توقاەۆ: الاياقتار تۇرمەدە وتىرۋى كەرەك

قازاقستان پرەزيدەنتى قاسىم-جومارت توقاەۆ قۇرىلىس سالاسىندا "الاياقتاردىڭ" كوبەيگەنىن ايتىپ, ەلدىڭ باس پروكۋراتۋراسى مەن ىشكى ىستەر مينيسترلىگىنە وسى ماسەلەمەن ناقتى اينالىسۋدى تاپسىردى. بۇل تۋرالى توقاەۆ نۇر-سۇلتان قالاسىنىڭ اكىمدىگىندە ءوتىپ جاتقان ەلوردانى ودان ارى دامىتۋ ماسەلەلەرى جونىندەگى ماجىلىستە ايتتى. ؛

توقاەۆتىڭ ايتۋىنشا, ءقازىر نۇر-سۇلتاندا قۇرىلىسى اياقتالماعان "49 پروبلەمالىق نىسان بار جانە 13500 ۇلەسكەر سول نىسانداردىڭ قۇرىلىسىنىڭ اياقتالعانىن كۇتىپ ءجۇر".

&ndash؛ ۇلەسكەرلىك ماسەلەسى دە جەدەل شەشۋدى قاجەت ەتىپ وتىر. قالادا 49 پروبلەمالىق نىسان قالىپ وتىر. ولاردىڭ قۇرىلىسىنىڭ اياقتالۋىن 13 500 ۇلەسكەر كۇتۋدە. بۇل پروبلەمانى شەشۋگە 2018-2019 جىلدارى 40 ملرد تەڭگە ءبولىندى. ءبىراق, نەبارى 4,5 ملرد تەڭگەسى عانا يگەرىلگەن. بۇعان قوسا, اكىمدىك قوسىمشا 170 ملرد تەڭگە سۇرايدى, ؛&ndash؛ دەدى پرەزيدەنت.

وسى ماسەلەگە قاتىستى تۇسىنىكتەمە بەرگەن قالا اكىمى التاي كولگىنوۆتىڭ ايتۋىنشا, ءاربىر پروبلەمالى نىسانعا قاتىستى جول كارتاسى ازىرلەنگەن.

&ndash؛ ولاردا جوبالىق-سمەتالىق قۇجاتتارىنىڭ بولماۋى سياقتى پروبلەما بولدى. كوپتەگەن الاياقتار تۇرعىنداردى الداعان. ءقازىر ولار تۇرمەدە وتىر جانە زاڭعا سايكەس جاۋاپكەرشىلىكتەرى بار. ولار قۇجاتتارىن جوعالتىپ العان نەمەسە بەرمەگەن. سوندىقتان بۇكىل جاز بويى قۇجاتتارىن ازىرلەۋمەن اينالىستىق, قارجى ينستيتۋتتارىمەن, ەكىنشى دەڭگەيلى بانكتەرمەن, ورتالىق مەملەكەتتىك ورگاندارمەن جۇمىس ىستەدىك. ءارقايسىسى بويىنشا ناقتى جوسپارىمىز بار. ءبىز ءسىزدىڭ تاپسىرماڭىزدى ورىندايمىز, ؛&ndash؛ دەدى كولگىنوۆ.

وز كەزەگىندە توقاەۆ قالا اكىمنىڭ "كوپتەگەن الاياقتار تۇرعىنداردى الداعان" دەگەن سوزىنە توقتالىپ, قۇزىرلى ورگاندارعا "الاياقتارمەن" كۇرەسۋدى تاپسىردى. ؛

&ndash؛ ءقازىر الاياقتار كوبەيىپ كەتتى. اسىرەسە, قۇرىلىسشىلار اراسىندا كوبەيدى. باس پروكۋراتۋرا مەن ىشكى ىستەر مينيسترلىگىنە وسى ماسەلەمەن ناقتى اينالىسۋدى تاپسىرامىن. الاياقتار تۇرمەدە وتىرۋى كەرەك. سەبەبى ولار ءوز ارەكەتتەرىمەن ازاماتتارىمىزدىڭ قۇقىن اياققا تاپتاپ جاتىر. ءبىزدىڭ ازاماتتاردى الدايدى, دالادا قالدىرادى. مۇنداي جاعدايدا مەملەكەت ءۇنسىز قالماۋى كەرەك. ءتيىستى شارا قابىلداپ, بايانداڭدار, ؛&ndash؛ دەدى توقاەۆ.