14 قازان, 2019 وقيعالار
بۇرىنعى قاقپاشى يليا بايتەرياكوۆ شىعىس قازاقستان وبلىسىنداعى تاسجولدا اپاتقا ۇشىرادى. ونىڭ اكەسى مەن ۇلى كوز جۇمدى, يليانىڭ ءوزى اۋرۋحاناعا ءتۇستى دەپ حابارلايدى ؛qamshy.kz اقپارات اگەنتتىگى.
بۇل تۋرالى جۋرناليست ايدىن قوجاحمەت "بۇرىنعى قاقپاشى يليا بايتەرياكوۆ وتباسىمەن بىرگە جانتۇرشىگەرلىك اپاتقا ۇشىرادى. يليانىڭ ءوزى جۇرگىزگەن كولىك سەمەي-وسكەمەن تاسجولىندا اۋدارىلىپ كەتكەن. 35 جاستاعى ەكس-فۋتبولشىنىڭ كىشى ۇلى مەن اكەسى بىردەن قايتىس بولدى. يليا مەن تۇڭعىش ۇلى اۋىر حالدە جاتىر", - دەپ ءوزىنىڭ ؛telegram كانالىندا جازدى.
ونىڭ ايتۋىنشا, يليا بايتەرياكوۆ كومادا. اپات كەزىندە فۋتبولشىنىڭ اناسى مەن ايەلى دە زارداپ شەككەن.
يليا بايتەرياكوۆ ءار جىلدارى "سەمەي", "ەنەرگەتيك", "قازاقمىس", "اقجايىق", "ۆوستوك", "اتىراۋ" فۋتبول كلۋبتارىندا ويناعان. قازاقستاننىڭ جوعارى ليگاسىندا 45 ماچ وتكىزىپ, 86 گول جىبەرگەن. ءبىرىنشى ليگادا شامامەن 150 ماچقا قاتىسقان. ؛
؛
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر