04 قازان, 2019 ايتتى-ەي, باۋىرىڭ!
بىرىنشىدەن, ءارقايسىمىز پىكىر ايتۋعا قاقىلىمىز. دەسە دە, ءدىننىڭ اتىنان ءدىن مامانى عانا وي-پىكىر ايتۋعا قۇقىلى. اسىرەسە, ۋاعىز-ناسيحاتتى يسلام وقۋ-ورىندارىنداعى "داعۋا" فاكۋلتەتىن بىتىرگەن ماماندار عانا ايتا الادى. ولار يرشاد مەتودولوگياسىن جان-جاقتى مەڭگەرگەندىكتەن, ءارتۇرلى الەۋمەتتىك توپتىڭ كوڭىل-كۇيىنە قاراي قالاي ۋاعىز ايتۋ كەرەكتىگىن جەتىك بىلەدى. اتاپ ايتار بولساق, ۋاعىزشى حيكمەتۋت-تاشريعا (شاريعات حيكمەتى), سياساتۋل-شاريا (شاريعاتتىڭ ساياساتى), حيلايي-شاريا (دانالىق, تاپقىرلىق), ماقاسيتۋل-شاريا (شاريعات ماقساتتارى) جانە ت.ب. شارتتاردى يگەرۋى شارت. ياعني, ءجۇز جەردەن اۋزىڭمەن قۇس تىستەگەن سوزگە ءدىلمار, قىزىل ءسوزدىڭ كەنىشىن قازىپ, قۇلاشىڭدى جازىپ سويلەيتىن شەشەن بول, ءدىن مامانى, ونىڭ ىشىندە داعۋا مامانى بولماساڭ ۋاعىز ايتۋدا قاتەلىككە بوي الدىراسىڭ. يسلامداعى وسى ءداستۇردى ەسكەرگەن قمدب بىرنەشە جىل بۇرىن رانت-نى (رەسپۋبليكالىق اقپاراتتىق ناسيحات توبى) قۇرعان بولاتىن. رانت-عا مۇشە بولۋ ءۇشىن ءدىن ۋاعىزشىلارى ارنايى اتتەستاسيادان وتەدى. جانە ولار ارنايى "جادىناما" بويىنشا جۇمىس ىستەيدى. ەگەر, ۋاعىز-ناسيحات ايتۋ بارىسىندا بەكىتىلگەن ەرەجەگەگە ساي ەمەس وي-پىكىر ايتىلسا, ول ءۇشىن جاۋاپكەرشىلىككە تارتىلادى. وسى سەبەپتەن دە بۇگىنگە كۇنگە دەيىن ءبىرتالاي ۋاعىزشى رانت قۇرامىنان شىعارىلدى. دەمەك, ادام وزىنە بەيمالىم ىسپەن شۇعىلدانباعانى ءجون. قازاق "دۇمشە مولدا ءدىن بۇزادى" دەپ تەگىننەن تەگىن ايتپاعان.
ەكىنشىدەن, بۇل ماسەلەگە زاڭدىق تۇرعىدان قالايتىن بولساق, قر ءدىني قىزمەت جانە ءدىني بىرلەستىكتەر تۋرالى زاڭى بويىنشا ۋاعىز-ناسيحاتتى ادىلەت باسقارماسىنىڭ تىركەۋىنەن وتكەن ءدىني بىرلەستىكتەردىڭ قىزمەتكەرى جانە ءدىني ميسسيونەر دەگەن ليسەنزياسى بار ادام عانا ايتا الادى. ەگەر, ارنايى رۇقساتى جوق ادام ۋاعىز-ناسيحات ايتسا, وعان قر اكىمشىلىك قۇقىق بۇزۋشىلىق تۋرالى كودەكسى بويىنشا ايىپپۇل سالىنادى. بىلۋىمشە ەلىمىزدە پاتەرگە تىعىلىپ جينالىپ الىپ ۋاعىز ايتاتىن ءدىني توپتاردىڭ مۇشەلەرىنە بىرنەشە رەت ايىپپۇل سالىندى. ونىڭ ىشىندە دارىن ءمۇباروۆ تا بار. ياعني, بەي-بەرەكەت ۋاعىز ايتۋدان ساقتانعان ءجون.
ۇشىنشىدەن, قازىرگى قازاق قوعامىنداعى كۇيىپ تۇرعان تاقىرىپتىڭ ءبىرى قىتاي ءقاۋپى دەسەك اسىرا ايتقاندىق ەمەس. سەبەبى قىتاي ؛&ndash؛ الەمدەگى الىپ دەرجاۆالاردىڭ ءبىرى. ودان قازاقستان تۇگىلى الپاۋىت ەل اقش-تىڭ ءوزى قاۋىپتەنەدى. قارىز بەرىپ, ارتىنان ونىڭ ورنىنا جەر سۇرايتىن ەلدەن كىم-كىم بولسا دا, قاۋىپتەنەدى. قالا بەردى دەموگرافيامىز ءۇشىن دە ەلىمىزدەن قىتاي زاۋىتتارىنىڭ اشىلۋى اسا قاتەرلى. وسى تۇرعىدان العاندا حالىقتىڭ الاڭداۋشىلىعىن دۇرىس دەپ ەسەپتەيمىن. بۇل ماسەلەگە ەكونميست, قارجىگەر, ساياساتتانۋشى تالداۋ جاساسا قۇبا-قۇپ. ال اقىن ادام حالىق جاعىندا بولۋ كەرەك دەپ ويلايمىن. دەمەك, اركىم ءوز ورنىن ءبىلۋى كەرەك!
مۇحان يساحان
فەيسبۋك ؛پاراقشاسىنان
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر