وعىز دوعان: ماعان جانجالدىڭ كەرەگى نە؟!

"fly arystan" اۋە كومپانياسىنىڭ قىزمەتكەرلەرى كەشە نۇر-سۇلتاننان شىمكەنتكە ۇشپاق بولعان وعىز دوعاندى "كومپانيانىڭ قارا تىزىمىندەسىز" دەگەن ۋاجبەن ۇشاققا وتىرعىزۋدان باس تارتقان. وعىز دوعان ەسىمى كوپشىلىككە 2017 جىلى "air astana" كومپانياسىنا تيەسىلى ۇشاقتا بورتسەرىكتىڭ قازاق تىلىندە قىزمەت كورسەتۋىن تالاپ ەتكەن وقيعا بويىنشا تانىس. بۇل جاعداي وعىز دوعاننىڭ "air astana"-نى سوتقا بەرىپ, جەڭىپ شىعۋىمەن اياقتالعانى بەلگىلى. وسىدان كەيىن كومپانيا اتالمىش ازاماتتى وزدەرىنىڭ "قارا تىزىمىنە" ەنگىزىپتى. داۋدىڭ باسى وسىدان شىعىپ وتىر. qamshy.kz اقپارات اگەنتتىگىنىڭ ءتىلشىسى وعىز دوعانعا حابارلاسىپ, جاعدايدىڭ بارىسى تۋرالى ءبىلدى.

&ndash؛ كەشەگى وقيعاعا قاتىستى كومپانيا تاراپىنان قاندايدا ءبىر رەسمي جاۋاپ, يا تۇسىندىرمە بولدى ما؟

&ndash؛ رەسمي جاۋاپ تا, ءتۇسىندىرۋ دە بولعان جوق. مەنىڭ "قارا تىزىمدە" ەكەنىمدى راستايتىن قۇجات, تۇسىندىرمە سۇراعانىمدا ونى دا تاۋىپ بەرە المادى. جالپى كومپانيالار كليەنتىنە كۇلىمسىرەپ قاراپ, ءمان-جايدى ءتۇسىندىرىپ, كومەكتەسۋگە تىرىسىپ جاتۋشى ەدى. كەشە وندايدىڭ ءبىرىن دە كورمەدىم.

&ndash؛ ءسىز "قارا تىزىمدە" ەكەنىڭىزدى بىلمەگەن بولىپ تۇرسىز عوي.

&ndash؛ بىلمەدىم. ماعان ونى حابارلاعان ەمەس. تەك 2 جىل بۇرىنعى سوت كەزىندە مەنىڭ ەلەكتروندىق پوشتاما كومپانيانىڭ سۇر تىزىمىنە ەنگىزىلگەنىم جونىندە حابار الدىم. سۇر تىزىمگە ەنگەندەرگە ۇشاقتا سۋسىن, تاماق بەرىلمەيدى ەكەن. "بەرمەسە, بەرمەي-اق قويسىن. تەك قازاقشا سويلەسە بولدى" دەدىم دە, قويعانمىن. ال "قارا ءتىزىم" تۋرالى ماعان ەشقانداي اقپارات, مالىمەت بەرىلگەن جوق. مەن ونى بىلسەم, "fly arystan"-نىڭ بيلەتىن الىپ قايتەم. ايەلىمدى, كىشكەنتاي بالامدى سابىلتىپ قايتەم. ماعان جانجالدىڭ كەرەگى نە؟!

&ndash؛ كومپانيانىڭ pr مەنەدجەرى ءلاززات نابيەۆانىڭ "ونداي ادامدار قانداي دا ءبىر تىزىمدە ەكەنىن وزدەرى ءبىلۋى كەرەك" دەگەنى نەگىزسىز بە, سوندا؟

&ndash؛ البەتتە نەگىزسىز. ماعان حابارلاماسا, ايتپاسا قايدان بىلەيىن. قايدان ءبىلۋىم مۇمكىن؟! ءبىر جارىم اي بۇرىن بيلەت الاردا ءاتى-جونىمدى, ءتولقۇجاتتىق دەرەكتەرىمدى ەنگىزدىم عوي. ەگەر "قارا تىزىمدە" بولسام, سول كەزدە نەگە بىردەن باس تارتپايدى. مەنىڭشە, بۇل &ndash؛ ادەيى جاسالعان ارەكەت. مەنى قور قىلۋ ماقساتىندا كەزىندە ماسقارا بولعاندارى ءۇشىن العان كەگى دەپ ەسەپتەيمىن. بۇل ەندى ۇيات قوي. وسى ۇلتتىق كومپانيا دەگەن اتقا لايىق ءىس پە؟ ولاردىڭ ءوز ابىرويلارىن وزدەرى ءتۇسىرىپ, نە كوزدەپ وتىرعانى تىپتەن تۇسىنىكسىز.

