• usd 389.52
  • eur 429.21
  • rub 6.07
  • cny 54.94
19 قازان، 22:07:25
نازارباەۆ: "؛نۇر وتان"؛ حالىقتى مازالايتىن ماسەلەلەرگە ارالاسپايدى

09 قازان، 2019 news

جاڭاوزەندەگى جۇمىسشىلاردىڭ قۇقىعىن كىم قورعايدى؟

جاڭاوزەن قالاسىنداعى جۇمىسشىلاردىڭ نارازىلىق ۇندەۋى پرەزيدانت قاسىم-جومارت توقاەۆقا جەتتى مە؟

بۇگىن "وزەنمۇنايگاز" اكسيونەرلىك قوعامىنا قارايتىن "كەزبي" مەردىگەر كومپانياسىنىڭ ۆاحتا اۋىسىمىنا شىققان جۇزدەن استام جۇمىسشىسى جاڭاوزەن قالاسى اكىمدىگىنىڭ الدىنا نارازىلىعىن بىلدىرۋگە جينالدى. ولار جۇمىس بەرۋشى كومپانيا جۇمىسشىلاردىڭ قۇقىقتارىن تاپتايتىنىن ايتا كەلە، قىزمەتكەرلەردى سەبەپتەن-سەبەپسىز جۇمىستان شىعاراتىن ايتتى. ودان وزگە كومپانيادا "جۇمىسشىلار قۇقىعىن قورعايتىن كاسىپوداق قۇرعانىمىز ءۇشىن قۋدالانىپ جاتىرمىز" &ndash؛ دەپ شاعىمداندى. بۇل تۋرالى www.azattyq.org -كە سىلتەمە جاساپ، qamshy.kz اقپارات اگەنتتىگى حابارلايدى.

نارازى جۇمىسشىلار جاڭاوزەن قالاسىنىڭ اكىمى ماقسات يباعاروۆتىڭ بۇل ىسكە ارالاسۋىن تالاپ ەتتى. ءبىراق جۇمىسشىلار الدىنا اكىم ەمەس، ونىڭ ورىنباسارى عالىم بايجانوۆ شىقتى. وزدەرىنىڭ اكىمگە ءۇشىنشى رەت كەلىپ وتىرعانىن ايتقان جۇمىسشىلار اكىم وتىنىشىمىزگە قۇلاق اسپادى دەپ اشۋلاندى.

«؛حالىق ءۇشىن تاعايىندالدى ەمەس پە؟  ؛حالىق ەكى رەت كەلدى، نەگە تىڭدامايدى؟ اكىمدى كورەيىك، مۇڭ-مۇقتاجىمىزدى تىڭداسىن. مەنىڭ ومىرىمە دە ءقاۋىپ ءتونىپ تۇر. جۇمىس بەرۋشى جۇمىسشىلارعا قىسىم كورسەتىپ جاتىر. كاسىپوداق جۇمىسىنا زاڭسىز ارالاسىپ وتىر. ولاردى قورقىتىپ، ارىز جازدىرىپ، بريگاداعا بارىپ، قورقىتىپ ءجۇر. جەكە مەنشىك مەكەمەمىز دەيدى. سوندا حالىق جەكە مەنشىك پە؟ ادام قۇرلى كورىپ وتىرعان جوق»؛  ؛&ndash؛ دەيدى كاسىپوداق ءتوراعاسى ازامات جاپاروۆ.

عالىم بايجانوۆ جۇمىسشىلاردى "كەزبي" كومپانياسىنىڭ كەڭسەسىنە بارىپ، ماسەلەنى سول جاقتا تالقىلاۋدى ۇسىنىپ ەدى، نارازىلار "جۇمىس بەرۋشى وسى جاققا كەلسىن" دەپ كەلىسپەدى.

ال كومپانيا جۇمىسشىسى ازامات جاپاروۆتىڭ ايتۋىنشا، كەيىنىرەك جۇمىس بەرۋشىلەر اكىمدىككە كەلىپ، ءۇش تاراپ بولىپ ماسەلەنى تالقىلاعان. ءبىراق ورتاق مامىلەگە كەلە الماعان.

جيىننان سوڭ كاسىپوداقتارىن قورعاۋعا تىرىسقان جۇمىسشىلار اكىمدىك الدىندا تۇرىپ، قازاقستان پرەزيدەنتى قاسىم-جومارت توقاەۆقا ۇندەۋ جولداپ، كومەك سۇرادى.

"بىز، "كەزبي" جۇمىسشىلارى، ارىپتەستىك الەۋمەتتىكتى نىعايتۋ ماقساتىندا العاشقى كاسىپوداق ۇيىمىن اشقان بولاتىنبىز. الايدا بىزگە جۇمىس بەرۋشى تاراپىنان ءتۇرلى قىسىم كورسەتىلىپ جاتىر. اتاپ ايتساق، كاسىپوداق مۇشەلەرىن كاسىپوداقتان قوقان-لوقى كورسەتىپ، شىعارادى. كاسىپوداق ءتوراعاسىنىڭ ومىرىنە ءقاۋىپ توندىرەتىن ارەكەتتەرگە بارىپ جاتىر. مەكەمەنىڭ جوعارى لاۋىزىمدى باسشىلارى قاراپايىم حالىقتى كاسىپوداقتان شىعۋعا ۇگىتتەپ جاتىر"&ndash؛ دەيدى ۇندەۋدى وقىعان "كەزبي" جۇمىسشىلارىنىڭ ءبىرى ايبەرگەن اققوزيەۆ.

جۇمىسشىلار تاۋەلسىز كاسىپوداقسىز جۇمىسشىلار قۇقىعى مەن ولاردىڭ ەڭبەك جاعدايىن جاقسارتۋ مۇمكىن ەمەس ەكەنىن، ونى ساقتاپ قالۋ وتە ماڭىزدى ەكەنىن ايتتى.

 ؛

قاتە تاپساڭىز، قاجەتتى بولىكتى تاڭداپ ctrl+enter باسىڭىز.

باننەر

پىكىر قالدىرۋ

پىكىر