتىن سورلى جۇرتپىز با الدە...

راديولاردى اۋىستىرىپ تىڭدايتىن ادەتىم بار. ەكى اپتادان بەرى "اۆتوراديونى" قوسىپ ءجۇرمىن. تاڭەرتەڭ الماتى كوشەلەرىندەگى جاعدايدى ايتاتىن قىز جۇيكەنى جۇقارتىپ ءبىتتى. تاڭعى 7-دەن كەيىن الماتىدا كەپتەلەكسىز كوشە جوق. الگى قىز: "كۇدەرين كوشەسىمەن وڭتۇستىك باعىتقا, رايىمبەك داڭعىلىنا جەتپەي جەردەن جول قوزعالىسى قيىنداعان", &ndash؛ دەۋدەن تانبايدى. "نە دوەزجايا رايىمبەكا" دەگەندى "جەتپەي جەردەن" دەپ الا سالعان. قازاق تىلىندە بۇرىن-سوڭدى بولماعان, بولۋى دا مۇمكىن ەمەس زاڭدىلىق. بۇلار بولدىرادى, سىڭىرەدى وسىلاي. تىلگە جانى اشيتىن ۇلكەنىرەك بىرەۋدەن سۇراسا, "رايىمبەك داڭعىلىنىڭ تۇسىندا", "رايىمبەك داڭعىلىنىڭ الدىندا", "رايىمبەك داڭعىلىنا تاياۋ تۇستا" دەپ ەسى دۇرىس كەڭەس بەرەر ەدى عوي. ارعى جاعىنداعى "جول قوزعالىسى قيىنداعان" دەگەنى دە كالكا تىركەس ەكەنىن ايتپاي-اق قويايىق, مۇلدە شورشىپ تۇسەر. "رايىمبەك داڭعىلىنا جەتپەي جەردەن كەپتەلىس ورىن الىپ تۇر" دەپ ودان ءارى بىلامىق جاسايتىن بولار...
وزدەرىڭ سورلى عىپ كورسەتەسىڭدەر دە, "قازاق تىلىندە بولاشاق جوق" دەگىزەسىڭدەر. جان-جاقتارىڭا قاراساڭدارشى, جازعاندار-اۋ...

ەسەي جەڭىسۇلى

facebook-تاعى پاراقشاسىنان