&ndash؛ ماسەلەگە قاتىستى سوتقا شاعىمداناتىنىڭىزدى ايتتىڭىز. زاڭگەر ابزال قۇسپاننىڭ اتى اتالدى. كومپانيانىڭ ىشكى تارتىبىنە قاتىستى زاڭ نە دەيدى ەكەن؟ كەڭەسىپ, سۇراپ كوردىڭىز بە؟

&ndash؛ ابەكەڭمەڭ (ابزال قۇسپان) جاڭا ؛ عانا سويلەستىم. ەگجەي-تەگجەيلى ەشتەڭە ايتقان جوق. سوتقا دەيىنگى پروسەسس بويىنشا كومپانيا باسشىلىعى پيتەر فوستەردىڭ اتىنا حات جازىلاتىنىن ءبىلدىردى. ونىڭ مازمۇنىن زاڭگەر بولماعاننان كەيىن بىلمەيمىن. حات ءماتىنى قالاي قولعا تۇسەدى, سول كەزدە وقيمىن.

&ndash؛ ءىس سوتقا جەتەر بولسا, بۇل جولى 1 تەڭگەمەن قۇتىلمايتىنىن ايتتىڭىز. مورالدىق, ماتەريالدىق شىعىننىڭ وتەۋى رەتىندە ناقتى سوماداعى اقشا تالاپ ەتپەكسىز بە؟

&ndash؛ ناقتى سوما تۋرالى ءالى ويلامادىم. ونى ابەكەڭ, زاڭدىق جاعىنان ءوزى ايتا جاتار. قازاق تىلىنە قاتىستى ەكى جىل بۇرىنعى سوتتا 6800 تەڭگە كولەمىندە ايىپپۇل سالعانى بولماسا, مەنەن ەشقانداي ماتەريالدىق شىعىن شىققان جوق. ءبىراق وسى جولى مەنى ماتەريالدىق جاعىنان دا, مورالدىق جاعىنان دا قيىن جاعدايعا ءتۇسىرىپ وتىر. وتباسىمداعى ەكى ادامنىڭ بيلەتى كۇيىپ كەتتى, بۇگىن ۇشۋ ءۇشىن باسقا اۋە كومپانياسىنان 3 ەسە قىمبات باعاعا 3 بيلەت ساتىپ الۋىمىزعا تۋرا كەلدى. باراتىن جەردەگى جوسپارىمىزدىڭ ءبارى وزگەرىسكە ۇشىراپ, قوسىمشا ماسەلەلەر تۋدى. ءبىرىنشى جاعدايدا ءتىل اقشامەن ولشەنبەيدى دەپ, ەڭ مينيمالدى سوما &ndash؛ 1 تەڭگە سۇراعانىمىز سودان. ءقازىر جاعداي باسقاشا. زاڭ قانشا سوماعا رۇقسات بەرەدى, سونشا تالاپ ەتەمىز. بۇلارمەن وسىلاي عانا سويلەسۋ كەرەك سياقتى.

&ndash؛ ءسىزدىڭ بيلەتىڭىزدىڭ اقشاسىن قايتارىپ بەردى مە؟

&ndash؛ ارينە قايتارىپ بەرگەن جوق.

&ndash؛ ەڭ بولماعاندا مەرزىمىن ايتىپ جاتىر ما؟

&ndash؛ ازىرگە ايتپادى. ءبىرازدان كەيىن "air astana"-عا حابارلاسامىن. مەنىكىن قايتارامىز دەگەن.

&ndash؛ فەيسبۋكتا 100-دەن استام ادام حابارلاسىپ, مورالدىق كومەك ءبىلدىرىپ, قولداپ جاتقانىن جازدىڭىز. ال ماتەريالدىق قولداۋ ءبىلدىرىپ جاتقاندار بار ما؟

&ndash؛ ماتەريالدىق قولداۋ جاساۋ تۋرالى ۇسىنىس جاساعاندار بولدى. مەن ازىرشە ەشكىمنەن اقشا المادىم.

ر.s. قامشى ءتىلشىسى زاڭگەر ابزال قۇسپانعا حابارلاسقانىندا "air astana"-عا حات جازىپ جاتقانىن, سونىڭ جاۋابىنا قاراي ارەكەت ەتەتىنىن جەتكىزدى. ونىڭ ايتۋىنشا, وعىز دوعان "قارا تىزىمگە" ىشىمدىك ءىشىپ, بۇزاقىلىق جاساعاندىقتان ەنىپ وتىرعان جوق, قازاق ءتىلىن قورعاپ, "air astana" كومپانياسى قىزمەتكەرلەرىنىڭ ارەكەتىنىڭ دۇرىس ەمەستىگىن زاڭ جۇزىندە دالەلدەپ, سوتتا جەڭىپ شىققاندىقتان "قارا تىزىمگە" ەنىپ وتىر. سوندىقتان ىشكى ءتارتىپ, ىشكى ەرەجە دەگەن اڭگىمە قوزعالۋى مۇمكىن ەمەس. ؛"air astana"-نىڭ ارەكەتى زاڭسىز! زاڭگەر بۇل ىستە ؛اقىرىنا دەيىن بارماق نيەتتى.

وقي وتىرىڭىز!

&diams؛ ؛ابزال قۇسپان: "قازاق حالقى الدىندا كەشىرىم سۇراۋدى تالاپ ەتەم!"