73 مىڭنان اسا وتباسى تابىسىن جاسىرىپ, ااك الىپ كەلگەنى انىقتالدى

كەي ءوتباسىلار ؛وز تابىستارىن جاسىرعانى ءۇشىن اتاۋلى الەۋمەتتىك كومەكتى ساناۋ ءتاسىلى وزگەرەدى دەپ حابارلايدى qamshy.kz اقپارات اگەنتتىگى tengrinews.kz سايتىنا سىلتەمە ؛ جاساپ.

ەڭبەك جانە حالىقتى الەۋمەتتىك قورعاۋ ءمينيسترى ءبىرجان نۇرىمبەتوۆ اتاۋلى الەۋمەتتىك كومەكتى ساناۋ جۇيەسىن وزگەرتەتىن زاڭ جوباسى جايلى ايتتى. ؛

"ااك ومىرلىك قيىن جاعدايعا تاپ بولىپ, ودان ءوزى شىعا الماعان ادامدارعا بەرىلۋى كەرەك. اتاۋلى الەۋمەتتىك كومەكتى توقسان سايىن تاعايىنداپ, سايكەسىنشە, ءۇش ايعا شارتتى جانە شارتسىز كومەك بەلگىلەۋدى ۇسىنامىز. بۇل ااك الۋشىلاردىڭ ءوز تابىستارىن جاسىرىپ قالۋ مۇمكىندىگىن جوق قىلادى", - دەدى نۇرىمبەتوۆ ۇكىمەت وتىرىسىندا. ؛

ايتۋىنشا, وتباسىنىڭ ؛ورتا ەسەپپەن جان باسىنا شاققانداعى تابىسى ازايۋى مۇمكىن. مينيستر ااك توقسان سايىن تاعايىندالىپ تۇرسا, تولەم كولەمى ارتۋى ىقتيمال. "ااك كولەمى وتباسىنىڭ بارلىق مۇشەسى ءۇشىن كەدەيلىك شەگى مەن ورتا ەسەپپەن جان باسىنا شاققانداعى تابىس اراسىنداعى ايىرماشىلىق ارقىلى انىقتالادى. ەگەر وتباسىنىڭ ەڭبەككە جارامدى مۇشەسى ۇسىنىلعان جۇمىستان باس تارتسا, ونىڭ وتباسىنىڭ بارلىق مۇشەسى ااك-تەن قاعىلادى. سونداي-اق بالاسىنا قاراپ وتىرعان انالارعا ولار ءۇش جاسقا كەلگەن سوڭ ەڭبەككە بەلسەندى ارالاسۋ ۇسىنىلادى", - دەدى مينيستر. ؛

جاڭا زاڭنامادا نۇرىمبەتوۆ ۋچاسكەلىك كوميسسيالاردىڭ قىزمەتىن ارتتىرۋدى ۇسىندى. ؛ "ااك الاتىندار ءزاۋلىم ۇيلەردە تۇرىپ, بىرنەشە اۆتوكولىك تىزگىندەپ, ۇلكەن كولەمدەگى جەر ۋچاسكەلەرىنە قوجايىن بولعان مىسالدار بار. بۇل جاعدايلارعا ۋچاسكەلىك كوميسسيالار جاۋاپتى. سوندىقتان زاڭ جوباسىندا ۋچاسكەلىك كوميسسيالاردىڭ كومەككە مۇقتاجدىقتى انىقتاۋ بەلگىلەرىن ؛تاعايىنداۋ ءۇشىن ورتالىق اتقارۋشى ورگاننىڭ قۇزىرەتىن قايتا قاراۋدى ۇسىنامىز", - دەدى مينيستر. ؛

ونىڭ ايتۋىنشا, جىل باسىنان بەرى ااك 113 مىڭ وتباسىعا تاعايىندالعان, بۇل - 2,3 ميلليون ادام. ااك الاتىنداردىڭ جارتىسى - كوپبالالى وتباسىلاردىڭ مۇشەسى. ؛ "ااك تاعايىنداۋ كەزىندە 73 مىڭنان اسا وتباسى تابىستارىن جاسىرعان. ااك-تىڭ زاڭسىز تاعايىندالعان جايتتارى انىقتالدى. زاڭ جوباسىندا جەرگىلىكتى اتقارۋشى ورگاندارمەن بارلىق جايت قاراستىرىلعان", - دەدى ول. ؛