• usd 389.52
  • eur 429.21
  • rub 6.07
  • cny 54.94
19 قازان، 22:28:16
نازارباەۆ: "؛نۇر وتان"؛ حالىقتى مازالايتىن ماسەلەلەرگە ارالاسپايدى

09 قازان، 2019 news

مەملەكەتتىك قۋىرشاق تەاترى مەرەيلى ء85-شى ماۋسىمىن اشادى

سان عاسىردان سۇرلەۋ سالىپ، ادام بالاسىمەن بىرگە جاساسىپ، جانىنىڭ رۋحاني ازىعى بولىپ كەلە جاتقان مادەنيەت سالاسىنىڭ ءبىرى &ndash؛ ساحنا ونەرى. جەر بەتىندەگى ءار-تۇرلى حالىقتاردان وزىندىك ەرەكشەلىگىمەن دۇنيەگە كەلگەن ساحنا ونەرىنىڭ باستى ماقساتى مەن مۇددەسى ؛&ndash؛ جالپى ادامزاتتىڭ ماسەلەسىن كوتەرەتىن بولعاندىقتان ءتۇرلى باعىتتا بولسا دا الەمگە ورتاق ونەر بولىپ سانالادى.

ساحنا ونەرىنىڭ ەرەكشە ءتۇرى، قوعام مەن ادام ومىرىندەگى ورنى بولەك سالاسى &ndash؛ قۋىرشاق تەاترى ونەرى. قاينار كوزىن جەر شارىنىڭ ءار تۇكپىرىندە، وزىنشە دامىعان حالىقتىق ونەردەن الاتىن قۋىرشاق تەاترىنىڭ تاريحى، تاعىلىمدى تالاپ ەتەتىن تالاي عۇمىردى ارتىنا قالدىردى. بۇگىنگى تاڭدا، كوپ جۇيەلى، كوپ ءتۇرلى، كوپ سالالى قۋىرشاق تەاترى ونەردى ۇيرەنۋدى، تانۋدى، سارالاۋدى قاجەت ەتەتىن ۇلكەن مەكتەپ. جاڭاشىلدىققا جانى قۇمار ساحنانىڭ بۇل سالاسى، جالپى ونەرگە جۇكتەلەر قوعامدىق سالماقتى تەڭ تۇرعىدا كوتەرىپ كەلە جاتقاندىعى الدەقاشان دالەلدەنگەن. قۋىرشاق ۇعىمىنىڭ ءوزى بۇگىن ويلاپ تابىلعان ءسوز ەمەس ەكەندىگى ايقىن.

قۋىرشاق

رەسپۋبليكامىزداعى تۇڭعىش قۋىرشاق تەاترى ؛&ndash؛ مەملەكەتتىك قۋىرشاق تەاترى دا عاسىرعا جۋىق وسى ءبىر سەزىمتال ونەر ءتۇرىن دامىتۋ جولىندا ۇزدىكسىز ەڭبەك ەتىپ كەلەدى. مەملەكەتتىك قۋىرشاق تەاترى &ndash؛ رەسپۋبليكا تاريحىنداعى تۇڭعىش قۋىرشاق تەاترى. قازاق جەرىندە وتكەن عاسىردىڭ باسىندا پايدا بولعان قاراشاڭىراق بىرنەشە بۋىن جاستاردى تاربيەلەپ، بالدىرعانداردىڭ جان-جاقتى ازامات بولىپ قالىپتاسۋىنا ءوز ۇلەسىن قوسىپ كەلەدى. ءوزىنىڭ ء84-شى ماۋسىمىندا بالالارعا ارنالعان ؛«؛ساعىنىش ءشوبى»؛ (اۆت.: ر.وتارباەۆ، رەج.: ر.جانىامانوۆ)، «؛ارمان الەمى»؛ (رەج.: ن.كوشەرباەۆ)، «؛باتىلدار ۋاقىتى»؛ (رەج.: ا.زايسەۆ) سىندى ءسانتۇرلى وقيعالاردى ساحنالايتىن، ءبىرى بالالاردىڭ لوگيكالىق ويلاۋ قابىلەتىن ارتتىرسا، ەندى ءبىرى ادالدىق پەن قايىرىمدىلىققا ۇندەيتىن قويىلىمدار كورەرمەن نازارىنا ۇسىنىلىپ، كوپشىلىكتىڭ زور قوشەمەتىنە بولەنىپ كەلەدى. قۋىرشاق ونەرىنىڭ سان قىرلىلىعى مەن ەرەكشەلىگىن كورسەتۋ جولىندا تىنباي ەڭبەكتەنىپ كەلە جاتقان ۇجىم الەمدىك قۋىرشاق ونەرىنە قازاق قۋىرشاق ونەرىنىڭ مۇمكىندىكتەرىن تانىستىرۋ ءۇشىن جۇمىستار جاساۋدا.

