توقاەۆ 30 جىل بۇرىن گورباچەۆتىڭ قىتاي ءتىلى اۋدارماشىلارىنىڭ ءبىرى بولعان

قازاقستاننىڭ قازىرگى پرەزيدەنتى قاسىم-جومارت توقاەۆتىڭ وتىز جىل بۇرىن قىتاي مەن كسرو اراسىنداعى سالقىندىقتى جويىپ, تاراپتاردىڭ تابىسۋىنا سەپتىگىن تيگىزگەن ەكەن دەپ جازادى ؛qamshy.kz اقپارات اگەنتتىگى ؛sputnik قازاقستانعا ؛سىلتەمە جاساپ.

بۇل تۋرالى بەلگىلى رەسەيلىك ديلومات ەۆگەنيي باجانوۆ ايتىپ بەردى.

ديپلوماتتىڭ ايتۋىنشا, 1989 جىلدىڭ ماۋسىمىندا باس حاتشى ميحايل گورباچەۆ قىتاي مەن كسرو اراسىنداعى قارىم-قاتىناستى جولعا قويۋ ءۇشىن بەيجىڭگە جول تارتادى. توقاەۆتىڭ قىتاي ءتىلىن جاقسى مەڭگەرگەنى سونشالىق, گورباچەۆتىڭ اۋدارماشىلارىنىڭ اراسىندا ول دا بولعان.

"بىزدىڭ ارامىزدا بىرنەشە ونداعان جىل بويى تەكەتىرەس بولدى. سوندىقتان تاراپتاردىڭ تاتۋلاسۋى ءار اۋدارىلعان سوزگە بايلانىستى ەدى. اقىرى وعان دا قول جەتكىزدىك, توقاەۆ ءوز مىندەتىن ابىرويمەن ورىنداپ شىقتى", - دەپ ەسكە الدى باجانوۆ.

ەۆگەنيي باجانوۆ پەن قاسىم-جومارت توقاەۆ قىرىق جىلداي دوس. رەسەيلىك ديپلومات سىرتقى ساياساتتا توقاەۆتاي ءبىلىمى مەن تاجىريبەسى مول باسقا ادامدى تانىمايتىنىن ايتادى.

بۇدان بولەك, ول توقاەۆقا مانساپ جولىندا ىلگەرىلەۋگە قىتاي ءتىلى قالاي كومەكتەسكەنىن اڭگىمەلەپ بەردى.

كەڭەس وداعى ىدىراعاننان كەيىن قازاقستاننىڭ سول كەزدەگى پرەمەر-مينيسترى سەرگەي تەرەششەنكو قىتايعا رەسمي ساپارمەن بارماقشى بولىپ, اۋدارماشى ىزدەگەن ەكەن. سول كەزدە قاسىم-جومارت توقاەۆ اۋدارماشى رەتىندە ۇكىمەت باسشىسىمەن ەرىپ بارعان.

"توقاەۆ قازاقستان پرەمەرىنە ۇناپ قالدى. وسىدان كەيىن ول بىردەن سىرتقى ىستەر ءمينيسترىنىڭ ورىنباسارى بولدى. كەيىن سىرتقى ىستەر ءمينيسترى, پرەمەر-مينيستر, پارلامەنت سەناتىنىڭ ءتوراعاسى, بۇۇ-نىڭ جەنەۆاداعى باس حاتشىسىنىڭ ورىنباسارى جانە تاعى باسقا لاۋازىمدى اتقاردى. تاڭعاجايىپ كارەرا جاسادى", - دەپ سانامالاپ بەردى باجانوۆ.