• usd 389.52
  • eur 429.21
  • rub 6.07
  • cny 54.94
19 قازان، 22:29:53
نازارباەۆ: "؛نۇر وتان"؛ حالىقتى مازالايتىن ماسەلەلەرگە ارالاسپايدى

08 قازان، 2019 ايماقتار

تارىعا وراق ءتۇستى

حالىق دانالىعىندا «؛بيدايدان ءبىر تامعاندا، تارىدان ەكى تامادى»؛، «؛كەسپە كوجە كۇن باتقانشا، بيداي كوجە ەل جاتقانشا، تارى كوجە تاڭ اتقانشا»؛ دەپ تارى داقىلىنىڭ ماڭىزدىلىعىن ەرەكشە اتاپ كورسەتكەن. سونىمەن قاتار تارىنى «؛جاۋىنگەر داقىل»؛ دەپ تە اتاعان. جەسەڭ تويىمدى، دەنساۋلىققا ەرەكشە پايداسى كوپ داقىلدى جامبىل وبلىسى مويىنقۇم اۋدانىنداعى كۇشامان، كوكجەلەك، ا.نازاربەكوۆ اۋىلدارىنىڭ ديقاندارى وسىرۋمەن اينالىسۋدا. بۇل اۋىلداردا نەگىزىنەن «؛قىزىل تارى»؛ دەپ اتالاتىن ءتۇرى كوپ وسىرىلۋدە، ؛دەپ جازادى qamshy.kz اقپارات اگەنتتىگى. ؛

تارىنى دايىنداۋدىڭ ءوزى ءبىر باسقا بولسا، ونىڭ جيناۋ جۇمىستارى دا وڭاي ەمەس. ءدال ءقازىر كۇشامان اۋىلىنداعى «؛كوركەم»؛ شارۋا قوجالىعىنىڭ تارىسىنا وراق تۇسۋدە.

&mdash؛ وسىدان 2-3 جىل بۇرىن شارۋاعا قولايسىز جىل بولىپ، تارىدان ويداعىداي ءونىم الا المادىق. سەبەبى اعىن سۋ تاپشى بولدى. ءقازىر جاعداي تۇزەلدى، اۋدانعا جاڭا باسشى بولىپ مادەن مۇساەۆ كەلگەلى، قازىلماعان كانالدار قازىلىپ، سۇدىگەر كوتەرلىپ، شارۋاشىلىققا بارلىق جاعداي جاسالدى. بيىل سۋارمالى ادىسپەن 4 گەكتار جەردىڭ 2،5 گەكتارىنا جوڭىشقا 1،5 گەكتارىنا تارى ەكتىك. ءوسىمى جامان ەمەس، مىنە وراق سالىپ وتىرمىز. ءونىم جاقسى شىعادى دەگەن ويدامىز، - دەيدى نۇرلان بۇزاۋباەۆ.

سونىمەن قاتار تارىنىڭ ءدانىن قىرمانعا ءتۇسىرىپ جاتقان مارال تومانوۆتىڭ دا جۇمىسى جۇيەلى.

-«؛دالا جاۋىنگەرى»؛ اتالعان تارى داقىلىن قىرمانعا اكەلىپ، ءدانىن ءتۇسىرىپ جاتىرمىز. بيىل شارۋاشىلىققا قولايلى جىل بولدى، سۋ بار، ارىقتار، كانالدار تازالانعان، ءبارى جاقسى. مەندە 4 گەكتار جەرگە تارى ەگىپ، مول ءونىم الامىن دەپ وتىرمىن. كەلەر جىلى ەگىستىك القابىمدى كەڭەيتسەم دەگەن ويىم بار، &mdash؛ دەيدى مارال.

سونداي-اق «؛ىنتىماق»؛ شارۋا قوجالىعىنىڭ جەتەكشىسى مەيىربەك شىنجاربەكوۆ 11 گەكتار سۋرامالى جەرىن ءتيىمدى پايدالانىپ، وعان جۇگەرى، جوڭىشقا، تارى، كارتوپ، كوكونىس جانە باقشا داقىلدارىن ەگىپتى. مۇنىمەن قويماي 4 گەكتار جەرگە اۋىلداعى 3-4 جىگىتپەن بىرىگىپ، تارى داقىلىن ءوسىرىپ، مول ونىمگە كەنەلگەلى وتىر.

اۋدان بويىنشا بىلتىر 3125 گەكتار جەرگە اۋىل شارۋاشىلىعى داقىلدارىنىڭ ءونىمى ەگىلسە، بيىل 5074 گەكتار جەرگە جازدىق ارپا، داندىك جۇگەرى، تارى، كۇنباعىس، كارتوپ، كوكونىس جانە باقشا داقىلدارى، كوپ جىلدىق جوڭىشقالار ەگىلگەن. ال كۇشامان اۋىلىنىڭ وزىندە 129 گەكتار جەرگە جۇگەرى، 72 گەكتار جەرگە تارى ەگىلگەنى كوڭىلگە قۋانىش ۇيالاتادى.

ال بۇل دەگەنىڭىز اۋىلداعى بوس جۇرگەن بىرنەشە ادامعا جۇمىس بولعانىن دا ايتا كەتكەن ءجون.

تارى داقىلىنىڭ قۇندىلىعىن ايتار بولساق، تارى سابانىن جەگەن ساۋىن سيىردىڭ ءسۇتىنىڭ قۇنارلىلىعى ارتادى، دانىنەن سپيرت جاسالسا، ساباعىنان قاعاز شىعارۋعا بولادى. ال مەديسينادا دا ەمدىك قاسيەتى بارى دالەلدەنگەن. دەمەك، پايدالى داقىلدىڭ ەڭبەگىنىڭ اۋىرلىعىنا قاراماستان وسىرۋمەن اينالىسىپ وتىرعان شارۋالارعا، قىرماندارىڭىز دانگە تولسىن دەمەكپىز.

قاتە تاپساڭىز، قاجەتتى بولىكتى تاڭداپ ctrl+enter باسىڭىز.

باننەر

پىكىر قالدىرۋ

پىكىر