• usd 468.56

  • eur 497.56

  • rub 7.3

  • cny 67.18

28 ناۋرىز, 21:05:27
الماتى
+35°

ەڭبەك جانە حالىقتى الەۋمەتتىك قورعاۋ ءمينيسترى ءبىرجان نۇرىمبەتوۆ جەتى جانە ودان كوپ بالاسى بار وتباسىلارعا اي سايىن قانشا تەڭگە تولەنەتىنىن ناقتىلادى, دەپ حابارلايدى ؛qamshy.kz اقپارات اگەنتتىگى ؛sputnik قازاقستان ؛سايتىنا سىلتەمە جاساپ.

جۋرناليستەر ەڭبەك مينيسترىنەن ون بالاسى بار وتباسىلار 100 مىڭ تەڭگە مە, الدە 73 مىڭ تەڭگە الا ما دەپ سۇرادى.

"بيۋدجەت مۇمكىندىگىن ەسكەرىپ, ازىرگە جەتى جانە ودان كوپ بالاسى بار وتباسىلار ءۇشىن 73 مىڭ تەڭگەمەن شەكتەلىپ وتىرمىز", - دەدى نۇرىمبەتوۆ ءماجىلىس كۋلۋارىندا.

ايتۋىنشا, ءقازىر رەسپۋبليكادا 343 مىڭ كوپبالالى وتباسى بار.

"سونىڭ ىشىندە ءۇش بالاسى بارلار &ndash؛ 27%, 4 بالالى وتباسىلار &ndash؛ 61%, بەس بالاسى بار جانۇيالار &ndash؛ 9%, 7 جانە ودان كوپ بالاسى بارلار ء3%-ى قۇراپ وتىر. سوندىقتان ءبىز وسىنى جانە بيۋدجەتتىك مۇمكىندىكتەردى ەسكەردىك", - دەپ ءتۇسىندىردى مينيستر.

ول ەگەر ۇسىنىس پارلامەنتتەن قولداۋ تاۋىپ, زاڭ جوباسى قابىلدانسا, كوپبالالى وتباسىلارعا مەملەكەتتىك جاردەماقى 2020 جىلدىڭ 1 قاڭتارىنان تولەنەتىنىن جەتكىزدى.

مەملەكەتتىك جاردەماقى كامەلەتكە تولماعان ءتورت جانە ودان كوپ نەمەسە 23 جاسقا دەيىنگى كۇندىزگى بولىمدە وقيتىن ستۋدەنتتەرى بار كوپبالالى وتباسىلارعا تابىسىنا قاراماستان تولەنەدى.

بۇعان دەيىن ەڭبەك مينيسترلىگى مەملەكەتتىك جاردەماقىنىڭ مولشەرى بالا سانىنا قاراي سارالاناتىنىن, ءار بالاعا ورتاشا ەسەپپەن 10-11 مىڭ تەڭگە تولەنەتىنىن حابارلاعان بولاتىن.

بۇدان بولەك, ەگەر كوپبالالى وتباسى تابىسىنا قاراي تۇرمىسى تومەن وتباسى ساناتىنا جاتسا, وندا بۇل جانۇياعا اتاۋلى الەۋمەتتىك كومەك پەن بالالارعا كەپىلدى الەۋمەتتىك پاكەت تە تاعايىندالادى.

 ؛

"قامشى" سىلتەيدى
ىلمەك سوزدەر: جاردەماقى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر