"؛ورىنسىز تالاپتاردى ورىنداي بەرسەك, ادال جانداردىڭ جىگەرىن قۇم قىلامىز"؛

مەملەكەت حالىقتىڭ قاي ساناتىنا كومەك بەرۋى ءتيىس؟ ەڭبەككە قابىلەتتى ازاماتتاردىڭ مەملەكەتكە قول جايۋىنىڭ سەبەبى نەدە؟ مۇقتاجدىقتى ازايتىپ, ماسىلدىقتى قالاي ەڭسەرۋگە بولادى؟ وسى ماسەلەلەر توڭىرەگىندە eurasian center for people management ديرەكتورى ەربول يسمايلوۆ پىكىر ءبىلدىردى, دەپ حابارلايدى ؛qamshy.kz اقپارات اگەنتتىگى قازاقپاراتتىڭ دەرەگىن نەگىزگە الىپ. ؛

«؛ليتەر»؛ گازەتىندە جاريالانعان ماقالاسىندا ساراپشى دەنى ساۋ ءارى ەڭبەككە قابىلەتتى ادامداردىڭ «؛ماعان كومەك كورسەتىلۋى كەرەك»؛ دەگەن تالاپپەن نارازىلىق بىلدىرەتىنىنە تاڭعالاتىنىن ايتادى. ونىڭ ويىنشا, قازاقستانداعى جانە پوستكەڭەستىك ەلدەردەگى حالىق كەيدە مەملەكەتتى جەكە ءمونوليتتى اعزا, اقشانىڭ استىندا جاتقان ءارى قاراپايىم تۇرعىندارعا كومەكتەسەر كەزدە ساراڭ «؛قۇبىجىق»؛ دەپ ەسەپتەيدى-مىس.

«؛ىس جۇزىندە اقشا سالىق تۇسىمدەرىنەن الىناتىنىن ەسكەرۋ كەرەك. ياعني, جۇمىسقا باراتىن ادامدار تابىسىنىڭ ءبىر بولىگىن بيۋدجەتكە جىبەرەدى. ءدال وسى رەتتە 16 جاستان باستاپ جۇمىس ىستەيتىن مەنىڭ سانامدا ءبىر سۇراق تۋىندايدى. نەگە مەن كۇنىنە 8-10 ساعات جۇمىس ىستەپ, ەڭبەككە قابىلەتتى ادامدار ءۇشىن اقشا بەرۋىم كەرەك؟»؛ -دەيدى ساراپشى.

ەربول يسمايلوۆتىڭ ايتۋىنا قاراعاندا, مەملەكەتتىڭ باستى مىندەتتەرىنىڭ ءبىرى &ndash؛ ءتيىمدى الەۋمەتتىك ساياسات. ساراپشى مەملەكەت ءوز-وزىن اقشامەن قامتي المايتىن ازاماتتاردى قامقورلىعىنا الۋى كەرەك دەپ ەسەپتەيدى.

«؛مۇمكىندىگى شەكتەۋلى ادامدار, جاسوسپىرىمدەر الەمنىڭ دامىعان ەلدەرىنىڭ بارىندە قامقورلىققا الىنعان. ءبىراق بىزدە كەيبىر جاۋاپسىز ادامدار دا قامقورلىققا الىناتىندار ساناتىنا ەنگىسى بار. پاتەر تاراتىپ, قارىزىن كەشىرىپ, ىرىكتەۋسىز جۇمىسقا الساق, ءبىز تابىسى مەن شىعىنىن ەسەپتەپ, اقشاسىن ۇنەمدەپ, العا ۇمتىلعان ادال ادامداردىڭ جىگەرىن قۇم ەتەمىز. سول ءۇشىن بارلىعىنا تەڭ مۇمكىندىك جاساۋ كەرەك. ەلىمىز دامىپ, ەكونوميكامىز ءوسۋى ءۇشىن بىزگە بىلىكتى ءارى دەنى ساۋ ازاماتتار قاجەت. سوندىقتان, win-win قاعيداتى نەگىزىندە مەملەكەت بالاباقشا سالىپ, ورتا بىلىمگە قاراجات بولەدى, مەديسينالىق كومەك كورسەتەدى. بازادان باسقا مەملەكەت جۇمىسسىزدىقپەن كۇرەسۋى كەرەك. بالىق ەمەس, قارماق تاراتۋى كەرەك. ياعني, جۇمىسپەن قامتۋ ورتالىقتارىن اشىپ, مامانداردى قايتا دايارلاڭىز, ۇزدىكسىز ءبىلىم بەرۋ كۋرستارىن اشىڭىز, بوس جۇمىس ورىندارى جارمەڭكەلەرىن ۇيىمداستىرىڭىز, مونيتورينگ جۇيەسىن قۇرىڭىز جانە كاسىپكەرلىك قىزمەتتى ىنتالاندىرىڭىز»؛, - دەيدى ساراپشى.

ەربول يسمايلوۆتىڭ پىكىرىنە قۇلاق اسساق, ازاماتتاردا مەملەكەت دەمەۋشى دەگەن تۇسىنىك قالىپتاسىپ قالعان.

«؛جەمقورلىققا قارسى داۋلاردى قاراساڭىز, كەيبىر لاۋازىمدىلار ميلليونداعان تەڭگەمەن, ءتىپتى دوللارمەن ۇستالىپ جاتادى. مىنە, وسى رەتتە بىزگە اشىقتىق جەتىسپەيدى. ادامدار «؛ەگەر بەلگىلى ءبىر كۇدىكتى جوباعا وسىنشاما اقشا بولىنسە, وندا ونىڭ كىشكەنە عانا بولىگىن &ndash؛ مەنىڭ اكەمە, بولماسا زاۋىتتىڭ ءبىر جۇمىسشىسىنا, ستۋدەنتكە نەگە بولمەسكە»؛ دەپ ويلايدى. سوندىقتان, مۇندا شەشىم مەملەكەتتىك شىعىنداردى تاراتۋداعى اشىقتىقتا دەر ەدىم. جالپى, جاۋاپكەرشىلىكتى كۇشەيتىپ, قىمبات جوبانىڭ اشىقتىعىن قامتاماسىز ەتۋ كەرەك. جاستار ول قاراجاتتىڭ قايدا جۇمسالعانىن ءبىلۋى ءتيىس. مەكتەپتە بەلگىلى ءبىر بالانىڭ كاسىپكە بەيىمى, العىرلىعى, وتكىرلىگى, باستاماشىلدىعى باعالانا بەرمەيدى. ۋنيۆەرسيتەتتە دە سول. ەسكى جۇيە ءبارىن ءبىر دەڭگەيدە ۇستاپ, ءتىلالعىش ەتكىسى كەلەدى. بۇل - سوۆەتتىك پايىمنىڭ قالدىعى. تەجەي بەرۋدىڭ اقىرى ماسىلدىققا تىرەلەدى. بۇل - وتە كۇردەلى پروسەس»؛, - دەيدى ساراپشى.