اسىرەسە، تەاتر ۇجىمىنىڭ حالىقارالىق قۋىرشاقتار تەاترى كۇنىنە وراي ەكىنشى جىل ناۋرىز ايلارىندا «؛قۋىرشاقتار شاقىرادى!»؛ اتتى تەاترىشىلىك فەستيۆالىن وتكىزىپ كەلە جاتقاندىعى ەرەكشە اتاۋعا تۇرارلىق. بيىلعى جىلى حالىقارالىق دارەجەدە وتكىزىلۋى جوسپارلانىپ وتىرعان اتالمىش فەستيۆال تەك تەاتردىڭ عانا ەمەس، ۇلت مادەنيەتىنىڭ جان-جاقتى دامۋىنا زور ىقپال ەتۋدە. ەرەسەكتەرگە ارنالعان سپەكتاكلدەر قويۋمەن ەرەكشەلەنىپ جۇرگەن ونەر ورداسى جاڭا ماۋسىمدا كورەرمەندەرىنە كەزەكتى تاعىلىمدى دۇنيەسىن ۇسىنباقشى.

اعىمداعى جىلدا تەاتر ۇجىمى مەرەيلى ء85-شى ماۋسىمىندا ۇلى اقىن اباي قۇنانباەۆتىڭ 175 جىلدىق مەرەيتويىنا وراي اباي قۇنانباەۆتىڭ قارا سوزدەرىنە نەگىزدەلگەن «؛اباي»؛ (رەج.: ا.زايسەۆ) قويىلىمىن كورەرمەن نازارىنا ۇسىنباق. قازاقتىڭ اقىنى، فيلوسوف اباي قۇنانباەۆتىڭ بەينەسى العاش رەت قۋىرشاق بەينەسىندە ساحنالانباق. نەگىزگى ماقسات &ndash؛ دانا ابايدىڭ تاعىلىمىن جاستاردىڭ ساناسىنا ءسىڭىرۋ، ۇلى تۇلعانىڭ وي-تولعامدارىن كەڭىنەن دارىپتەۋ. مۇندا ءار وقيعا مەن كەيىپكەردى سيمۆوليكا ارقىلى جەتكىزەدى. رەجيسسەر تەاتردا تەك ءبىر ۇلتتىڭ ماسەلەسىن عانا كوتەرۋمەن شەكتەلىپ قالىپ، جالپىادامزاتقا ورتاق ماسەلەنى قاراستىرا الماسا، قۇلدىراۋعا الىپ كەلەتىنىن جاقسى تۇسىنەدى. سوندىقتان، بۇل قويىلىمدا تەك اباي بەينەسى مەن بولمىسى عانا ەمەس، بىلىمگە، كوكىرەگى وياۋ حالىققا اينالۋ ءۇشىن قاجەتتى ۇعىمداردى بىرىكتىرە وتىرىپ، جالپىادامزاتتىق ماسەلەنى كوتەرەدى. جاڭا باعىتقا قادام جاساپ كەلە جاتقان ءقادىرلى قۋىرشاق تەاترىنىڭ كورەرمەندەرىن ء85-شى تەاتر ماۋسىمىنىڭ اشىلۋىندا اسىعا كۇتەمىز!

قۋىرشاق

قاتە تاپساڭىز، قاجەتتى بولىكتى تاڭداپ ctrl+enter باسىڭىز.

باننەر

پىكىر قالدىرۋ

پىكىر