اتىراۋ وبلىسىنىڭ اكىمى اتىراۋ – استراحان جولىنىڭ جوندەۋ جۇمىسىمەن تانىستى

رەسپۋبليكالىق ماڭىزعا يە 277 شاقىرىم تاس جولدىڭ بۇگىندە 60 شاقىرىمىندا جوندەۋ جۇمىستارى قارقىندى ءجۇرىپ جاتىر. ءقازىردىڭ وزىندە 6 شاقىرىمعا اسفالت توسەلگەن, ؛&ndash؛ دەپ حابارلايدى اتىراۋ وبلىسىنىڭ وڭىرلىك كوممۋنيكاسيالار قىزمەتى.

قۇرىلىس جۇمىستارىنا 300-گە جۋىق ادام, 150-دەن استام تەحنيكا جۇمىلدىرىلعان. جوسپارعا سايكەس, اتىراۋ &ndash؛ استراحان تاس جولىنىڭ 60 شاقىرىمدىق قۇرىلىسىن اياقتاۋ ەكى جىلعا جوسپارلانىپ وتىر.

وبلىس اكىمى نۇرلان نوعاەۆ قۇرىلىستىڭ جاعدايىمەن تانىسىپ, مەردىگەر مەكەمەگە ءبىرقاتار تاپسىرمالار بەردى.

&ndash؛ بۇل ەلىمىزدەگى ماڭىزى بار تاس جولداردىڭ ءبىرى. كورشىلەس رەسەي ەلىمەن بايلانىستىراتىن بۇل تاس جولمەن كوپتەگەن كولىكتەر قاتىنايدى. سول سەبەپتى بۇل جولدىڭ ساپالى جانە ۋاقتىلى تاپسىرىلۋى قاجەت. بۇل جۇمىستار وڭتايلى ىسكە اسسا, جولاۋشىلار ۋاقىتىن ەكى ەسە ۇنەمدەيدى. سونىمەن قاتار, رەسەيمەن ەكى جاقتى قارىم-قاتىناس نىعايىپ, ساۋدا-ساتتىق سالاسى داميتىن بولادى, &ndash؛ دەدى ايماق باسشىسى.

اتىراۋ &ndash؛ استراحان تاس جولىنىڭ ەنى 9 مەتر, كونسترۋكسيالىق قالىڭدىعى 65 سم بولادى. تاس جولدىڭ بويىندا ورنالاسقان بارلىق ەلدى مەكەندەردىڭ تۇسىنا مال وتەتىن وتكەلدەر مەن اۆتوبۋس ايالدامالارى, كولىك تۇراعىمەن قوسا كوپىرلەر سالىنباق.

تاس جولدىڭ 60 شاقىرىمىندا جوندەۋ جۇمىسىن جۇرگىزىپ جاتقان مەردىگەر مەكەمە, قالعان 217 شاقىرىم جولدىڭ 80 شاقىرىمىن جوندەۋ ءۇشىن قۇجاتتاردى راسىمدەۋدە. قۇجاتتار رەتتەلىسىمەن جۇمىستار باستالاتىن بولادى.