• usd 468.56

  • eur 497.56

  • rub 7.3

  • cny 67.18

28 ناۋرىز, 14:29:41
الماتى
+35°

كوپتەگەن ەلدەردەگى ورىن العان قولايسىز ەپيدەميولوگيالىق جاعداي قازاقستانداعى قىزىلشا جاعدايىنا دا اسەر ەتۋدە. وتكەن جىلدىڭ قاراشا ايىنىڭ باسىنان باستاپ قولايسىز ەلدەردەن قىزىلشا ينفەكسياسىن اكەلۋ سانى ارتىپتى. بۇل جاعداي دەنساۋلىق ساقتاۋ ورگاندارىنىڭ تۇراقتى باقىلاۋىندا بولعاندىقتان, جامبىل وبلىسىندا وسى جىلدىڭ تامىز ايىندا اتالعان دەرتپەن سىرقاتتانۋ ءساۋىر ايىمەن سالىستىرعاندا 5,8 ەسەگە تومەندەگەن.

&ndash؛ وبلىس بويىنشا ارنايى كونتينگەنتتەردى (اسكەري قىزمەتشىلەر جانە قازاقستان رەسپۋبليكاسى قورعانىس مينيسترلىگىنىڭ, قازاقستان رەسپۋبليكاسى ىشكى ىستەر مينيسترلىگىنىڭ, قازاقستان رەسپۋبليكاسى ۇلتتىق قاۋىپسىزدىك كوميتەتىنىڭ جەكە قۇرامى, سوتتالعاندار جانە تەرگەۋمەن قامالعاندار) قوسا العاندا, ەگۋ مارتەبەسىنە قاراماستان تۇرعىلىقتى جەرى بويىنشا ەڭبەك قىزمەتىن ۆاحتالىق ادىسپەن جۇزەگە اسىراتىن 20-دان 29 جاسقا دەيىنگى (قوسا العاندا) 113 مىڭنان استام ادامدى ۆاكسينامەن قامتۋ جوسپارلانۋدا.

ۆاكسيناسيا 332 ەگۋ پۋنكتتەرىندە, 1 244 مەديسينالىق قىزمەتكەرلەر تاراپىنان جۇرگىزىلەتىن بولادى. قىزىلشاعا قارسى ەكپەنى العاننان كەيىن ەگىلگەن ادامدا شانشۋ ورنىندا ورتاشا اۋرۋ, دەنە قىزۋىنىڭ جوعارىلاۋى, سيرەك جاعدايلاردا دەنەدە بورتپە, 2-3 تاۋلىكتەن كەيىن ءوز بەتىمەن وتەتىن ەگۋگە مۇمكىن بولاتىن رەاكسيا پايدا بولۋى مۇمكىن. ەكپە الدىندا مەديسينا قىزمەتكەرى ەگىلەتىن تۇلعاعا نەمەسە ونىڭ اتا-اناسىنا, زاڭدى وكىلىنە ەكپە تۋرالى, ەكپەدەن كەيىن مۇمكىن بولاتىن قولايسىز بەلگىلەر جانە يممۋنداۋدان باس تارتۋ سالدارى تۋرالى تولىق اقپارات بەرۋى ءتيىس, &ndash؛ دەيدى وبلىستىق تاۋارلار مەن كورسەتىلەتىن قىزمەتتەر ساپاسىن باقىلاۋ دەپارتامەنتى باسشىسىنىڭ ورىنباسارى عازيز نادۋەۆ. عازيز دۇيسەنبەكۇلى.

بۇگىندە ينفەكسيا وشاقتارىندا ەپيدەمياعا قارسى ءىس-شارالار جۇرگىزىلىپ, 2 مىڭعا جۋىق ناۋقاسپەن قارىم-قاتىناستا بولعان ادامدارعا قىزىلشاعا قارسى ەكپە ەگىلگەن كورىنەدى.

قىزىلشادان قورعاۋدىڭ بىردەن-بىر ءتيىمدى ءتاسىلى &ndash؛ ۆاكسيناسيا. بۇكىل الەمدە يممۋنوپروفيلاكتيكا ينفەكسيالارعا قارسى كۇرەستە ەڭ ءتيىمدى, ۇنەمدى جانە قولجەتىمدى قۇرال رەتىندە تانىعان. سول ءۇشىن دە ەلىمىزدە 19 جۇقپالى اۋرۋلارعا قارسى ۆاكسيناسيا جۇرگىزىلۋدە. بالالاردى ۆاكسيناسيالاۋ ءۇشىن دۇنيەجۇزىلىك دەنساۋلىق ساقتاۋ ۇيىمى ۇسىنعان ۆاكسينالار ساتىپ الىنادى.

مامانداردىڭ ايتۋىنشا پروفيلاكتيكالىق ەگۋدەن باس تارتقان ادام ءوزىنىڭ ينفەكسيادان جانە ونىڭ سالدارىنان قورعانۋ قۇقىعىنان ايىرىلادى ەكەن.

"قامشى" سىلتەيدى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر