ۇش بايتەرەكتىڭ ءدۇبىرلى تويى وتپەك

بيىل الاش جۇرتى ءۇشىن ءدۇبىرلى توي. ەل جۇرەگىندە «؛شۇعانىڭ بەلگىسى»؛, «؛تار جول, تايعاق كەشۋ»؛, «؛قۇلاگەر»؛ شىعارمالارىمەن اتى تانىس, ءۇش بىردەي الىپ بايتەرەگىمىز &ndash؛ بەيىمبەت مايلين, ءىلياس جانسۇگىروۆ جانە ساكەن سەيفۋلليننىڭ 125 جىلدىعىن اتاپ وتكەلى وتىرمىز.

وسى ورايدا, الىپتارعا ءوز دارەجەسىنە ساي قۇرمەت كورسەتۋدى الماتى قالاسى قوعامدىق دامۋ باسقارماسىنىڭ «؛ماڭگىلىك قازاقستان»؛ قوعامدىق قورى قولعا الادى. بۇل ءىستى اتقارۋدى ءوزىنىڭ ازاماتتىق بورىشى رەتىندە سانايتىن سول قوردىڭ ءىس-شارالارىن ۇيىمداستىرۋشى مامان جاسۇلان ناۋرىزاليەۆ ونىڭ «؛ادەبيەت الەمى»؛ جوباسى بويىنشا ىسكە اسىرىلاتىن شارالار تىزبەگىندە تۇرعانىن ايتتى. شاراعا رەسپۋبليكامىزعا تانىمال تۇلعالار, زەرتتەۋشى عالىمدار قاتىسىپ, شارا بارىسىندا ءوز ويلارىن ورتاعا سالاتىنىن جەتكىزدى.

«؛ماڭگىلىك قازاقستان»؛ قوعامدىق قورى ءوز جۇمىسىن اعارتۋشىلىق باعىتتا باستادى. «؛ادەبيەت الەمى»؛ جوباسىنداعى ماقساتىمىز &ndash؛ قازىرگى كەزدەگى بەلگىلى اقىندار مەن جازۋشىلاردىڭ ۇزدىك شىعارمالارىن دارىپتەي وتىرىپ, جاس وقىرمانداردىڭ كىتاپ وقۋعا دەگەن قىزىعۋشىلىعىن وياتۋ. بۇل جۇمىس ءقازىردىڭ وزىندە العاشقى ناتيجەلەرىن بەرە باستادى. مىسالى, وسى جوبا اياسىندا بۇگىنگە دەيىن جوو مەن مەكتەپتەرتەردە اقبەرەن ەلگەزەك, باقىت بەدەلحان, مۇراتقان شوقان, مارالتاي رايىمبەكۇلى, ەسەي جەڭىسۇلىمەن كەزدەسۋلەر وتكىزدىك. ول وقىرمانداردىڭ ىزدەنۋشىلىك, كىتاپقا, ونەرگە, ادەبيەتكە دەگەن قىزىعۋشىلىعىن ارتتىرادى. الداعى ۋاقىتتا وسى باعىتتا بىرنەشە جەردە كەزدەسۋ وتكىزۋدى جوسپارلاپ وتىرمىز. ال ء«؛ۇش بايتەرەك»؛ شىعارماشىلىق كەشىنە كەلەر بولساق, الماتى قالاسىنداعى ايتۋلى مادەني شاراعا اينالعالى تۇر, دەگەن بولاتىن ۇيىمداستىرۋشى مامان اڭگىمە اراسىندا.

بۇل رەتتە, ءىلياستانۋشى, عالىم قاجەت انداستان دا بايتەرەكتەردىڭ ءبىرى تۋرالى سۇراعانىمىزدا, ء«؛ىلياس تەك قالامگەر عانا ەمەس. ول سان قىرلى ادام. ونىڭ جازباعان تاقىرىبى جوق. تىرشىلىگىندە بارلىق قوعامدىق, ساياسي, الەۋمەتتىك ماسەلەلەرگە بەلسەندى ارالاسقان ازامات. سول قىزمەتتەگى ءىلياستىڭ ورنى, ءرولى, بەدەلى, ىقپالى, تاعى دا باسقا ازاماتتىق بولمىسىن باسپا سوزدەردەگى پۋبليسيستيكالىق ەڭبەكتەرى مەن ارحيۆ ماتەريالدارىنداعى باياندامالار ارقىلى انىقتاۋعا بولادى. ءىلياستىڭ اقىندىعى الدە قاشان دالەلدەنىپ ۇلگەردى. وعان ەشكىم كولەڭكە تۇسىرە المايدى. ءبىراق, ءىلياستىڭ قوعامدىق قىزمەتتەگى سالماعى مەن جۋرناليستىك تۇلعاسىن سالىستىرمالى تۇردە قارايتىن بولساق, اقىندىعىنان ءالدى قايدا بيىك تۇرادى. ءىلياستى جۋرناليست رەتىندە قاراستىرۋ ونىڭ ازاماتتىق ومىردەگى ءرولىن قالىڭداتا تۇسەدى دەگەن ۇستانىمداعى اداممىن.

وكىنەرلىگى, وسى كۇنگە دەيىن ءىلياستىڭ تۇتقىندالۋ سەبەبى مەن اقتالۋ بارىسى باسى اشىلماي, تولىق زەرتتەلمەي كەلەدى. ءىلياستى كەڭەس بيلىگى قانشا تەز تۇتقىنداپ, اتۋ جازاسىنا بۇيىرعانمەن, ونىڭ اقتالۋ بارىسى وڭاي-وسپاق بولعان جوق. قازىرگە دەيىن ءبىزدىڭ قولىمىزدا ءىلياستىڭ تۇتقىندالۋى مەن اقتالۋىنا قاتىستى ازىن-اۋلاق قانا دالەلدى قۇجاتتار بار. قولىمىزعا تيمەگەن دۇنيەلەر قانشا ما؟ وتكەن جىلى الماتى وبلىستىق ىشكى ىستەر باسقارماسىنىڭ ارحيۆىنەن ءىلياس جانسۇگىروۆتىڭ ءتولقۇجات پەن اباقتىدا تۇسىرىلگەن سۋرەتى تابىلدى. ول ناقتى ايعاق رەتىندە دەرەك بەرگەنىمەن, ماسەلەنىڭ ءمانىن اشۋعا جەتكىلىكسىز. وسىدان-اق, ارحيۆتەردە ءبىز كورمەگەن تالاي جازبالار مەن ايىپتاۋلاردىڭ جاتقانى بەلگىلى. بۇل ماتەريالدىق دالەلدەر.

ساكەن, بەيىمبەت, ءىلياس «؛قوسشى»؛ ۇيىمىنداعى بەدەلىنەن پايدالانا وتىرىپ, پۋبليسيستيكالىق شەبەرلىكتەرىمەن حالىقتى, اسىرەسە, ۇيقىدا جاتقان قازاقتى وياتۋدى مىقتاپ قولعا العان. قازاقتا: «؛ەلۋ جىلدا ەل جاڭا»؛ دەگەن ناقىل بار. ياعني, 1991 جىلى حالقىمىز ماڭگىلىك ەگەمەندىككە قول جەتكىزدى. وسى تۇرعىدان كەلگەندە, ولارعا تاعىلعان ايىپتاۋدىڭ شىندىققا سايكەس كەلەتىن تۇستارى بار, دەدى.

ال, ء«؛ۇش بايتەرەك»؛ دەپ اتالاتىن ۇلكەن شىعارماشىلىق كەش قازان ايىنىڭ توعىزىندا ساعات 11:00-دە قازاقستان جازۋشىلار وداعىنىڭ كونسەرت زالىندا وتەدى. كەشتە ت.جۇرگەنوۆ اتىنداعى قازاق ۇلتتىق ونەر اكادەمياسىنىڭ شاكىرتتەرى اتالعان ۇشتىكتىڭ شىعارماشىلىعى جونىندە تەاترلاندىرىلعان كورىنىستەر قويادى. سونداي-اق, قۇرمانعازى اتىنداعى قازاق ۇلتتىق كونسەرۆاتورياسىنىڭ ۇستازدارى مەن شاكىرتتەرى دارابوزدارىمىزدىڭ اندەرىن شىرقايدى.

 ؛

ا. نازارالى