شاعىن قارجى ۇيىمدارى كۇنىنە 58,7 ملن تەڭگە تابادى

قازاقستاندا ميكروكرەديتتەر بەرۋ ءتيىمدى بيزنەس تۇرىنە اينالىپ بارادى. كليەنت سانى كوبەيىپ, تۇرعىنداردىڭ كرەديتتىك پورتفەلى جاقسارا تۇسۋدە. ال پايدا بولسا, شاش ەتەكتەن. دەسە دە تابىس تابۋ ءبارىنىڭ بىردەي قولىنان كەلەر ەمەس, ؛دەپ جازادى qamshy.kz اقپارات اگەنتتىگى ؛365info.kz ؛سايتىنداعى دەرەكتى باسشىلىققا الىپ.

ۇلتتىق بانك دەرەكتەرى بويىنشا 1 شىلدەدەگى جاعدايعا سايكەس شاعىن قارجىلىق ۇيىمداردىڭ جالپى اكتيۆىنىڭ كولەمى 302,6 ملرد تەڭگەنى قۇرايدى. كورسەتكىش ەكىنشى توقسان قورىتىندىسى بويىنشا 29,3 ملرد تەڭگەگە وسكەن. جارتى جىلدىقتا شاعىن قارجى ۇيىمدارىنىڭ اكتيۆى 5,6 پايىزعا ارتقان. بۇل ارالىقتا ەكىنشى دەڭگەيلى بانكتەر اكتيۆى 0,4 پايىزعا عانا ءوسىپ وتىر.

بۇل سايكەسىنشە, ميكروكرەديتتەرگە سۇرانىس رەكوردتىق قارقىنمەن ارتىپ وتىرعانىن اڭعارتادى. 2019 جىلدىڭ ءساۋىر-ماۋسىم ارالىعىندا بەرىلگەن قارىز كولەمى 25 ملرد تەڭگەنى قۇراعان. بۇل 2015 جىلدان بەرگى ەڭ ۇلكەن توقساندىق ءوسىپ. جىل باسىنان بەرگى التى ايدا شاعىن قارجىلىق ۇيىمدار قازاقستاندىقتارعا 258,1 ملرد تەڭگە سوماسىندا قارىز بەرگەن. ءبىر جىل ىشىندە قارىز پورتفەلى 37,6 پايىزعا, التى ايدا 17,8 پايىزعا ارتقان. بۇعان بانكتەردىڭ كرەديت بەرۋدى ازايتۋى سەپ بولۋدا.

شقۇ-لاردىڭ نەگىزگى كليەنتتەرى &ndash؛ جەكە تۇلعالار. ولاردىڭ ۇلەسى شاعىن قارىزداردىڭ 98 پايىزىن قۇرايدى. ايتا كەتەرلىگى, كوبىسى قارىزىن ۋاقىتىلى تولەپ ءجۇر. 1 شىلدەدەگى جاعدايعا سايكەس مەرزىمى وتكەن قارىزدار ۇلەسى جالپى بەرەشەكتىڭ 6,6 پايىزىن قۇراعان. بانكتەر مۇنداي جەتىستىكتەرىمەن ماقتانا المايدى. ولارداعى سايكەس كەزەڭدەگى كورسەتكىش 14,4 پايىزعا تەڭ.

ميكتوكرەديتكە دەگەن جوعارى سۇرانىستىڭ ارقاسىندا قارجى ۇيىمدارىنىڭ «؛قالتاسى»؛ ءبىرشاما قامپايىپ قالدى. العاشقى جارتى جىلدىقتا قارجى ۇيىمدارى 10,5 ملرد تەڭگە تابىس تاپقان. بۇل ۇلتتىق بانك باقىلاۋعا العان ۋاقىتتاعى رەكوردتىق سوما. ءقازىر ميكروقارجىلىق ۇيىمدار ءبىر توقساندا تاباتىن قاراجاتىن 2014, 2015, 2016 جىلدارى ءبىر جىلدا دا تابا الماعان ەدى. بۇگىندە شقۇ-دار ورتاشا ەسەپپەن كۇنىنە 58,7 ملن تەڭگە تابادى.

بۇنداي تابىستى سالادا ويىنشىلاردىڭ دا از بولمايتىنى تۇسىنىكتى. 1 شىلدەدەگى جاعداي بويىنشا ەلدە 165 شاعىن قارجى ۇيىمى تىركەلگەن. الايدا ولاردىڭ ءبارىنىڭ بىردەي تاسى ورگە جومالاپ جاتقان جوق. شىعىنعا باتقان ۇيىمدار ۇلەسى 27,1 پايىزعا تەڭ.