"؛امىرە قاشاۋباەۆ"؛ فيلارمونياسىندا جاڭا ماۋسىم

سەمەيدە شىعىس قازاقستان وبلىستىق امىرە قاشاۋباەۆ اتىنداعى مەملەكەتتىك فيلارمونيانىڭ 74 ماۋسىماشار كونسەرتى ءوتتى. ونەردىڭ قاراشاڭىراعى سانالاتىن ۇجىمنىڭ ىرگەتاسى قۇرىلعاننان باستاپ ونەرپازدار الىس-جاقىن شەتەلدەردى ءتانتى ەتىپ كەلەدى. ال, بيىلعى ماۋسىماشار "رۋحاني جاڭعىرۋ", ؛"جاستار جىلى" جانە اباي قۇنانبايۇلىنىڭ 175 جىلدىعىنا وراي ۇيىمداستىرىلىپ, قالىڭ كورەرمەنگە ۇسىنىلدى. ءاردايىم تىڭ جاڭالىقتارىمەن كورەرمەندى تاڭعالدىرىپ جۇرگەن ۇجىم بىرنەشە ەلدەردە گاستروللىك ساپارمەن بولعان.

&ndash؛ بۇگىن ايتۋلى كۇن. بارشامىزعا ورتاق مەرەكە. ويتكەنى, ۇلكەن ۇجىمنىڭ كورەرمەن الدىندا سىنالۋى, ونەرلەرىن كورسەتۋى وڭاي ەمەس. بىرنەشە ايدىڭ دايىندىعىن ءبىر دەمدە حالىققا ۇسىنۋ ءبىزدىڭ باستى ماقساتىمىز. فيلارمونيانىڭ وسى ۋاقىتقا دەيىن جەتكەن جەتىستىكتەرى وتە كوپ. ولاردىڭ جىل سايىن شىڭدالىپ, ونەردىڭ بيىگىنە ۇمتىلۋلارىنا دا كوپ مۇمكىندىكتەر جاسالىپ جاتىر. بيىل ۇجىم جاڭا ونەرپازدارمەن تولىقتى. ولار جوعارى ءبىلىمدى, بىلىكتى ماماندار. مىنە, وسىنداي قارقىنمەن جۇمىس اتقارساق, ءبىز باعىندىرار بەلەستىڭ ءالى الدا ەكەنىن زور سەنىممەن ايتامىن, ؛ &ndash؛ دەدى فيلارمونيا ديرەكتورى اداي ازاماتوۆ.

كونسەرتتىك باعدارلاما تاقىرىپقا ساي تەاترلىق قويىلىممەن جانە انشىلەردىڭ "تويباستار" ؛ انىمەن باستالدى. "بيبىگۇل" قازاق حالىق اسپاپتارى وركەسترىنىڭ ورىنداعان كۇمبىرلەگەن كۇيىنە, "تۇمار" بي ءانسامبلىنىڭ مىڭ بۇرالعان بيشىلەرىنىڭ بيىنە, جوعارى دەڭگەيدە ونەر كورسەتكەن انشىلەردىڭ ونەرىنە قول سوقپاعان جان قالمادى. كونسەرتتىڭ جوعارى دارەجەدە وتۋىنە, ۇيىمداستىرىلۋىنا مۇرىندىق بولىپ, رەجيسسەرلىق قىرىمەن تانىلعان ؛&ndash؛ ءانشى, كومپوزيتور گۇلدانا نوعايباەۆا.

ايتا كەتەيىك, ۇجىم قاراشا ايىنىڭ اياعىندا موڭعوليا ەلىنە جۇمىس ساپارمەن بارماق. ال, جىلدىڭ سوڭىنا قاراي فيلارمونيانىڭ فولكلورلىق ءانسامبلى مايامي قالاسىنا بارىپ, ونەر كورسەتپەك.

سەمەي قالاسىنىڭ اقپاراتتىق ورتالىعى